حوار بين الازواج ... راااائع

من طرف **rahma** 4/4/2010, 6:03 am

زوجين صايعين

الزوج : بتسدئي ما حبيت وحدة قد ما حبيتك

الزوجة : وأنا كمان أدش حبيت بس متلك أبدًا ما حبيت

الزوج : إنتي خليتي حياتي كووول

الزوجة : إنت ستايل وبتجنن وبتشبه توم كروز

الزوج : بتتزكري أول مرة شفتك فيا وين ؟

الزوجة : مممممم بتزكر كنت مع رفقاتي بالسيتي سنتر

الزوج : ياالله كان أسعد يوم بحياتي

الزوجة : أدش بتحبني ؟

الزوج : قد جمهور ريال مدريد

الزوجة : صرعتني بريال مدريد ترا

الزوج : يا عمري انا بشجع ريال مدريد لأن لونن يزكرني بلون شعرك

الزوجة : طيب بتعرف ليش أنا بشجع برشلونة

الزوج : ليش ؟

الزوجة : لأن ريحة البصل بتذكرني فيك

الزوج : الله عسل عسل دمك

الزوجة : إي قوم قوم قبل لا

زوجين أغنياء

الزوج : حبيبتي شو رأيك بغدانا مبارح بفينيسيا ؟

الزوجة : بصراحة القعدة حلوة بس أكلن مو زيادة

الزوج : أنا بصراحة عجبني أحسن من مطعمنا بروما

الزوجة : طيب أنا رايحة باريس تمورو مشان أعمل شوبنغ بدك شي من هنيك؟

الزوج : إيمت راجعة ؟

الزوجة : ما بعرف على حسب يمكن توو دييز وبرجع

الزوج : أخدتي مليونك من أبوكي ؟

الزوجة : ياربيييييييييي الله يوفقك روح خدن والله ما عاد لحييييق

الزوج : طيب شو الفائدة لو أخدتن طالما إنت مسافرة ومستعجلة!! بأي حساب بدك تعملي الشوبنغ ؟

الزوجة : مو مشكلة .. في 300 ألف بحساب ابننا جوجو

الزوج : أوكي حبيبتي بس ما تنسي ترجعين عساب جوجو .. هدول مصاريه وبدو ينبسط فين

الزوجة : انت وين رايح هالويكند ماي سويت هارت ؟

الزوج : كنت بدي روح معك بس مواعد الوليد بن طلال عازمني عالعشا

الزوجة : أوكي أنا بسافر بالطيارة الرمادية عبّيتا بانزين ؟

الزوج : إي فيا بانزين أكيد .. وأنا رايح باليخت تبعي

الزوجة : غود نايت حبيبي وسويت دريمز

الزوج : غود نايت ماي سويت هارت

زوجين صغار

الزوج : بتصدقي خلصت المرحلة الأخيرة بهاللعبة ؟

الزوجة : إييييييييه أنا من زمان خلصتا .. هلأ عم إلعب لعبة جديدة

الزوج : شو رأيك تدقي لسمير السمان خليه يطالعلنا تشكيلة بسكويت وشوكولا ولا تنسي أهم شي الكندر سربرايز

الزوجة :حتى أنا مشتهية كندر سربرايز عم يطلع بقلبا لعبة شريك

الزوج : وإزا دق علي توتو البطّه قوليلو مو موجود

الزوجة : طيب قوم خلينا نكمل بلاي ستيشن

الزوج : لحظة متابع حلقة سلاحف النينجا هلأ بتطلع ع سبيس تون

الزوجة : شايفتا هالحلقة مو حلوة

الزوج : هلأ بلا ما تحرقيلي الحلقة ترا لما طلع باباي البوكيمون كنت شايفا بس ما حرقتا عليكي.. إيوا

زوجين نهفة

الزوج : قال في مدرس قال لطلابو : الغبي يوقف .. قام وقف واحد سألو المدرس ليش وقفت ؟ قلو ما حبيت شوفك واقف لحالك يا إستاذ

الزوجة : عم تخفف دم ؟ سماع : مرة واحد دخل السلك الدبلوماسي تكهرب هاهاهاها

الزوج : يخرب بيت الغباء سمعي : كلب شوارع مر على مخفر شرطة شاف كلب بوليسي قال : آآخ لو مكمل دراستي هههههههه

الزوجة : عنجد دمك تئيل سماع : في واحد نازل ضرب بالجاجة تبعن ليش ؟

الزوج : ليش ؟

الزوجة : عم يقلا كل يوم بيض كل يوم بيض ما في جبنة .. هي هي هي

الزوج : ههههههاي ماشي حالا .. سمعي : في ولد عمرو 3 سنين قال لأمو الحامل شو في ببطك ؟ قالتلو : هادا أخوك الصغير ...

الزوجة : هاهاهاهاهاها

الزوج : لحظة ما خلصت صحي إنك غبية !!

الزوجة : أوكي

الزوج : قلا : بتحبيه ؟ قالتلو : إي بحبو .. قلا : طيب ليش بلعتيه ؟

الزوجة : خلصت ؟

الزوج : يا الله العالم شبعو ضحك

من طرف **مستر جي تي** 4/4/2010, 7:17 am

ههههههههههههههههههههههههههههههههههههههههههههههههههههههههههههههههه
يبعتلك الهنا يا رحمة
و الله أنا فرطت من الضحك !
ههههههههههههههه
كللن نهفة و خصوصي الأخيرين النهفة
هههههههههههههههههههههههههههههههههههههههههههههههههه

من طرف **rahma** 4/4/2010, 9:47 pm

مستر جي تي كتب:ههههههههههههههههههههههههههههههههههههههههههههههههههههههههههههههههه
يبعتلك الهنا يا رحمة
و الله أنا فرطت من الضحك !
ههههههههههههههه
كللن نهفة و خصوصي الأخيرين النهفة
هههههههههههههههههههههههههههههههههههههههههههههههههه

ههههههههههههههههههههه

شايف احلى شي الازواج النهفة ههههههههه

بس لسه في الازواج الكمبيوترجية

هي انت بدك اتحطها هههههههههه

حوار بين الازواج ... راااائع

حوار بين الازواج ... راااائع

رد: حوار بين الازواج ... راااائع

رد: حوار بين الازواج ... راااائع