مسلسل حمصي هههههههههه

يبدأ مسلسلنا بليلة من ليالي الشتاء في بيت حمصي بإحدى حواير حموصة الأديمة
والعائلة تتألف من أم وأب وأخين وأختين
أوه نسيت ألكن الأسماء
الأب أب وصفي
الأم أم وصفي
الأخ الكبير وصفي
الأخت الكبيرة وصفيي
الأخ الصغير سعدو
الأخت الصغيرة سعدية
المشهد يبدأ ليلة الخميس بدخول الأخ الكبير لأوضة الأعدي وفيها بئية العيلي عدا الأب لساه بالحارة
الأخ بفوت مكرتع من البرد و أخو الصغير عامل رجال ومحتل المحل تحت بوري الصوبيا
وصفي: يا محمد شو هالزمهرير اللي برى أدنيي راحو أوم هيك ولا يئطا عمرك شو دب
و بشوط سعدو بيلزؤو بالحيط
سعدو ببلش بعيئ: أمييييييييييييييييييي ليكيه
أم وصفي: أي أملو أمي الله يرضى عليك مانك شايفو مسئع أخوك
سعدو: جحش
وصفي: سعدو بتسكت ولاا أووم إرنعك بكس جيب أجلك
الولد ضب حالو وأعد بآخر الأوضة
وصفي: شعلتو الحمام؟
وصفيي: أي شعلنا من المغرب وكلنا تغسلنا بائي حضرتك وأبي
وصفي: أي أومي حطي العشا
أم وصفي: استنا هلأ بيجي أبوك ومناكل كلنا سوا
وصفي: هلأ بدو سني ليجي آعد بالحارة مع أب زفت عذاب الروح ( لبئ لرفيئ أبوه أب سامر مطالعتو العيلي علاي)
أم وصفي: طيب أوم تخسل بكون إجا أبوك
بؤوم هالولد بعد ما إدففا شوي وبياخد برنصو وتيابو وبفوت عالحمام وبعد فترة بيشتغل البعيئ
وصفي: ولك خلصت طاسة المازوط لي ما معبايينا جيبو تنكة المازوط رح ينطفا الآظان
أم وصفي: يه أومي وصفيي خوديلو التنكي لأخوكي أوام هلأ بجرصنا بالحارة
وصفيي: وليش أنا خلي سعدو ياخدلو ياها في جربوع حد برميل المازوط و الدنيا عتم ما بسترجي روح لهنيك
سعدو طبعا بدو ينتئم: حلي عني خليي يعرف يرفس
أم وصفي: لك أوم بصرعة هلأ بيفضحنا بالحارة
وصفي: ولك وين المازووووووط
أم وصفي: لك أوم يا جحش
سعدو: ماني
أم وصفي: ماشي أنا رح أوم بس انشاالله تؤلي ليكييي إذا أررب عليك
بتؤوم هالمسكيني أم وصفي تاخدلو المازوط لأبنا وبعدا بشوي بتنئطع الكهربا
سعدو:هيييهيييييييييييي علينا هلأ وئتن وين اللوكس بطيخة؟
وصفيي: عضهر البراد بالمطبخ أؤوم عجل أمك بأرض الدار
سعدو بؤوم عم يلمس طريؤو بيتفشكل بالعتبي وبيشتغل السب وسعديي بتخاف وبتبلش نعر
أم وصفي من برة بتعيط لوصفيي آل لأن مطبوزي من سعدو النحس: جيبي البيل من تحت الآطع (الصوفى بلغةالحواير)
سعدو لوصفيي: لك يئطاعمرك شو جدبي ما بتعرفي البيل تحت الآطع؟
وصفي: أشهد أن لا إله إلا الله على هالنهار الله يجيبك ياطولة البال
وصفيي بتلائي البيل وبتعطي لسعدو اللي بروح وبشغل اللوكس
سعدو: لك ما بتعرفو تجيبو أميص جديد للوكس ليكي راح يسلت

وصفيي بتطلع عالمطبخ وسعدية متأربطا فيا خيفاني من العتمي: مسيك هاي الكاز شعلو وخدو لأوضة الأعدي وهات اللوكس لا تهر الأميص خليني روح شوف أمك

بتاخد هالبنت اللوكس وبتروح لعند أما هيي وسعديي و بياخدو تنكة المازوط لوصفي اللي زحط بالعتمة على جرن الميي وطلعتلو دنغورة بنص راسو وكان عم يسبسب ليوم السب ...



وهيك انتهت الحلقة الاولى والاخيرة من المسلسل الحمصي

هههههههههههههههههههههههههههههههههههههههههه

مسلسل رائع

بل أكثر من رائع


الله يعطيكي العافية نانو

تحياتي لجهودك

هههههههههههههههههههههههههههههه
يبعتلك الهنا يا نانو
هههههههههههههههههههههههههههههههههههههههه
أنا عشت بالجو ..
و طلعت من شوي
هههههههههههههههههههه
يسلمووووووووووووووووووو

الله يعافيكون يارب وشكرا كتير لمروركون بس الصراحه مو احلى من باب الحاره
هههههههه وهل المسلسلات الي بتجيب المأت

ههههههههههههههههه
يعطيكي العافيه
المسلسل كتير حلو بي يشبه عيله خمس نجوم بس الحماصنه حلوها
هههههههههههههه

يعطيك العافية نانو
بس ليش اخر حلقة كنا ناطرين الباقي
هههههههههههههههههه

عمللنا واسطة مع الكاتب خلي يمددو

اي المسلسلات التركية مانها احسن منا
هههههههههههههههه

اي مو تكرم عينكون ورح نعمل جزء تاني بس وصفيي رح تعتزر عن دورا ورح نحط محلا كرجيي وبالنسي لوصفي رح يجي محلو عون ورح يكون اكشن ونهاي مو متوقعا حدا