الشاعر الثائر على كرسى الاعتراف

LINDA كتب:
1-قل لنا تلات احسن صفات و تلات اسوا صفات فيك؟

احسن صفات طبعا برايي انا
الصدق في التعامل - الصراحة - الوفاء
اسوأ صفات كمان برايي انا
عيني الزايغة - الاهمال - العصبية

2-هل سبق لك ان تعاركت مع شخص في الشارع ؟ لماذا ؟ من الذي غلب ؟

لا الحمد لله ما حصل هيك شي

3- موقف محرج تعرضت له ؟

مرة شافني والدي بالشارع وانا عم ادخن
وضليت اكتر من اسبوع ما حط عيني بعينو من خجلي منه

4-هل سبق لك ان انتخبت؟ اذا نعم على من انتخبت ؟ اذا لا لماذا؟

بصراحة ما فهمت السؤال
اذا ممكن توضحيه ليندا

5-اكثر تلات صفات لا تطيقها في المراة؟

الكذب الخيانة الغرور

6-اذا كانت زوجتك عاملة و طلبت منك ان تساعدها في اعمال البيت هل تفعل ؟اذا لا لماذا ؟

حتى لو لم تكن عاملة بالتاكيد واجبي ساعدها
بس ما بعرف اذا هالحكي رح يضل ساري المفعول بعد ما اتزوج

7-هل تفضل المراة اللي شخصيتها قوية و المتمردة ام الخجولة و المسالمة ؟

الخجولة والمسالمة

8-موقف بكيت فيه او شعرت برغبة كبيرة بالبكاء؟ ولا تقل لي انا لا ابكي او لا اتذكر او... :

بكيت كتير بس اكتر مرة بذكرها من حوالي سنتين
بكيت لما تذكرت شخص كتير عزيز علي
كنت وقتها على شاطئ البحر وكان معي عمار يومها

9-ما هي نقطة ضعفك؟

طيبة القلب

10-ما هو الابشع من بين الامور التلاتة بالنسبة للرجل ؟
-ان يكون فرتاس ( يعني اصلع) الصلع مش عيب ولا هو شيء بشع
-ان يكون سمين مدور والشخص السمين ممكن يرجع نحيف مع الايام
-ان يكون بطيء الفهم هادا ما الو دواء
يبقى هو الابشع

rahma كتب:







1- شو الموقف اللي بتكره بكل حياتك

وهل اثر على مجرى حياتك

وياترى تاثيرو كان من ناحية ايجابية او سلبية

الموقف اللي بكرهو
اول مرة نويت فيها احكي مع بنت ورفضت
اكيد اثر بس بناحية ايجابية
لانو تعلمت بطل خجل



2- مامدى تعلقك وارتباطك باهلك أولا وأصدقائك ثانيا وبزملائك بالعمل او بالدراسة ثالثا

علاقتي بأهلي عادية اما تعلقي فيهن مش كتير قوي (لا تستغربوا )
علاقتي بأصدقائي مزاجية
يعني يوم بتلاقيني عم اسال عنعه كل لحظة وايام كتيرة ما بسال
زملاء الدراسة
علاقتي فيهن عادية ما عدا شخص واحد ربطتني فيه علاقة من نوع اخر ان شاء الله تتكلل بالزواج (ام يوشع)


3- كيف تنظر للرجل ذو الصديقات الكثيرات

يعني (النسونجي) بحجة الصداقة

بما اني اول واحد نسونجي فما فيني احكم على النسونجيين

4- متى ترى انك بحاجة للصديق

كل لحظة
بس احيانا بكسر على انفي بصلة وبطلب منو يكون جنبي واحيانا لاء

وهل هناك من يقوم بهذا الدور حقا

ما في شخص محدد كل صديق الو وقتو وعلاقتي الخاصة فيه

يعني في مين فعلا بتلاقيه لما بتحتاجو

اكيد لكل مرحلة رجالها او نسائها حسب المرحلة


5-

شو رايك فيني داخل وخارج المنتدى
داخل المنتدى عدوة لانك قائدة الحلف المعادي
وخارج مستبدة هههههه
عم امزح خارج المنتدى صديقتي المثلى
بكفي انك اول صديقة الي

