الكنز الثمين في أسرار طقطقة البراغي

مين فينا ما سمع عن طقطقة البراغي باللهجة السورية ؟؟؟؟
مين فينا ما عمرو طقولو برغي طلع من راسو؟؟؟؟ طيب عمرك فكّرت شو معنى البرغي...
البرغي باختصار: هو ضحك بالوجه ومن وراك بيحكي عنك للمسؤول بكلام صحيح أو كذب وإنتا بتضحك وبتلعب ومش عارف شو بيصير ورا ظهرك....






أنواع البراغي؟؟؟؟
البراغي أنواع عدة نذكر أشهرها، حاول تراجع البراغي اللي أكلتها بحياتك واللي إنتا ضربتها وشوف بتنتمي لأي نوع:






البرغي الموجّه
-----------------------
ويتكون هذاالبرغي من رأس أحادي يكون موجّه إليك مباشرة من عدوّ لك بالشغل متربص فيك ومستنّي الفرصة وإنتا من شطارتك أعطيته الفرصة فطقلك برغي محترم


البرغي الجماعي أو – ملتي برغي
وهذا من أقوى البراغي ويكون مفعوله شديداً وبكون مجموعة من الموظفين بيضربوا موظف واحد... برغي من الآخر عند المدير... وطبعاً لإنهم جماعة المدير راح يعتبر إنهم صح وإنتا غلط..


برغي متعدد الاتجاه أو – ملتي دايركت برغي
-----------------------------
وهذا البرغي بتضربو عند مديرك وإنتا قاصد فيه- والنية بالقلب - شخص معين وإنو ما بحافظ على مصلحة الشغل وإنو ضد مبادئ الإدارة وبالجملة بتلطشلك خمس ست موظفين بالمعيّة مش عاجبينك وشايف إنهم ممكن يضرّوك، وهذا يعتبر من أذكى البراغي لإنك ضربت عشر براغي بحجر واحد...






برغي الرحمة
-------------------
وهو برغي نادر تطلقه بحالة تشوف صاحبك تعبان من الشغل ومش عاجبته الشركة والموظفين بيعطوه شغل كتيير فوق طاقته والأخ ممكن من الضغط يروح فيها...فبتروح حضرتك عند المدير وبتلعن سنسفيل أبوه لصاحبك حتى يقوم المدير ويقدم فيه عريضة ويكحشو وهيك بتكون إنتا أطلقت عليه رصاصة الرحمة وخليته يقعد بالبيت معزز مكرم...


إن دايركت برغي
---------------------------------------------
وهو من أقل البراغي فاعليّة يصدر من واحد قرفان زهقان عندو مبدأ عليّ وعلى أعدائي وبروح على المدير وبدال صباح الخير بحكيلو: 'إنتا لو بتضبّ موظفينك بدل ما إنك قاعد ورا الكرسي، ولك شوف شو عم بصير…' وبتصير تسلخ شمال يمين وإنتا مو عارف ليش أو مين بس كل هدفك تفش غُلّك وطبعاً ما تتوقع الشباب حيسيبوك بعدها لإنك لكشت الكل وما إلك صاحب...






ريفيرس برغي
--------------------------------------------
وهو من أغبى البراغي يصدر من إنسان غبي تافه معوّق طافي رايح يدق صاحبه برغي بلاقي حالو إنه دق بحاله برغي !!! مثلاً بتحكي للمدير: 'ترى خالد طول نهارو بدخّن بالشركة (وطبعاً الدخان بالشركة ممنوع) والمشكلة إنّو دايماً بيتسلبط عليّ وبدخن من باكيتي.....'


برغي طويل المدى
-------------------------
وهذا البرغي لا يطلقه إلاّ الخبثاء وهو على دفعات وقليل الجرعة بتضلّك تزت براغي صغيرة ومع الوقت بتتجمع عند مديرك إنو فلان الفلاني عليه مشاكل كثيرة ولازم نأدبو وهيك إنتا بتكون كإنك ما عملت شي – تراكمات يعني – وهادا برغي مضمون النجاح وقد أثبت فاعليته عند الشباب الطيبة


برغي موجّه بالأقمار الصناعيّة
---------------------------------------
وهذا البرغي ما إلو علاج ولا مضاد حيوي لإنه برغي من شخص واصل من فوق فالأفضل تاخد حذرك من هيك أشخاص عشان تضمن حياة سعيدة هانئة بشركتك




ومثل ما إحنا شايفين تختلف البراغي بنوعها وتأثيرها، بس من خبرتي إنو راح ييجي يوم أسود عليك تنردلّك كل برغي ووقتها حتبكي دم على براغيك القديمة




ولو سألتني بحكم خبرتي البسيطة عن كيفية الوقاية من البراغي رح اقلك:


1- عليك بتناول الكثير من فيتامين الوقاية 'فيتامين واو' (الواسطة) لإنها بتشكل جهاز ردع ضد طقاقين البراغي

2- عليك بالإكثار من الحذر والخبث والتحفظ.....ممكن ذلك يخفف فقط ولو إنو البعض يشكّك في ذلك ويقول: وداوِها بالتي هي الداء....يعني طقلو برغي فيه الصبح قبل ما يطقلك برغي فيك المساء

3- إمشي الحيط الحيط ودايماً قول حاضر ....ولا تقول لأ....ومع ذلك برضه بدو ينطقلك برغي مش بكيفك مكتوب عليك

4- كل يوم صبّح على مديرك وإسألو: آه شو الأخبار؟ إن شاء الله ما في أولاد حلال حكولك شو حكينا عنك مبارح؟؟؟

هههههههههههههههههههههههههههه
شكرا على النصيحة
والله مفيدة
هههههههههههه
بس اخر شي
مممممممم
فكرت فيها
4- كل يوم صبّح على مديرك وإسألو: آه شو الأخبار؟ إن شاء الله ما في أولاد حلال حكولك شو حكينا عنك مبارح؟؟؟
وهي انو ممكن المدير يفكرو شي جاسوس
ويطقلو برغي عند عمو الشرطي
ويروح على

ههههههههههه
بتهمت التجسس على اخبار المدير
ههههههههههههههههههه
تحياتي

ورد الشوق كتب:

على كذا ياما اكلنا براغي

وأنا اقول لييييييييييييش احس بطني ثقيله


أتاري من أكل البراغي

الهيئة ورد وقت وجعك بطنك ما رحتي عالدكتور
وفحصتي حالك لانك كوني رايحة كان بين معو فورا بالصورة اني اكلةكومة براغي
ههههههههههههههههههههههههههههههه
مشكورة صديقتي لتعليقك

layla كتب:هههههههه
والله شغال طق البراغي وين ماكان من هيك ماعدنا عرفنا نمشي
من كتر البراغي
مشكورة تاج الله يبعد عنك كل انواع مطقطقين البراغي

اي والله الله يبعدن عنا
مشكورة ليلى

المغرورة حمص كتب:هههههههههههههههههههههههههههه
شكرا على النصيحة
والله مفيدة
هههههههههههه
بس اخر شي
مممممممم
فكرت فيها
4- كل يوم صبّح على مديرك وإسألو: آه شو الأخبار؟ إن شاء الله ما في أولاد حلال حكولك شو حكينا عنك مبارح؟؟؟
وهي انو ممكن المدير يفكرو شي جاسوس
ويطقلو برغي عند عمو الشرطي
ويروح على

ههههههههههه
بتهمت التجسس على اخبار المدير
ههههههههههههههههههه
تحياتي

هههههههههههههههههههههه
مشكورة مغرورة نورتي