تصرفات البنت جوات البيت وبرات البيت

من طرف **asd-30** 21/1/2011, 4:02 am

تصرفات البنت جوات البيت وبررررررررات البيت

بسم الله الرحمن الرحيم
تصرفات البنت جوا البيت وما ادرااك ما جوا البيت

جوا البيت : اذا اخوها الصغير قرب عليها بتروح ضاربتو هداك الكف عاميه ضوء عيونو.. عاد المسكين كان بس بدو يدور على القلم بتاعو تحت الكنابية الي هي قاعدة عليها.

برا البيت : اذا صاحبتها او واحد من صحابها جايب ولد صغير بتبلش يا حبيبي ويا عمري وما ازكاك وتقرصه من خدوده!!!! وعاد الولد بتكون ريالته معبه اواعيه وجه معبى شوكلاتة وبوظة........ كأنها ما بعمرها شايفة ولد صغير ...(لا حول ولا قوة الا بالله ) واخوها المسكين اذا شافها بتعمل هيك راح يفقد عقله ويحكي انو اخته انجنت..

الاكل

جوا البيت : يا حبيبي عليكم اذا امها طابخة طبخة بتحبها (ملوخية مثلا).....بتروح خالعة 3 صحون ومرات 4 مع فخدة وسفينة..والاكل معبي الطاولة بتكون زي كاينة عاملة طوشة مع الصحن ....الملوخية في كل مكان ...انتشار واسع وقصف عشوائي.

برا البيت : حكولها تعالي تفضلي على الاكل بتكون الطبخة ملوخية كمان ...بتحكي :لاء لاء والله انا مو جوعانة انا مثقلة على الفطوراكلت شقفة خبزة مع كاسة حليب..... واذا اصروا عليها بتحط ملوخية لحالها بدون رز على اساس انه الرز بينصح وهي معتنية بصحتها كتير وبتحب تضل خفيفة.

الحكي والصوت

جوا البيت : اذا بدها تنادي على اخوانها يلا على الاكل او الغدا بيجوز الي بالحارة التانية بيفكروا حالهم معزومين على الغدا من كتر ما صوتها بيكون يرن رن بالدار ويا حبيبي اذا حدا غلط وخربلها اشي على الضمان لتقطع خلفه بهداك الصوت الي بدها تخلعه اياه.

برا البيت : اذا كانت برا البيت وقاعدة بتحكي بموضوع مع صاحباتها وفي شباب حواليها يادوب يادوب تسمع صوتها وبين كل كلمة وكلمة في كلمة انجليزي ويا عمري اذا كانت بتعرف فرنسي ..انسى انك مش راح تفهم اشي وراح تطلع (؟؟؟؟؟؟؟؟) قبالها. يعني ولا دلع نانسي بالحكي وحركة شفايف اليسا.

واخر شي الضحكة

جوا البيت : اذا ضحكت بالبيت بتكون ....اهاهاهاهاها اخ اخ هاها هوهو هو هي اخ اخ ...

برا البيت : هاها .....ها طبعا بتكون حاطة اصبعين على تمها بس تضحك......اتيكيت.
صبايا لاتزعلو

من طرف **asd-30** 21/1/2011, 4:03 am

طبعا اتمنى من الصبايا ما تزعلو ولكم كامل تحياتي واحترامي

من طرف **جزيرة الحزن** 21/1/2011, 4:16 am

شكرا على كامل تحياتك واحترامك

بعد كل هالكلام

من طرف **asd-30** 21/1/2011, 4:59 am

شكرا لتوجدك ياغالية

تصرفات البنت جوات البيت وبرات البيت 528187

من طرف **RANOOOM** 21/1/2011, 8:09 am

نحنــــــــااا هيك ؟؟

مو حرااااام عليك .. نحنا لطيفين ورقيقين وكتيييير حبابين

بس شوف يعني فيك تقول 99%من الي قلتو صح
ههههههههههههههههههههههههههههه
او سوري هاهاهاها هيك صح الضحكه مو ؟؟
مشان الاتيكيت ...

ثااااااانكس اسد كتتتتتر حلوووو

من طرف **المغرورة حمص** 21/1/2011, 2:23 pm

جوا البيت : اذا بدها تنادي على اخوانها يلا على الاكل او الغدا بيجوز الي بالحارة التانية بيفكروا حالهم معزومين على الغدا من كتر ما صوتها بيكون يرن رن بالدار ويا حبيبي اذا حدا غلط وخربلها اشي على الضمان لتقطع خلفه بهداك الصوت الي بدها تخلعه اياه.

ههههههههههههههههههههههههه

عم قول ليش اخي بقلي وقت انت بتعيطي بحس البيت فيها زلزال
وجيران ما بدقو الباب غير وقت الاكل
خلص بدي صير انتبه
هههههههههههههههههههههههههههههههههههههههههههههههههه
يسلمو اسد بموتو من الضحك