توقيعات الأبراج الحمصية لهذه الفترة

عمو الفلكي اليوم طالع النتائج النهائية للأبراج الحمصية و ذلك بعد دراسة معمقة في علم الأخشاب و بقايا الهواء في زجاجة غاز غير مضغوط بعد قياس مستوى الماء في بسكوتة أم الخمسة
و إليكم النتائج :
----------------------------------------------
الضارب رفيقه دائماً :
أنت ياصاحبي حباب و طيوب و شغلة كبيرة .. و عئبال ما نفرح فيك .. نصيحتي لا تترك مصاري في جيبتك لأن رح يلتئالون مين يشفطن منك ..
الفريئ اللي بتشجعو بكأس العالم على الأغلب فاز أو ما فاز .

الشغلة متل الحبل بس مو حبل
صحابي أنت عليك تتعلم عدم اللف و الدوران و ذلك لمصلحة شخصية
خفف شوي تلفزيون و أفلام و لا تتفرج كتير على مسلسل مراد لأن ما رح تتحمل فكرة أن مراد مضاد للرصاص .. الفريئ اللي بتشجعو بكأس العالم الجاي رح يطلع من دوري الخمسا و تسعين .. لأن ممنوع الفرق المحلية تشارك ..

ذو الرأس و الأقدام
على غرار الاسم فلا يوجد شيء جديد فيك هذه الفترة
عليك بتغيير المظهر الحارجي لك و بأسرع وقت
محلات كفرات الانسان ( محلات الألبسة ) ستفتح أبوابها اليوم خصيصاً لك و ستجد كل ما يريده البائع .. لا تستسلم للمغريات من أجل الحفاظ على مستوى معئول لمصريات في جيبتك .

السمكتين
اليوم عزيزي السباحة ممنوعة بسبب تواجد قروش في الماء بعد أن سقطت الشنتاي تبعت واحد فئير و طيوب و انتشرو القروش اللي كانو فيها بالمي .. الأسلاك تنصحك بالابتعاد عن فيش الكهرباء إذا كان بكهرب .

صاحب العلبة
عزيزي هلأ اليوم لا تشيل العلبة بالعرض لأن عليها في سلم و هيك بتكون شايل السلم بالعرض ..صعوبات رح تطلع بخلئتك نتيجة باب ديئ ما بساع تمرء العلبة مع السلم منو .. عمو الفلكي يقدم لك نصيحة أخوية بأن ما تهاوش الكلاب بالحارة لأن السلم ما رح ينفعك و انت مستعجل بالهريبة منهم .

وحيد القرنين
اليوم أنت سعيد و فرحان و كالعادة تحاول مساعدة الجميع و عمل اتصالات بين الكل و هذا أمر سيعذبك كثيراً و خصوصي إذا لقيت واحد من الأطراف زعلان .. الغابات الخشبية تنصحك في هذه الفترة بالابتعاد عن الأمور المالية و النفسية و الجسدية و إذا ما فيك لا تبعد ما في مشكلة .. فريق كرة السلة الذي ما بتعرف عنو شي بجوز يفوز بكأس العالم لكرة القدم

الجالس مع القوس و السهم
دير بالك لا يفور دمك لأنو رح يأثر عليك و على الجلسة الملكية تبعتك مع القوس و السهم .. نصيحة الكمبيوتر لك أنك ما تستخدم القوس و السهم و لا تمزح فيهم مع حدا مشان صحتك .. و اعمل ريجيم و حاج بطاطا مئلية و فلافل من الصبح !

الزرافة قصيرة الرقبة
ممنوع التفكير اليوم بالمشاريع المالية .. حالتك المادية هوب هوب و ما خرج تفكر أساساً .. روح شفلك شغلة مفيدة و اعمل ريجيم قاسي .. نصيحة الأعشاب الطبية لك أن تنظر إلى الجانب المشرق و تستخدم الأزمة المالية الحالية من أجل التهرب من التزامات مالية مع زوجتك .. و الله يوفئك يا رب .

آكل الحجارة الأسود الصغير
الأركيلة ليست طعام مهم , و عليك بتكثيف علاقاتك الاجتماعية و معاودة الاتصال ببقايا أصدقائك الذين بجوز يكونو نسيو شكلك .. لا تشتري جبس من السوق .. نصيحة الأوراق لك أنك تئفل الموبايل و تشتري بسكليت .

ذو القدم الواحدة و الرأس الواحد
هالفترة عندك سباء حواجز مشان تلحئ الدوام لأن عم تسهر كتير و تفيئ متأخر .. نصيحة اشتري جهاز شباب حمص تبع الخزان اللي بعبي مي لحالو عند توفر الشرطين كهرباء و ماء معاً .. و نام و أنت مرتاح ..

الأنبوب الملفوف المتحرك
أنت انسان شاعري , لذلك اليوم ستوكل لك مهمة الشعر , اعمل دورة عند الكوافير مشان تتعلم التعامل مع الشعر بشكل جيد .. نصيحة المشط لك لا تجرب بأخوك الصغير مشان ما تاكلها علئة و فلئة من أبوك .

ذو الأربعة أقدام أو أكثر
اليوم ستنصدم بكثير من الناس , خفف من عملية السير في الأماكن المزدحمة او استشر طبيب العيون , نصيحة الكيبورد لك المشروبات أمر مفيد للصحة و لكن لا تستخدم أي مشروب أمام الكمبيوتر هذه الفترة لأن رح ينكب على الكمبيوتر و فهمك كفاي .

و اذا ما عندي كمبيوتر على شو رح ينكبو ؟؟\
هههههههههههههههههههههههههههههههه

السمكتين
اليوم عزيزي السباحة ممنوعة بسبب تواجد قروش في
الماء بعد أن سقطت الشنتاي تبعت واحد فئير و طيوب و انتشرو القروش اللي
كانو فيها بالمي .. الأسلاك تنصحك بالابتعاد عن فيش الكهرباء إذا كان بكهرب
.
لا ولا يهمك عمو الفلكى
انت عارفنى بحب المغامرة
وانا لا اخاف القروش ولا الكهرباء
ههههههههههههههه
شكرا عمو الفلكى على التحذير
وشكرااااااااااااااا عمو المستر كمان على الابراج الحلوة

الضارب رفيقه دائماً :
أنت ياصاحبي حباب و طيوب و شغلة كبيرة .. و عئبال ما نفرح فيك .. نصيحتي لا تترك مصاري في جيبتك لأن رح يلتئالون مين يشفطن منك ..
الفريئ اللي بتشجعو بكأس العالم على الأغلب فاز أو ما فاز .

مافي مصآري أصلا عشآن ينشفطو
مآ آتآبع لكن على اظن انو فاز

عوآفي علاء ، يسلمو

وحيد القرنين
اليوم أنت سعيد و فرحان و كالعادة تحاول مساعدة الجميع و عمل اتصالات بين الكل و هذا أمر سيعذبك كثيراً و خصوصي إذا لقيت واحد من الأطراف زعلان .. الغابات الخشبية تنصحك في هذه الفترة بالابتعاد عن الأمور المالية و النفسية و الجسدية و إذا ما فيك لا تبعد ما في مشكلة .. فريق كرة السلة الذي ما بتعرف عنو شي بجوز يفوز بكأس العالم لكرة القدم




سعدان جدا جدا جدا


شفت علوئة اليوم انا لازم بعد عن الحياة المادية هههههههههههههههههه


ديرو بالكن

شكرا عمو الفلكي