ثورة حمصية ..

من طرف **نجمة حمص** 5/8/2010, 5:39 am

بدأ الصيف ومثل كل عام تبدأ المهرجانات الصيفية في أبقاع مدننا السورية الحبيبة , ففي اللاذقية
مهرجان المحبة والسلام وفي حماه مهرجان للسياحة والتسوق والعديد من المهرجانات والاحتفاليات التي تضفي
على المدن السورية ألقا وتضفي على لياليها سحرا وتنعكس بالتالي على الناس سعادة وبهجة ..

حتى الان يبدو الكلام جميل ولاغبار عليه ,لكن
مالفت نظري افتقار مدينتي الحبيبة حمص لمثل هذه المهرجانات والاحتفاليات ففي عام
2005 على ماأذكر أقيم أول مهرجان في حمص مهرجان حمص للسياحة و التسوق والذي كان تجربة لن تتكرر على مايبدو لاننا لم نشهد أي نوع من أنواع تنشيط للسياحة
والتسوق الا لسنتين بعدها وكفاها المولى ...لاندري من المسؤول هنا ومن نعاتب هل غرفة تجارة حمص أم التجار أنفسهم !!!

مدينتا جميلة صغيرة كما يقال عنها لكنها تتسع
للملايين الذين يحبون زيارتها والتمتع بالتسوق من بضائعها والتجول في شوارعها ...ان
لم يكن للسياح فلتكن لاهل المدينة ..أليس من حقهم أن يأخذوا قسطا من الراحة في
السنة.. الراحة من غلاء الاسعار .....الراحة من تعب دراسة الاولاد طوال العام
...أليس من حق الاطفال الخروج والتمتع بالتسوق مع أهلهم في جو من المرح فالكثير من
الناس غير قادرة على السفر في العطلة الصيفية ألا نعطيهم فرصة الترفيه عن أنفسهم
وأطفالهم ...(مع التذكير بقرب حلول شهر رمضان المبارك ومن بعده
بدء السنة الدراسية )ومايترتب على الاهالي من ضغوط
كان الله في العون

لاأدري ان كان حلم حمص قد شغل المسؤولين عن
الاهتمام بهذه النشاطات البسيطة التي تزيد
المدينة حياة ونشاطا ....حلم حمص هو حلم
نتمنى طبعا أن يتحقق ولكن ريثما يتحقق أتمنى أن أرى مدينتي الحبيبة حمص التي ينام سكانها باكرا كما هو معروف أراها تضج
بالحياة وتصرخ أنا هنا ليس فقط للمرور
وأخذ حلاوة الجبن بل لدي أكثر من ذلك ...

للتذكير ننتظر اليوم لقاء السيد محافظ حمص ليحدثنا عن حلم حمص بالتفصيل في لقاء مباشر على قناة الدنياالساعة
الحادية عشر صباحا بتوقيت السعودية

مع تمنياتي دائما وأبدا الازدهار لجميع مدننا
السورية وأن تأخذ مدينتنا الحبيبة حمص الاهتمام والرعاية التي تستحق

بقلمي نجمة حمص[/size]

من طرف **layla** 5/8/2010, 6:33 am

تسلم ايدك عزيزتي عالموضوع الجميل اكيد حمص بتستحق اكتر من هيك اهتمام
انا بصراحة مابعرف كيف الجو حالياً بحمص كوني بعيدة ان كان في شي نشاطات قائمة او لاء
ولسا بذاكرتي وخيالي دائماً انو حمص عم ضج بالناس والسهر والجو الرائع بنسمات هواها اللي مابتنتسى
بالنسبة لحلم حمص اسمعت عنه كتير... ان اشاءالله يكون خطوة جيدة بأضافة حضارة وتطور جديد للبلد
بشكرك نجمة حمص لمشاعرك الحلوة اتجاه بلدك وطرحك للموضوع
تحياتي الك