6- كيف تنظر لكرسي الاعتراف ؟؟ هل هو مكان للمصارحة

ام مكان للمجاملة
ام هو عبارة عن كذبة

بالنسبة الي مكان للمصارحة
لاني بحكي كل شي بقلبي وبكرة بتشوفوا هالشي مع الايام
اما بالنسبة لغيري فكل انسان بينظر للموضوع ىمن وجهة نظر مختلفة

7- متى تحب ان تكون وحيدا ولماذا

لما بكون بدي ابكي واكيد لانو دموع الرجال غالية وما بصير كل الناس تشوفها

8- هل انت اجتماعي ام انطوائي

اجتماعي 100%

9- اعطيني لقب لكل عضو انت بتعرفو هون بالمنتدى

رحمة مستبدة
مريم سبق ولقبتها برائحة العطر
جوري الزعيمة
عمار اسم على مسمى مالك حزين
علاء محترف بالفعل
نور قلبي حاسسني انها فعلا متل اسمها المستعار
ليندا موسوعة
بلاك شادو المستقبل
نجمة حمص متل القمر بيطلع مرة بالشهر
المحبة باخلاص رواق
روميو سلطان الردود
والله ماني ذاكر غير هدول الاعضاء حاليا

rahma كتب:

ذكرت انو علاقتك باصدقائك مزاجية

طيب لنفرض انك انت هو الطرف التاني

يعني صديقك هو المزاجي ومرة بيسأل عنك ومرة بطنشك

شو بتعمل معو؟؟؟؟؟؟؟؟

بما اني انا علاقتي فيهن مزاجية فلازم اعذرهن
ولو ما كنت مزاجي يمكن كان لازم اهتب عليهن


هلئ قلت انو لما ابوك شافك عم ادخن بقيت اسبوع خجلان وماعم تحط عينك بعينو

طيب ..بعد هالموقف كيف اتعاملت مع ابوك وهل صرت ادخن ادامو ؟؟

لا ما صرت دخن قدامو لانو هو اعتبر انو انا بطلت الدخان من يومها
بس الدخان ادمان وما عندي الارادة القوية لتبطيله


برأيك الخجل عيب؟؟؟؟؟؟؟؟؟

اكيد لاء
بالعكس الخجل شغلة كتير منيحة
بس كل شي الو حدود


برأيك المصارحة حلوة حتى لو كانت جارحة؟؟؟؟

انتي بالذات بتعرفي رايي بهالموضوع
اكيد انا مع المصارحة حتى لو كانت جارحة
حتى كان عم يخطر ببالي ولحد هلأ كمان انو افتح موضوع بيوجه فيه كل عضو رسالة لعضو تاني
وتكون المساهمات عبارة عن رسائل صريحة بوجهها الاعضاء لبعضهن

شو اكتر مسلسل حبيتو
بالاول كان ما ملكت ايمانكم
بس حاليا لعنة الطين
رااااااااااااائع


مين اكتر عضو قريب الك

بما اني بعرف عمار من قبل المنتدى
اكيد هو الاقرب


واكتر عضوة قريبة الك

طارحة السؤال
حضرة رحمة


هل تتمنى ان تشارك ام يوشع معنا بالمنتدى

اكيد بس المشكلة انو هيي ما بتعرف بالنت ابدا
وما عندها لا كمبيوتر ولا هاتف ارضي


واذا فرضنا انو هي هون

ياترى رح تبقى نسونجي( انت اطلقت على حالك هاد اللقب )

هيي بتعرف اني نسونجي
ومع هيك لسه بتحبني
بس اكيد وجودها بخفف من حدة النسونجية تبعي



شو الصفات اللي بتتمنى تكون موجودة بصديقك

لو كان بايدك عصا سحرية

وفي وصادق وبريء
بس
واذا بدك الصدق لحالو بكفي


وطلب منك تحدد شخص قريب منك لتبعدو عنك مدة اسبوع


غير ام يوشع طبعا(ههههههههههههه)

مين رح تختار وليش؟
اذا عم تقولي انوقريب مني ليش لحتى ابعدوا
بس ع كلن بختار صديقي اللي عم اشتغل معو بالمحل
لانو ما بحب حدا يفتح اي صفحة نت اثناء الشغل


اكيد رح ارجع بس هدول خطرو ببالي هلئ

روميو كتب:


من يومين كنت انا مشغول وكنت انتي زعلان محبيت اسئلك لانك معصب
تعالى مين زعلك شو سبب

