دفاعا عن الحماصنة

من طرف **rahma** 13/8/2010, 12:00 am

السلام عليكم ورحمة الله وبركاته

اصدقائي

lol

اليوم قريت مقالة بجريدة بلدنا وشدتني كتير وحبيت شاركون فيها واخذ رأيكن

شو رايكم؟؟؟؟؟؟؟؟؟؟؟؟؟؟؟؟

المقالة ل لقمان ديركي
بعنوان دفاعاً عن الحماصنة

بقول بمقالتو

استفزني برنامج تلفزيوني على تلفزيوننا الوطني من أول حلقة له وهو بعنوان (ضحك ولعب وجد) تقريباً،
وأقول تقريباً لأنني لست متأكداً من العنوان،

والمهم في الموضوع هو أن البرنامج اختار شخصية (الحمصي) الشهيرة ليجعلها محوراً للنكات التي سيرويها المشاركون.

وطبعاً كلنا نحفظ النكات الكثيرة عن الحمصي،
ومعظم النكات التي نعرفها عن هذه الشخصية نكات ذكية تظهر روح أهل حمص اللذيذة وهضامتهم الساطعة،

إلا أنني وأثناء مشاهدتي لهذا البرنامج لم أشاهد لا خفة دم أهل حمص ولا هضامتهم،
والحق مو عالحماصنة،
إنما على من أعد وقدَّم لنا هذا البرنامج،

فمعظم النكات التي سمعناها كانت مجرد إساءات لشخصية الحمصي،

بينما هوية الحمصي في نكتتنا الشعبية هي هوية ذلك الشخص الذي يقوم بفعل غير متوقع ينمّ عن طريقة تفكير تمتلك ما يسمونه في علم الكوميديا بالخيال الكوميدي البريء

الذي يقوم على مفارقات يستند فيها الحمصي إلى حياتنا اليومية ويحولها ببراءة طفولية ذكية إلى نكتة شديدة الإضحاك،

والأمثلة كثيرة،

إلا أن ما شاهدناه كان قمة في الابتذال،

ولا أضع الحق في ذلك على المشاركين، فهم بالنتيجة لم يُهَيئوا لتدارك فداحة الأخطاء التي ارتكبوها،

خاصة وأن معد البرنامج قد وافق لهم على روي هذه النكات،

فتخيل يا رعاك الله أن يقول شاب (ليش المخ الحمصي أغلى شي؟!..لأنو كل عشرين راس بيطلع لك مخ)،

طيب بالله عليك يا ابن الحلال شو اللي بيضحِّك بهي النكتة العنصرية السخيفة،

أية مأساة هذه التي شاهدناها تحت اسم برنامج كوميدي يقدم لنا يا رعاك الله برعاية شي كم شركة سيارات معهم شوية مصاري بدهم يعملوا فيها دعاية لوكالاتهم،

واسمع يا عزيزي المشاهد نكتة أخرى أضرب وأدق رقبة من اللي قبلها (ليش الحمصي الصغير أذكى من الحمصي الكبير؟!..
قال لأنو عن جديد صار حمصي)،

مشان ألله اضحكوا،

لأن المذيع طقت خواصره من الضحك عليها،

وبصراحة ما بدي اوجع لكم راسكم أكثر بنكتة أخرى أخجل من ذكرها،

وما بدي أعمل رقابة على (الفكر الحر)،

أعوذ بالله،

لكن ما أعرفه من نكات عن الحماصنة هي أجمل وأحلى وتحمل في داخلها ذكاء شديداً،

ليست بتلك الفظاظة المتعالية،

ولا بتلك العنصرية البذيئة،

لا ألوم المشاركين على ما سردوه من نكات من هذا النوع،

ولا ألوم المعد، ولا المذيع، ولا شركات السيارات اللي عم تعمل دعاية لحالها،

بس بدي الوم التلفزيون العربي السوري اللي قدم لنا أيام الأسود والأبيض كوميديا خالدة مثل صح النوم ومقالب غوار وملح وسكر،

أنو هيك طلع معكم في عصر الألوان،

بقي أن نذكر أن عدد الأسماء التي نزلت على الشارة وصلت إلى الخمسة وخمسين اسم، عداك عن المشاركين من الضيوف،

وكل هؤلاء التقنيين على برنامج طوله ربع ساعة،

لا..الحمصي شخصية شعبية عبقرية غير مسموح لمين من كان أن يستخدمها،

إنها ببساطة من تراثنا،

ويحق لنا الدفاع عنها، فرجاء..