Flower

من طرف **ثائر** 5/8/2010, 8:59 am

يسلمو

صديقتي بالنشبة لمحافظة حمص عم يصير فيه سنويا عدد من الامهرجانات والاحتفاليات بس عم تكون بريف المحافظة اكتر من داخلها

اما المدينة فهي متل ما قلتي فقيرة

تقبلي مروري

من طرف **mariam** 5/8/2010, 4:53 pm

مرحبا نجمتنا الغاليه
طبعا انا مش هقدر اشارك فى الحوار لانى لااعرف الكثير عن حمص
ولكن حبيت اشكرك على اهتمامك برقى بلدك وتطورها
وهذا ما نأمله جميعا ان تصبح بلادنا احلى الاوطان واروعها
ان شاء الله يتحقق حلمنا جميعا وتصبح اوطاننا العربيه اجمل بلدان العالم
وايضا احببت ان اهنئك بحلول شهر رمضان الكريم
اعاده الله عليكى بكل خير وسعادة
كل سنه وانتى طيبه غاليتى
تحياتى لكى وتقبلى مرورى

من طرف **rahma** 5/8/2010, 5:29 pm

اخ يا نجمة والله حطيتي ايدك على الجرح معك حق مية بالمية

الواحد بيروح بشوف المهرجانات بكل محافظة ومنطلع من حمص ومنسافر حتى نروح ونشارك

طيب نحن وين مهرجاناتنا وين نشاطاتنا

كل هاد مو موجودين وليش

مع انو جو حمص هو جو مناسب جدا للسياحة

بانتظار لقاء المحافظ مشان حلم حمص
وانا شفتو بالمعرض ومنقول ان شاء الله يتحقق يارب

من طرف **مستر جي تي** 6/8/2010, 9:31 pm

هلأ أنا بعرف أنو كل سنة في مهرجان للجمعيات الخيرية
بس بالوعر
و ما عم أقدر أطلع بسبب الوقت و المسافة القريبة .

و بتذكر المهرجان اللي كان عند القلعة
كان غير شكل .. و حلو
و هلأ في كم محل بيعملو تنزيلات على افتتاح المدارس
بس ما متل قبل ..
عملياً .. الشغلة بدها تجمع تجار و يتفقو سوا على مكان و زمان واحد ..

و مشان حلم حمص ......
حاسس أنو حلم حمص هو عنجد حلم ..
ما بعرف إذا رح يطلع برا فكرة الحلم .. !!
تحياتي

من طرف **المغرورة حمص** 6/8/2010, 10:25 pm

حتى الان يبدو الكلام جميل ولاغبار عليه ,لكن
مالفت نظري افتقار مدينتي الحبيبة حمص لمثل هذه المهرجانات والاحتفاليات ففي عام
2005 على ماأذكر أقيم أول مهرجان في حمص مهرجان حمص للسياحة و التسوق والذي كان تجربة لن تتكرر على مايبدو لاننا لم نشهد أي نوع من أنواع تنشيط للسياحة
والتسوق الا لسنتين بعدها وكفاها المولى ...لاندري من المسؤول هنا ومن نعاتب هل غرفة تجارة حمص أم التجار أنفسهم !!!

صحيح اختي نجمة الصراحة انا اعتقد
انو كل مهرجان بحمص يصير لا يوجد فيه تنظيم كفاية
لذالك ما عاد صار مهرجانات
وانشالله راح يجي اليوم يتحقق حلم حمص
وحمص ام الدنيا وانا احب حمص جدا جدا
شكرا للموضوع الرائع

