مواصفات البنت السورية.. سمعوا لئلكن..

أولاً: فيسبوكياً:


1- اذا بعتلها مسج ع الفيس بوك عم بتقلها "مرحبا" بتعتبر حالها جميلة الجميلات, و ما حدا بيتقارن فيها و بتعتبرك انت الإنسان التافه اللي خضعت تحت قدميها, ويلي دايب بجمالها و بس بدك منها تقلك اهلين.

2- أما اذا كانت المسج "مرحبا, كيفك" فأكيد ما رح ترد عليك.. لأنك زودتها يعني.

3- و إذا كانت المسج طويلة شوي.. بترد عليك بكلمة "ok, fine" طبعا بالانكليزي بتكتبها, و اذا حبت انها تتواضع شوي, بتكتبها عربي حروف انكليزية, و انت طبعا ما بتفهم شي من هالفاين.


ثانياً- مسنجرياً:


1- اذا انت بتضيف البنت السورية ع المسنجر, فورا بتقلك... مين معي, و من وين جبت ايميلي, و لو سمحت أنا ايميلي خاص, أنا ما بضيف حدا ما بعرفو

( مع انو ايميلها في أكتر من 400 كونتاكت ما بتعرفهن و كلهن عاملتلهن بلوك ), و أنا ما بحكي مع شباب بالعادة, و مين بعتك لعندي.. و بتعرفو باقي الحكي.

2- اذا يوما من الأيام صادفت و بنت سورية ضافتك.. ( مع انو هي اتسجلت المستحيلة الثامنة بالعالم ) كمان فورا بتسألك, مين معي, أنا ايميلك عندي من زمان بس ما بعرف مين انت.. و يا ويلك اذا ما بتجاوبها..

3- طبعا بتكون حاطة صورة الشطرنج تبع المسنجر, أو الوردة.. أو صورة من صور المانغا اليابانية, و انت أكيد لازم تحط صورتك و إلا ما بتحكي معك, ووقت بتسألها عن اسمها بتقلك اللقب تبعها, و بتسألها ع كنيتها بتقلك "لسا بكير" كأنك رايح تخطبها بكرا, و اياك ثم اياك تسألها تحط صورتها.. فورا بتلاقيها طلعت اوفلاين, لأنك صرت من قائمة البلوك تبعها.

4- دائما حاطة حالتها "مشغول" على اعتبار انها مشغولة كتير, و بترد عليك جملة بتتكون من تلت كلمات, بعد ما بتكون انت كاتب موضوع تعبير من عشر

أسطر, و اذا شي يوم هيي فاضية و عم تحكي معك و انت مشغول مو قدران تحكي كتير, بتقلك "اوكيه شكلك مشغول, ما بدي عطلك" لأنك ما عم ترد عليها كتير.

ثالثا: في الشارع:


1- بتمشي و هيي مثبتة خصرها, و ايدها من عند المرفق ممدودة و حاملة الجزدان تبعها, و كل ما ثبتت خصرها أكتر بتكون أكابر أكتر, و رجليها بيتحركو من تحت الركبة بس,أما فوق الركبة فحركتهن ثابتة, و الأكتاف مشدودين, و الرأس مرفوع عاليا, نظام منضم.

2- اذا كانت ماشية مع رفيقة أو رفيقتين, ومتأكدين انهن مزبطين حالهن ع الآخر, بيمشوا بالشارع مفكرين حالهن عم يعملوا فيديو كليب, بيطلعوا ببعض و بيضحكوا كتير بس يخلصو الضحكة, بيردوا شعرهن لورا مفكرين انو في مروحة عم تهب الريح منها ع شعرهن.. سانسيلك.

3- تحذير: اياك ثم اياك انك تخبط فيها بالغلط, بتكون جنيت على نفسك, بتنظر فيك نظرة استحقار من راسك لخلخالك, و بتزدريك لأنك شخص منحط... و طبعا

بتكون هيي الغلطانة لأنو بتكون ماشية بتوقف على فجأة قدام محلات الماركات, على أساس انو هيي شرية ماركات و لفتت نظرها قطعة ما بتتفوت


رابعا: في المحلات التجارية:


1- اذا فاتت البنت ع محل تجاري بدها تشتري غرض, بتنكّت صاحب المحل محلو قطعة قطعة, و هيي بتكون حالفة يمين ما يعجبها شي, و بتعرفو الحلفان غالي..

