حل لمشكلة الدخول إلى المنتدى لمشتركي خطوط الجمعية العلمية السورية للمعلوماتية في سوريا scs-net ..

السلام عليكم و رحمة الله و بركاته
بعد ورود بضع شكاوي أن المنتدى يقوم بتسجيل خروج تلقائياً .. و لا يسمح بكتابة المواضيع و الردود عند بعض الأعضاء ..
قمت بفحص شامل للمنتدى و لم أجد مشكلة برمجية ...
و بالصدفة أكتشفت أن البيانات المرسلة تضيع على الطريق << ما شاء الله على خدمة الانترنت القوية
و في بحث متواصل استمر لأسبوع وجدت أن المشكلة موجودة فقط عند مستخدمي بطاقات أو اشتراكات الانترنت المقدمة من الجمعية العلمية السورية scs-net .. !!
فقمت باستخدام اشتراك من الجمعية .. على الرقم 195 و 196 ..
و المفاجأة أن المشكلة تكررت في آلاف المواقع .. و وصلت المشكلة إلى المسنجر نفسه و حتى موقع الهوتميل لم يعد يعمل !!!!
و اليوم تفاقمت المشكلة كثيراً لدرجة أن الجوجل بالكاد يعمل ......
قمت بتجريب بعض البطاقات و الكل يعمل بشكل جيد عدا اشتراكات الجمعية ! ....
و من خلال تجربة بعض الحلول وجدت الحل الأنسب .. و الذي أيضاً تسبب في رفع سرعة الانترنت بشكل كبير !
الحل هو ادخال ملقم البروكسي القديم !!!!
أجل .. ملقم البروكسي ما زال يعمل .. ههههههههههههههههههههههههه
تخيلو عدنا إلى عصر الانترنت الحجري و العمل من خلف بروكسي الجمعية هههههه
إذا كنت تعرف الخطوات فالملقم الوكيل هو : proxy.scs-net.org و المنفذ : 8080 ..
أما إن لم تكن تعلم ما هي الخطوات فالطريقة كالآتي :
في متصفح الانترنت الاكسبلورر
اضغط على أدوات - خيارات انترنت .. إذهب إلى علامة التبويب اتصال و حدد الاتصال الذي تستخدمه للوصول إلى الانترنت ثم اضغط خصائص مدري خيارات ..
ضع إشارة صح أمام استخدام ملقم وكيل و أكتب المعلومات أعلاه ثم أنقر موافق ثم موافق .. و تمتع بأحلى خدمة من الجمعية العلمية السورية للمعلوماتية
أنا مشي الحال عندي ..
فأنتو شو ؟!
خبروني شو بيصير
تحياتي

هلا هلا
ولو هاد واجبي

هههههههههههههههه
ألف مبروك
و تحية من القلب إلى SCS على خدماتها الرائعة
المشكلة الجديدة من SCS .. كل شخص يدخل على الانترنت باشتراك من الجمعية SCS أو من أحدى بطاقاتها و خصوصاُ من يتصل بالرقم 195 أو 196 لديه 2 ip يتجول فيهما في عالم الانترنت و تقوم الشركة الكريمة بالتبديل تلقائياً بين الأيبيين ... كل دقيقة أو أقل .....
بالعربي ..
لما منكون عم نحمل ملف .. فتغير الأي بي بيفصل التحميل .. و مضطرين حضرتنا لإعادة التحميل أو استكماله في حال عنا برنامج تحميل و موقع التحميل بيدعم عملية الاستكمال و هذا متوفر في 10% من روابط التحميل .. ههههههههههه يعني تحميل ما عاد في ! ...
لما أحدهم بيعمل تسجيل دخول إلى مكان بيستخدم الكوكيز للمتابعة الصلاحيات تلقائياً رح يتفاجأ أنه بيرجع إلى صفحة الاستقبال تبعت الدخول كل شوي ... يعني لازم تلحق تعمل شغلك خلال أقل من دقيقة ! و إلا ما في دخول مرتبط .. من أمثلة الدخول المرتبط لوحة التحكم عنا بالمنتدى اللي بفوتو عليها المدراء ..
شو بدي أحكيلكم كمان ؟
مواقع كسر البروكسي بالنادر لتشتغل ! ..
مواقع اللي بتقدم خدمات مدفوعة بتفصل عالطالعة و عالنازلة ..
دفع مصاري عالانترنت صار شبه مستحيل ..
و عقبال ما تتحسن الخدمات بدل ما تسوء في سوريا .. لأن حسب ماني شايف كل مالها للخلف و نحو الأسوأ ..
و أكرر تحياتي القلبية إلى موفر خدمة الانترنت scs-net .