من طرف **ثائر** 7/8/2010, 2:12 am

معك حق مستر

كل اسمو حلم
وما تعودنا تتحقق الاحلام

من طرف **rahma** 7/8/2010, 5:32 am

انا ضد فكرتكن تماما

ياجماعة اذا نحن كنا هيك متشائمون
شو بدنا نخلي لغيرنا

انتو ماشفتو الشارع يلي ادام البانوراما بالشام
خلال 3 اشهر صار فرجة

يعني نحن قادرين نعمل شي

ولهيك الحلم لما الواحد بكون عندو اصرار على تحقيقها بتحقق

من طرف **ثائر** 7/8/2010, 5:53 am

هداك الحكي بالشام

بعدين انتي قلتيها شارع
مش مدينة بحالا

من طرف **نجمة حمص** 8/8/2010, 6:48 pm

layla كتب:تسلم ايدك عزيزتي عالموضوع الجميل اكيد حمص بتستحق اكتر من هيك اهتمام
انا بصراحة مابعرف كيف الجو حالياً بحمص كوني بعيدة ان كان في شي نشاطات قائمة او لاء
ولسا بذاكرتي وخيالي دائماً انو حمص عم ضج بالناس والسهر والجو الرائع بنسمات هواها اللي مابتنتسى
بالنسبة لحلم حمص اسمعت عنه كتير... ان اشاءالله يكون خطوة جيدة بأضافة حضارة وتطور جديد للبلد
بشكرك نجمة حمص لمشاعرك الحلوة اتجاه بلدك وطرحك للموضوع
تحياتي الك

هلا بللوشة نورتي حبيبتي الموضوع وانشالله بترجعي قريبا لحمص بصحة وسلامة
وتلاقي انو في تغيير لو بسيط بالبلد
بانتظار عودتك ياغالية

من طرف **نجمة حمص** 8/8/2010, 6:53 pm

ثائر كتب:يسلمو

صديقتي بالنشبة لمحافظة حمص عم يصير فيه سنويا عدد من الامهرجانات والاحتفاليات بس عم تكون بريف المحافظة اكتر من داخلها

اما المدينة فهي متل ما قلتي فقيرة

تقبلي مروري

اهلا وسهلا فيك ثائر
الحقيقة يلي عم بصير مومهرجانات ولكن نشاطات خفيفة معنية بأهل المناطق متل
الحصن وتدمر
ولكن حمص المدينة لم تشهد مهرجان ونشاط سياحي منذ زمن
منووووووووووور الموضوع

من طرف **نجمة حمص** 8/8/2010, 6:56 pm

مريم كتب:مرحبا نجمتنا الغاليه
طبعا انا مش هقدر اشارك فى الحوار لانى لااعرف الكثير عن حمص
ولكن حبيت اشكرك على اهتمامك برقى بلدك وتطورها
وهذا ما نأمله جميعا ان تصبح بلادنا احلى الاوطان واروعها
ان شاء الله يتحقق حلمنا جميعا وتصبح اوطاننا العربيه اجمل بلدان العالم
وايضا احببت ان اهنئك بحلول شهر رمضان الكريم
اعاده الله عليكى بكل خير وسعادة
كل سنه وانتى طيبه غاليتى
تحياتى لكى وتقبلى مرورى

تسلميلي يامريومة على ذوقك ولطفك وانشالله رمضان مبارك عليكي وعلى عيلتك
منورة بمرورك
ثورة حمصية .. 383690

من طرف **نجمة حمص** 9/8/2010, 5:25 am

rahma كتب:اخ يا نجمة والله حطيتي ايدك على الجرح معك حق مية بالمية

الواحد بيروح بشوف المهرجانات بكل محافظة ومنطلع من حمص ومنسافر حتى نروح ونشارك

طيب نحن وين مهرجاناتنا وين نشاطاتنا

كل هاد مو موجودين وليش

مع انو جو حمص هو جو مناسب جدا للسياحة

بانتظار لقاء المحافظ مشان حلم حمص
وانا شفتو بالمعرض ومنقول ان شاء الله يتحقق يارب

اهلا وسهلا فيكي رحمة
بالنسبة لمشروع حلم حمص كان الاولى أن يعرض بحمص أولا
أنا شفتو عالنت من زمان وحسب ماسمعت بالمقابلة في شي ببشر بالخير
وسيتم حجز صالة ليتم عرض مخطط مشروع حلم حمص فيها
وريثما يصبح على أرض الواقع الله يعطينا عمر لهداك الوقت ثورة حمصية .. 307703

من طرف **نجمة حمص** 9/8/2010, 5:30 am

مستر جي تي كتب:هلأ أنا بعرف أنو كل سنة في مهرجان للجمعيات الخيرية
بس بالوعر
و ما عم أقدر أطلع بسبب الوقت و المسافة القريبة .

