قصيدة تقرأ

من طرف **ابو احمد** 26/6/2010, 2:28 am

أعطاك ربي من تفاصيل ماعطاك عقل وتحكم مَن من الناس شاريك

ماتوقف الدنيا على شخص جافاك حاول تطنش وابتعد عن مجافيك

إنت الوحيد اللي أبد ماتناسك وانت القريب واعتبر راحتي فيك

شفت الحروف اللي بهالكون وياك ماظن تقدر بالمدايح توفيك

وطول النجوم اللي ضوت بعد طرياك ماظن تضوي لوتناسيت طاريك

إنت الغرام المرتسم في حناياك يجذب عقول هايمة في معانيك

فكر بشخص طول هالعمر يفداك واترك بقايا حكي ماظن يعنيك

تكشفلك الأيام من كان يهواك ومنهو يمثل دور إنسان يغليك

ناس نسوك وناس ناسين نسياك وناس روس أموالهم بس طرياك

وناس ليا شافوا الزعل في محياك من فيهم اللي بيرضيك ؟

وناس لو إنك تنحرق فيك بلواك خلوك وحدك تنحرق في بلاويك

صعبن تلاقي في البشر بعد فرقاك من يذكرك بالخير لاحل طاريك

ما كل من حاكاك بالصدق حاكاك حتى المنافق لو تركته يحاكيك

وما كل من خاواك بالطيب خاواك حتى النذل لو جات فرصة يخاويك

خلي النباهة عند هالناس مبداك والصد عنهم خله اسمى مباديك
÷÷÷÷÷÷÷÷÷÷÷÷÷÷÷÷÷÷÷÷÷÷÷÷

من طرف **mariam** 26/6/2010, 5:29 pm

يسلموووووووووو عمو ابو احمد
اختيار رائع وراقى جدا
مشكوووووور على القصيدة الرائعة
تحياتى لك

قصيدة تقرأ

قصيدة تقرأ

رد: قصيدة تقرأ