أسباب خسارة الكرامة مع الكويت....بدك تضحك...اتفضل‏

لقطات من مباراة الكرامي والكويت الكويتي:

أسباب الخسارة:

1- انقطعت مسبحة أبو شاكر بالملعب وما معن مسبحة احتياط

2- إياد مندو نزل بكير هالمرة وكان لسه ما مخلص الورد اللي مكلفو فيه أب محجووب

3- فهر كالو كان عم يفكر كيف بدو يجب علي غليوم عالكرامة ونسي يشجع اللاعبين معنوياً

4- الدندشي ملتهي بالأزمة المالية العالمية...

5- عطوووفي كان متقاتل هوي وصاحبتو ومانو مركز بالمباراة

6- البلحوس كان زعلان على عطوووفي ومانو مركز بالمباراة

7- الجمهور كان متعاطف مع عطوووفي ومانو مركز بالمباراة

8- الكويت منعت فيز الزيارة عن الكرماويين وهاد أهم سبب بالخسارة

9- النقل التلفزيوني كان غير مميز والمخرج ركز على جمهور الكويت مما أثر سلبا على نفسيات جمهور الكرامة

10- أرض الملعب فيها ميلان واضح من جهة الكورنر اليمين تبع الكويت

11- الطابات التي لعب بها الكرماوييون ميكاسا نمرة أربعة وما متعودين يلعبو فيها

12- طبعا والحكم كالعادة مأفل

13- قناة الدنيا ساهمت بالخسارة بسبب استضافتها لنزار محروس الواحداوي لانو جمهور الوحدة والكرامة مانن طيبات

14- كان اليوم الثلاثاء وليس الأربعاء والحظ ما بيظبط غير يوم الاربعاء مع الكرامة....لانو الكرامة بعيّد بهاد اليوم

15- القدر اللي كرر نفس سيناريو مباراة الكويت والكرامة بحمص....بس بالعكس

16- محمد بن همام اللي بيكره الكرامة لانو الكرامة قاتلو أبوه قام عمل المباراة بالكويت قصدا

17- الطقس كان شوب كتير مدرب رطوبة كتير مدري برد كتير....المهم مانو مظبوط

18- مرمى الكويت كان أصغر من مرمى الكرامى بعشرين سانتي

19- خطوط الملعب غير واضحة

20- وأخيرا...مصعب حبيبي مصعب...مصعب حبيبي

ههههههههههه
لأ طالما هيك معهن حق يخسرو
بس المشكلة كل مابتخسر الكرامة بياكل مسبات أبو شاكر
ما بعرف ليش
شكرا نور

اهلين رفعت ههههههه اي لكن هيك اسباب خصوصي اخر خبر ال دبحو الوثبة خاروف ليفك النحسس يا امي شو ضحكت
هههههههههههههههههههههه