و بتذكر المهرجان اللي كان عند القلعة
كان غير شكل .. و حلو
و هلأ في كم محل بيعملو تنزيلات على افتتاح المدارس
بس ما متل قبل ..
عملياً .. الشغلة بدها تجمع تجار و يتفقو سوا على مكان و زمان واحد ..

و مشان حلم حمص ......
حاسس أنو حلم حمص هو عنجد حلم ..
ما بعرف إذا رح يطلع برا فكرة الحلم .. !!
تحياتي

أهلا وسهلا بالمسترجي تي
والله ياصديقي انت قلتها الجمعيات الخيرية يعني قصدك متل يللي بصير بقاعة زنوبيا وبالسفير
واغلبهم لذوي الاحتياجات الخاصة وبكونو أشغال يدوية أو أسواق لكنها ليست موجهة لجميع طبقات الشعب
نحن بدنا مهرجان بوسط المدينة يكون موجه لجميع الناس ويلبي جميع الاحتياجات
ومشان حلم حمص لا الحلم فعلا قيد الانجاز لكنه يحتاج لوقت وجهد كبير جدا جدا لكنه على المدى البعيد سيتحقق باذن الله
منوووووووووور الموضوع

من طرف **نجمة حمص** 9/8/2010, 5:33 am

المغرورة حمص كتب:حتى الان يبدو الكلام جميل ولاغبار عليه ,لكن
مالفت نظري افتقار مدينتي الحبيبة حمص لمثل هذه المهرجانات والاحتفاليات ففي عام
2005 على ماأذكر أقيم أول مهرجان في حمص مهرجان حمص للسياحة و التسوق والذي كان تجربة لن تتكرر على مايبدو لاننا لم نشهد أي نوع من أنواع تنشيط للسياحة
والتسوق الا لسنتين بعدها وكفاها المولى ...لاندري من المسؤول هنا ومن نعاتب هل غرفة تجارة حمص أم التجار أنفسهم !!!

صحيح اختي نجمة الصراحة انا اعتقد
انو كل مهرجان بحمص يصير لا يوجد فيه تنظيم كفاية
لذالك ما عاد صار مهرجانات
وانشالله راح يجي اليوم يتحقق حلم حمص
وحمص ام الدنيا وانا احب حمص جدا جدا
شكرا للموضوع الرائع

هلا وغلا بالمغرورة حمص
كلامك صحيح صديقتي التنظيم أساس نجاح أي عمل
منورة الموضوع حبيبتي والموضوع صار أروع بمرورك

من طرف **الحلو** 9/8/2010, 5:06 pm

بما إنو الموضوع ثورة حمصية
مين راضي على الباصات يلي نزلت لحمص
هدا أكبر إزعاج هلق بحمص
وأكبر إساءة للنساء ولا ماحدا متخيل حجم هاي المشكلة
ولا رجل أو اي شخص قدر يتكلم بالموضوع
^
^
^^
اتمنى التعليق على الموضوع

من طرف **ثائر** 10/8/2010, 3:42 am

تكرمي صديقتي

رح ننزل هالموضوع

من طرف **نجمة حمص** 12/8/2010, 7:37 pm

شكرا صديقي ثائر على متابعتك للموضوع وردك.. كلك ذوق
وأنا مبسوطة كتير انومن خلال موضوع ثورة حمصية ينفتح مواضيع ونقاشات مهمة
ونعطي رأينا بكل شي جديد عم بصير عنا ونحاول نسجل موقف
شكرا مرة تانية ثائر على التواصل