كنت عتبان على المستر
اما السبب ولو انو مش شغلة سرية
بس باعتبار مشي الحال بتمنى تعذرني لانوما بقدر قول

مريم كتب:

لو اعطيتك ورقة وقلم وقلتلك من هو ثائر هتكتب ايه؟؟

اكتب
بطريقتك وبما انك بتحبي الطبخ
لو وضعنا كومة من اللحم وفوقها قطعة صغيرة من شيء اسمه عقل
ورششنا بضع حبات من الثقة و زييناه بطيبة القلب
لكن فترة الطهي الطويلة ادت الى احتراق الطبخة مما ادى الى الحصول على طبخة مستهترة وغير محبة للنظام
نكون في هذه الحالة قد طهينا ما يدعي باللهجة الجزائرية شاب ثائر
(سؤال محير جدا جدا جدا )

ما هو االذى يضحك ثائر وما الذى يبكيه؟؟
يضحكني النكتة والواقع
تبكيني الذكريات والواقع

هل تشعر انك انسان سعيد وراضى عن نفسك ام انك لم تحقق حلمك حتى الان؟؟

الحمد لله ولو انه لم يتحقق حلمي لكن وبكل تواضع انا انسان قنوع لذلك انا سعيد وراضي وثائر

سألتك قبل كدة عن ام يوشع الوقتى تقريبا اعرف من هى لكن حابة اعرف حكاية الاسم زى ما قلتلك من قبل اسم يوشع اسم يهودى عندنا فى مصر فأنا مندهشة شوية من الاسم!!

اولا ام يوشع زميلتي في المدرسة وشريكة المستقبل اذا الله راد
ومشان حكاية الاسم فهو بناء على رغبة ام يوشع وانا ناقشتها انو من وين هالاسم فقالت انوو اسم نبي قديما
وع فكرة انا سمعت كتير انو اسم يهودي بس ثقتي بأم يوشع ما خلتني شك ابدا باختيارها
ومشان ما تقولوا اني خرنق وبنفذ اللي بدها ياه ام يوشع
فانا بسمع كلامها مشان تتغاضى عن نسونجيتي متل ابو ليلى يعني


ايه اكتر حاجة بتعجبك فى منتدى شباب حمص..؟؟
انا كتير بحب النقاشات والحوار وخاصة بوجود ثقافات متنوعة وجديدة علينا كحماصنة
وهادا الشي اللي عم اسعى اليه بالمنتدى وعم حاول حققه وعم لاقيه
وكمان انا بحب المدير الاستبدادي
وادارتنا هون ما عم تقصر بالاستبداد

لو انت مدير المنتدى ايه التغيرات اللى تحب تعملها فى المنتدى
من حوالي اسبوع ناطر المستر يشرف عالمنتدى مشان اعطيه شوية اقتراحات للمنتدى
بس رح احكي هون بالاول
اولا اضافة شيء من الجدية لواجهة المنتدى
تحريض الاعضاء والمشرفين على تنشيط الاقسام الغير نشطة
حاليا بس هيك

سؤال اخير
انت طبعا تعرف مريم من فترة بسيطة
بس ممكن اعرف رأيك فيها بصراحة ؟؟

مريم انا بحب الصراحة كتير والصراحة الجارحة كمان
مشان هيك لو ما عجبك ردي لاتزعلي مني ابدا
من خلال الشهر اللي احتكيت فيه بمريم
لقيت انها حريصة على التواجد في كل الاقسام
وباغلب المواضيع
وهي شغلة ايجابية
وما رح احكي كتير ايجابيات لانو لما بشوف شغلة ايجابية بحكيها بوقتها
بالنسبة للسلبيات
هاجس زيادة عدد المشاركات والدليل انو المواضيع اللي بتحسي انو ما بتعنيكي
كمان بتردي عليها والرد بكون بالشكر على هالموضوع ولو انو ما في داعي للشكر اذا لم يكن الموضوع يعنيكي
كمان لاحظت انو المواضيع اللي بتنزليها -وهي الشغلة عند اغلب الاعضاء -
اغلبها او كلها منقولة وما في من بنيات افكارك والموضوع المنقول قد ما اكن قريب من قلب صاحبه ما ممككن يجسد شخصيته متل الموضوع المبتكر

