فطيرة الدجاج مع ورق العنب والتبولة

من طرف **AHMADSYRIAMAN** 2/7/2010, 5:01 am

فطيرة الدجاج مع ورق عنب و تبولة

الفطيرة و مكوناتها : رقائق كلاج ، زبدة ، بصل ، ضرسين تومة ، صدور دجاج ، فلفل رومي ، كريمة طبخ ، علبة فطر ، ملح و فلفل أبيض )

الطريقة بنقلب البصل لحتى يدبل هيك

بعدين بنضيف التومة

بعدين الفلفل الرومي

و الفطر

وصدور الدجاج و ممكن انو تقلبو الدجاج بالأول قبل الخضار عادي مش مشكلة

و أخيرا الكريمة و الملح و الفلفل الأبيض

و بتخلوهم يتسبكو شوية على النار لحد مالكريمة تتكثف

و طريقتها بناخد ورقة كلاج و بندهنها بالزبدة بعد مانسيحه على النار في طنجرة زغيرة و بنضل نحط ورقة و ندهنها بالزبدة لغاية ما تخلصو نص كمية الكلاج

بعدين بتضيفو الحشوة طبعا بعد ما تبرد

و بتكررو عملية وضع رقائق الكلاج و دهنها بالزبدة و تحطوها بالفرن و تحمروها و هيك بتصير بعد التحمير

نيجي للورق عنب الحشوة و بتتكون من ( رز ، بندورة مفرومة ، بصل أحمر و أخضر مفرومين ،

بقدونس ، نعنع ناشف أو أخضر ، زيت زيتون ، ملح و بهارات ،

، و ليمونة ) و هادا منزر الحشوة

بعدين بنجيب طنجرة و بنحط في قاعها بطاطا شرايح

و طبعا بتعرفو كيف تلفو الورق عنب و هيك منزرو بعد الحشي بعدين بتحطو على النار و ب

بعدين بتحطوله صحن مسطح عشان حبات الورق عنب ما

تتحرك و تضلها مكبوسة

و بتحطو ماء مغلي عليه شوية ملح و بتخلوه على نار هادية

كتير لمدة ساعة و قبل ما تطفو

النار عليه بتكونو عاصرين ليمونة بتحطوها عليه و بتطفو النار

و التبولة طبعا معروفة ،

انا عني كتير بحبها حامضة

و هادا منزرها

طبعا مالحقت اصور الأطباق في صورة جماعية لأنو كان هجوم ساعتها

بتمنى انو يعجبكم