من طرف **روميو** 14/8/2010, 7:53 am

صباح الخير شباب نهاركم سعيد انشاء الله
موضوع حلو كتير هاد الموضوع رجعني لحمص 10 سنوات يمكن اول مهرجان كان عند جامع الاربعين قريب من الساعة الجديدة
والله مابعرف من وين ابدا من قبل عشر سنوات او بالوقت الحاضر حمص حلوة بالموقع والجو وطيبة ناسها بس تظل هناك نقاط كتيرة يمكن ان تصبح حمص رقم واحد بسوريا وبالمنطقة
تثقيف الناس بدور سياحة بالبلد انا هون عما اقصد بالسياحة الخارجية للي قادمين من الخارج استقبال بدور السياح بدعم اقتصاد المحافظة والدولة انا زرت بلدان وهي البلدان يهتمو بالمواطن بتثقيفو بدو الزئارين باقتصاد الوطن
على سبيل المثال بالبنان او مصر او تركيا اهم شي ثقافة شعوب ماهي السياحة انا الاحظة قبل عشر سنوات ان مهرجان حمص كان مقبول نوعا ما
يعني المرجان متل العرس لازمو اشياء كتيرة
من موقف للسيارات................................ الخ
وهاد الكلام مايلغي السياحة الداخلية دورها
يطول الكلام ان اتمنى الخير الحمص واهلها
دومتم بخير...........

من طرف **نجمة حمص** 15/8/2010, 7:49 am

اهلا وسهلا فيك روميو مشكور على مشاركتك الجميلة
وردك الشافي الوافي
تحياتي لك ولمرورك

من طرف **نجمة حمص** 27/6/2011, 3:44 am

شو مشان طلعت قائدة ثورة ومالي خبر

ثورة حمصية .. 20348227

من طرف **الملكة العصرية** 27/6/2011, 1:50 pm

الله محيي سورية وأحرار سورية
وأحرار مدينتي حمص الله يحميهم والله انهم رجال وبنرفع راسنا فيهم
اي والله الشعب السوري ما بينذل بالروح بالدم نفديك يا شهيد ان شاء الله الفرج قريب
اللهم انصر المظلومين وفرج هم المكروبين وارحمنا يا رب العالمين
اخواتي نمر بأيام عصيبة فنحن لانملك الا الدعاء

من طرف **rahma** 28/6/2011, 2:19 am

اللهم امين نجمة امين

اليوم شفت مناظر لشهيد عنا بالحارة

راجع من .....

الله يرحمو يارب والله مناظر تقشعر لها الابدان

من طرف **نجمة حمص** 28/6/2011, 2:24 am

rahma كتب:اللهم امين نجمة امين

اليوم شفت مناظر لشهيد عنا بالحارة

راجع من .....

الله يرحمو يارب والله مناظر تقشعر لها الابدان

لاحول ولاقوة الا بالله العلي العظيم
الله يفرجها ياااااارب
رحمة مابعد الضيق الا الفرج الله يرحمو يارب ويصبر أهلو

ثورة حمصية ..

ثورة حمصية ..

رد: ثورة حمصية ..

رد: ثورة حمصية ..

رد: ثورة حمصية ..

رد: ثورة حمصية ..

رد: ثورة حمصية ..

رد: ثورة حمصية ..

رد: ثورة حمصية ..

رد: ثورة حمصية ..

رد: ثورة حمصية ..

رد: ثورة حمصية ..

رد: ثورة حمصية ..

رد: ثورة حمصية ..

رد: ثورة حمصية ..

رد: ثورة حمصية ..

رد: ثورة حمصية ..

رد: ثورة حمصية ..

رد: ثورة حمصية ..

رد: ثورة حمصية ..

رد: ثورة حمصية ..

رد: ثورة حمصية ..

رد: ثورة حمصية ..

رد: ثورة حمصية ..

رد: ثورة حمصية ..

رد: ثورة حمصية ..