طبعا ما بيعجبها شي لأنها هيي كتير سينييه و بتشتري مكياجها من باريس, و تيابها من ايطاليا, و السانتور من كوالالامبور....

2- اذا لا سمح الله عجبتها شي قطعة, بتبينلك انها مو طايقتها, لأنو هي طريقتها الوحيدة لحتى تراعيها, و بتضل بتفاصلك بتفاصلك لحتى ينشف دمك و دم الحاضرين أجلكن.

3- اذا صاحب المحل سمعها شي كلمة حلوة مشان يطرّي الجو, بتطلع فيه و بتعبس و بتفكر انو وقع بغرامها

و اذا شي يوم هيي فاضية و عم تحكي معك و انت مشغول مو قدران تحكي كتير, بتقلك "اوكيه شكلك مشغول, ما بدي عطلك" لأنك ما عم ترد عليها كتير.

ههههههههههههههههههههههههههههههههههههههههههههههههههههه
عن جد مو طبيعي الوضع
ههههههههههههههههههههههههههههههههههههههههههههههههههه
يسلمو نور

اي ما تبلى هل الضحكة

رفعت

اذا صاحب المحل سمعها شي كلمة حلوة مشان يطرّي الجو, بتطلع فيه و بتعبس و بتفكر انو وقع بغرامها

أكدت دراسة حديثة أن المرأة السورية جاءت كأجمل ثالث امرأة عالمياً بعد المرأة المجرية والبولندية. واعتمدت الدراسة التي قام بها مركز ستارش البريطاني للأبحاث العلمية حول أجمل نساء العالم على عدة معايير للجمال ومنها الرقة التي تتمتع بها الفتاة السورية وكمية الحياء في تصرفاتها.
مواصفات أخرى تحدثت عنها الدراسة تمتعت بها المرأة السورية أبرزها قدرتها الفائقة على التفاعل مع الموضة دون أن يفقدها ذلك شيئا من أنوثتها. واعتبرت الدراسة أن أحد أسرار انجذاب الرجال إليها الحنان الوافر الكامن في قلبها الذي يمدها بطاقة حب كافية.
وشددت الدراسة على أن الفتاة السورية تلبى طلباتها بدون عناء ودائماً يقوم أحد بخدمتها إضافة إلى أنها ليست بحاجة إلى عمل فمصروفها متوفر لها من أولياء أمورها دون الحاجة للعمل وأن اهتمامهم بها منذ الولادة وحتى
وفاتها يدل على احترامها ولكن هي تفضل العمل كي تتساوى مع الرجل .
ووصف البحث الفتيات السوريات بأنهن ملكات العالم فالملكة لا تقود السيارة بل الخدم من يقوم بذلك والفتاة السورية مثل الملكات تماما

منقول...........

<P>السوريات شغلي كبيرة</P>

شكرا أسد عالخبر
بس بصراحة أنا سمعت هالخبر من اماكن كتير ومن اكتر من جنسية
يعني بحطو نفس الخبر بس بغيرو كلمة السورية وبحطو جنسية تانية
يعطيك العافية

اي رفعت هاد الكلام عن السوريات بس كل واحد بغير ههه
بس شو مشان مجريات اغلبهم يهود
ههه هلق بصير الموضوع معلومات عامة هههههه



منورين يا شباب

له له له
هلق صارو اليهوديات أحلى من السوريات
يا باطل
المفروض ما يكون في مقارنة معهن

اذا انت بتضيف البنت السورية ع المسنجر, فورا بتقلك... مين معي, و من وين جبت ايميلي, و لو سمحت أنا ايميلي خاص, أنا ما بضيف حدا ما بعرفو

هههههههههههههههه اي والله لهلا ما حلنا نفهم اليميل وسيلة تواصل اجتماعي اكتر مو شخصي

ويلكم علووووووووووش

يااااااااااااااي كتير حلوة فقعت من الضحك هههههههه