الفرق بين الشب والبنت في السرفيس

من طرف **AHMADSYRIAMAN** 4/12/2010, 10:37 pm

المواقف اللي ممكن تتعرض إلها وانت بداخل السيرفيس
وانت طالع ممكن يخبط راسك بالباب لأن\ ارتفاعو غلط
فاذا كنتي بنت رح تسمعي : الله الله خير صرلك شي ؟؟؟؟ من كل الركاب و نظرات العالم كلها شفقة و وكلن رح يضربو الشوفير لأن الحق عليه ما اشترا سيرفيس الو اكياس هوا مشان الصدمات
واذا كنت شب فرح تسمع العالم عم تضحك وتقول العما ضربو مانو شايف !!!!!!! يالله بيستاهل ..شوف وين كان عم يبصبص

وقت بتسكر الباب بهدوء تبعا لتعليمات الاعلان اللي موضوع عالباب وما بيتسكر
اذا كنت بنت … دخيل الله شو هالأنوثة ليك وحتى عالباب مالها نفس تخبطو
اذا شب …. لي ك التشتوش ليك مالو حيل يسكر الباب تفه عهالجيل

وقت بتسكرو بقوة
اذا كنت بنت … يا حرام اكيد معصبة من شي شغلة الله يعينها
اذا شب …. هشششش فهمنا انك قبضاي خلعت الباب

وانت قاعد ممكن يجيك اتصال
اذا كنت بنت ….. ياخ مأحلا صوتها نيالو المحظوظ ..
اذا كنت شب …. تضرب انت واللي داير عليك وطي صوتك صرعتنا والله فهمنا معك موبايل

وقت بيوقفلك الشوفير وما بيكون في معو محلات أصلاً
اذا كنت بنت ما عليك الا انو تنظري نظرة وحدة لأي شب من اللي قاعدين بتلاقيه نط وقعد عالسفنجة اللي بعكس الشوفير
اذا شب دبر حالك عالدولاب وازا ما عجبك روح مشي شهههه نحنا بعمركن كنا نروح عالحسكة مشي

وقت بيكون م عك اغراض
اذا بنت في مين يطالعلك ياهن وينزلن ويحطن بحضنو اذا بدك والناس شو بتقول بقلبا : يا حرام!! وين اخواتها الشباب يجيبو الاغراض
واذا كنت انت اخوها وجبت الاغراض شو رح يقولو ؟؟ هوهوووووووو تعا حطن بحضننا !!! كلو مشان ما تاخد تاكسي لعما البخل

وقت بتطلع غنية بشعة والصوت قوي
اذا بنت الك الحق تقوليلو وطي الصوت ازا بتريد او غير المحطة والعالم رح تقول اي اي غيرا (اكيد في الها ذكرى حزينة بقلبها)
اما اذا شب رح يلتفت عليك الشوفير ويقوي الصوت حبة تانية ورح يقول : ليك هالعالم ليك بدو يشترينا بالخمس ليرات تبعيتو !!!

وقت بدك تنزل وتقول للشوفير على مهلك وما يسمع بسبب الاغاني اللي حكينا عنها من شوي
اذا كنت شب بيتطلع فيك اللي حدك وبيقلك بنظرة فوقية : ما سمع صوتك
وبينط التاني بعد ما بتمر جنب بيتك وانت مستغرب انو السرفيس ما عم يفكر يوقف وبيقلك نازل ؟؟
واذا بنت ما عليكي الا انو تفكري تفكير بالنزلة او تهمسي همس بينك وبين حالك نزلني واسمعي الشباب كلن بصوت واحد :على مهلك على مهلك ….. نزلها …. شو مانك سامع ؟

…. عاليمين … نزلاااااااااااااااااااااا

من طرف **المغرورة حمص** 4/12/2010, 11:07 pm

ههههههههههههههههههههههههههههه

موضوع بجنن احمد

وقت بيوقفلك الشوفير وما بيكون في معو محلات أصلاً
اذا كنت بنت ما عليك الا انو تنظري نظرة وحدة لأي شب من اللي قاعدين بتلاقيه نط وقعد عالسفنجة اللي بعكس الشوفير

ههههههههههههههههههههههههههههههههههه

خصوصي اذا حلوة متلي
ههههههههههههههههههههههههههه

من طرف **AHMADSYRIAMAN** 5/12/2010, 1:42 am

نورتي مغرورة

بس في كمان طرائف للسرافيس وخصوصاً بحمص

عهعهعهعهعهعهعهعهعهعهعهعهع

من طرف **اسمر زين المعاني** 5/12/2010, 1:46 am

لك شفتي يا مغرورة--- انكن اخدين حتى محالاتنا في السرافيس-----ماتركتولنا شي --ياظلام---ولسا عم ادورو على حقوقكن---

لكن على كل حال الصبر من شيم الرجال----ومنحبكن ---شو بدنا نعمل --مافينا نعيش بلاكن---

الحمدلله الذي خلقنا ذكورا

من طرف **عبير** 5/12/2010, 1:50 am

هههههههههههههه ظريف موضوعك أحمد

مشكور

من طرف **AHMADSYRIAMAN** 5/12/2010, 1:54 am

الشكر لله وثم لكم اصدقائي

والشكر الاكبر للقلم الذي كتب بهذا الموضوع

حياكم ربي

هلا والله حي الله

من طرف **اسمر زين المعاني** 5/12/2010, 1:57 am

من طرف **ثائر** 5/12/2010, 7:06 am

شايف يا احمد وبعد كل هالشي لسه بقولوا انو البنات مضطهدين

من طرف **Black shadow** 6/12/2010, 8:21 pm

واذا بنت ما عليكي الا انو تفكري تفكير بالنزلة او تهمسي همس بينك وبين حالك نزلني واسمعي الشباب كلن بصوت واحد :على مهلك على مهلك ….. نزلها …. شو مانك سامع ؟

…. عاليمين … نزلاااااااااااااااااااااا

هههههههههههههههههههههههههههه

نظامي الحكي

وكل يوم بتصير

شكرا احمد عالموضوع الظريف

اللله يعطيك العافي

تحياتي