تقبلي نقدي واعذريني

بالمناسبة الف شكر على الوردة وعلى اللقب كمان
ما في شي من قيمتك
بستاهلي اكتر
ع فكرة انا ما عطيتك الوردة لانك صاحبة الموضوع
لانك فعلا بتستحقيها



[/size][/font][/font]

LINDA كتب:
سؤالي السابق اللي ما فهمتوش كان عن الانتخابات هل سبق لك و ان شاركت في انتخابات ؟؟؟ما رايك في الانتخابات ؟؟
انا فهمت السؤال هيك بس استغربت هيك سؤال لانو ما في بالعادة
نعم شاركت مرة واحدة عام 2007
وطبعا كانت هي المرة الوحيدة اللي بحقلي شارك فيها بسبب العمر
اما رايي بالانتخابات
من دون خوف سابقا كنت اعتقد انها شكلية وانو الناجحين معروفين سلفا
بس الانتخابات الاخيرة اثبتتلي خظا اعتقادي بسبب نجاح مرشح لم يكن بالحسبان
(روميو انتبه لردي منيح)

-لو كنت رئيس جمهورية ما هما القرارين اللذان ستتتخذهما ؟
بتفكيري الحالي كمواطن معتر == مسكين ممكن قول انو بقضي على الفساد
وبحاول ارفع مستوى المعيشة
بس كل شي ممكن يتغير وكل منصب الو تفكيرو

-قلت بانك تدخن الا تظن ان الناس من الوسط الصحي الممرضين و الاطباء و الصيادلة هم اول من يجب عليهم الامتناع عن التدخين حتى يكون عندهم مصداقية اكثر وقدرة على اقناع باقي الناس على الاقلاع عن التدخين؟
بغض النظر عن وسط صحي او غير صحي لازم الكل يبطل التدخين وفيني بكل بساطة قول للي عم يدخن
شوف بعينك حالتي كمدخن وبعدها قرر اذا كنت بدك تستمر
طبعا الكلام ممكن ينقال لحديثي التدخين


-ما رايك في المراة التي تدخن ؟
اولا تدخين المرأة حرية شخصية ولو اني لا افضله
تانيا نحن كمجتمع شرقي بحت لا نتقبل ان تدخن المراة في الشارع امام الناس
لاننا ولسذاجة تفكيرنا
نعتبر ان كلام الناس عن المراة حين تدخن في الشارع اهم من صحتها فيما لو دخنت في البيت

-من هي الشخصية التاريخية المفضلة عندك ؟
للاسف انا ما قرات كتير عن شخصيات التاريخ
بس بيعجبني النزعة الثورية للثائر
ارنستو تشي غيفارا

-مرة قلت انك تعمل ممرض و شرطي و مقهى نت كيف يمكن ذلك ؟؟
انا متطوع في سلك الشرطة وبالشرطة شغلتي ممرض وبما اني في بدايتي فلازم اتعلم تمريض بالاول
مشان هيك عم ادرس تمريض حاليا
وحاليا باعتبارنا فالصيف يعني راحة على قولتك
اعمل في مقهى انترنت

-ما رايك في المراة الشرطية ..هل يمكن ان تكون بنفس كفاءة الشرطي ؟؟؟
غالبا لا
وانا ضد تطوع المرأة بالشرطة
او حتى بالجيش
بس كل ناس الهن ظروفهن
وقد اكون مخطئا

-هل انت انسان مرح في الحياة و صاحب نكتة ام جدي اكثر ؟؟
بكل تاكيد مرح وصاحب نكتة واسالي اللي بيعرفوني عن هالشي (رحمة وعمار اكتر شي)

-من الافضل في رايك ميسي ام كريستيانو رونالدو

كاتالونيا للنخاع
يعني حتى لو كان كريستيانو افضل
نتيجة حبي للبارسا ما رح اختار غير ميسي

-ما هو الرسوم المتحركة الذي كنت تفضله لما كنت صغير ؟؟
ماوكلي فتى الادغال
بالاضافة الى برامج كرة القدم (ماجد ورابح)
صحيح من فترة قريبة حتى عرفت ان الكابتن رابح المقصود به رابح مادجر

روميو كتب:
لو كنت رئيس جمهورية ما هما القرارين اللذان ستتتخذهما
راح ثائر بشربت مي العوض عليه
ههههههههههههههههههههههههههههههههههههههه