مشكور اخي مستر
انا دخلت البروكسي والحمد لله مشي الحال
المنتدى صار يشتغل نظامي
بجد شكرا لالك عكل جهودك اللي عم تبذلا معنا
تقبل تحياتي

الفراشة كتب:مشكور اخي مستر
انا دخلت البروكسي والحمد لله مشي الحال
المنتدى صار يشتغل نظامي
بجد شكرا لالك عكل جهودك اللي عم تبذلا معنا
تقبل تحياتي

لك يا هلا يا هلا

ولو علاء انت من وين جايب هالمخ

صحي انا ما صار معي هيك مشكلة

بس يا رجال طريقة تحليلك للمشكلة وايجاد الحل اعجازية

تحياتي الك مستر

aboasad كتب:سيدي الكريم في البداية هو الشكر الجزيل جدا جدا
و لكن عندي سؤال أنا أتصل عن طريق خط الجمعية و لكن عبر جهاز كمبيوتر أخر على الشبكة و قد قمنا بوضع برنامج بروكسي لتثبيت الاتصال بين الاجهزة .
السؤال : هل يؤثر البرنامج على مشاركتي في المنتدى
لأنني بالفعل كما ذكرت عندما أكون أدخل من جهاز العمل فأنا لا استطيع إضافة أي موضوع .
و مالحل الصحيح للمشكلة أم أني سأبقى لا أستطيع المشاركة إلا عندما أعود مساء للمنزل ز
و مرة أخرى مع جزيل الشكر .

حلو .. معناها في جهاز واحد متصل بالانترنت و هذا البرنامج عليه سيرفر برنامج البروكسي اللي عندكم ..
في احتمالين للحل :
1- سيرفر البرنامج اللي على الجهاز اللي عليه اتصال الانترنت بكون في حيار مشان يستخدم بروكسي .. و بتحط فيه البروكسي السابق
2- وضع بروكسي الجمعية في خيارات الانترنت على الجهاز الرئيسي اللي عليه اتصال الانترنت كفيل بحل المشكلة

جرب و خبرني و لو ممكن اسم البرنامج تبع البروكسي مشان شوف إذا فيه هيك شي !

مع التحية

انا فعلا عاجز عن شكرك انشاء الله بكرة بجرب بتعرف اليوم عطلة و على كلا اسم البرنامج هو :
proxy_server
بتنزلو على الجهاز الرئيسي فقط
و بقية الأجهزة بتحطلها بروكسي على الشكل التالي :

6588المنفذ 192.168.0.1
و لك جزيل الشكر بكرة بردلك جواب

عاشق الأزوري كتب:مشكور جي تي

يا هلا

---

ثائر كتب:ولو علاء انت من وين جايب هالمخ

صحي انا ما صار معي هيك مشكلة

بس يا رجال طريقة تحليلك للمشكلة وايجاد الحل اعجازية

تحياتي الك مستر

ههههههههه خجلتني
أهلا و سهلا فيك صديقي

---

aboasad كتب:انا فعلا عاجز عن شكرك انشاء الله بكرة بجرب بتعرف اليوم عطلة و على كلا اسم البرنامج هو :
proxy_server
بتنزلو على الجهاز الرئيسي فقط
و بقية الأجهزة بتحطلها بروكسي على الشكل التالي :

6588المنفذ 192.168.0.1
و لك جزيل الشكر بكرة بردلك جواب

بصراحة أخي ما لقيت البرنامج عالنت .. او ما عرفت أنا دور و مليت من كتر المواقع المحجوبة .
جرب نزل البروكسي ضمن خيارات الانترنت في الجهاز الرئيسي و 80% يكون هيك الحل ,
أو 19% يكون هذا الخيار ضمن إعدادات البرنامج
أو 1% يكون البرنامج ما بيستوعب هيك شغلات هههه

مع التحية