إذا بدكم تحكوا نكت غليظة وغبية فلا تلزقوها بظهر الحمصي المهضوم الذكي.

هلئ انا ماشفت البرنامج

بس شدني للمقالة دفاعو عنا وعن هضامتنا

بصراحة

نحن الحماصنة منحكي على حالنا كتير نكت منسيء فيها النا

ومانا حاسين

واذا منفتح على قسم الفرفشة منشوف هالشي

بس نحن من باب الفكاهة

بس اصدقائي

لما شت واحد شامي

مو حمصي عم يدافع عنا

ومدايق من النكت

بصراحة ادايقت

انتوا شو رأيكم؟؟؟؟؟؟؟؟؟؟؟؟؟؟؟

من طرف **المغرورة حمص** 13/8/2010, 12:15 am

شكرا رحمة وانا لما قرات هل كلام صراحة انزعجت

بس بدي الوم التلفزيون العربي السوري اللي قدم لنا أيام الأسود والأبيض كوميديا خالدة مثل صح النوم ومقالب غوار وملح وسكر،

أنو هيك طلع معكم في عصر الألوان،

هم مفكرين حالهم عم يعملو شي حلو بس ما بيعرفو انو هل شي فاشل
والكلمات الغبية
يلي حطوها بشان يضحكو الناس
ما راح يجيبلهم نتيجة بس كمالة عدد
للافلام المضحكة
فهيا اصدقائي الحماصنة اوغير الحماصنة
نضحك على هل مخرج
الفاشل
إذا بدكم تحكوا نكت غليظة وغبية فلا تلزقوها بظهر الحمصي المهضوم الذكي.

بالعكس رحمة يصرلهم اول متل ما صايرلهم للحماصنة
ننحن الكل بالكل حبيبتي
تقبلي مروري دفاعا عن الحماصنة 389709

من طرف **ثائر** 13/8/2010, 4:52 am

يرحلون جميعهم ويبقى الحماصنة شامخين

شغلتهن ناكتة

من طرف **rahma** 13/8/2010, 8:11 am

المغرورة حمص كتب:شكرا رحمة وانا لما قرات هل كلام صراحة انزعجت

بس بدي الوم التلفزيون العربي السوري اللي قدم لنا أيام الأسود والأبيض كوميديا خالدة مثل صح النوم ومقالب غوار وملح وسكر،

أنو هيك طلع معكم في عصر الألوان،

هم مفكرين حالهم عم يعملو شي حلو بس ما بيعرفو انو هل شي فاشل
والكلمات الغبية
يلي حطوها بشان يضحكو الناس
ما راح يجيبلهم نتيجة بس كمالة عدد
للافلام المضحكة
فهيا اصدقائي الحماصنة اوغير الحماصنة
نضحك على هل مخرج
الفاشل
إذا بدكم تحكوا نكت غليظة وغبية فلا تلزقوها بظهر الحمصي المهضوم الذكي.

بالعكس رحمة يصرلهم اول متل ما صايرلهم للحماصنة
ننحن الكل بالكل حبيبتي
تقبلي مروري

شفتي نور شو عاملين

عاملين الحماصنة مسخرتهن

هنن بس لو يعرفوا الحماصنة على حقيقتهن

لك مابيطلعلهن معنا ابدا

نورتي نور

من طرف **rahma** 13/8/2010, 8:22 am

ثائر كتب:يرحلون جميعهم ويبقى الحماصنة شامخين

شغلتهن ناكتة

طبعا ثائر شغلتهن ناكتة

هلا بماي بست فرند

من طرف **ثائر** 13/8/2010, 10:07 am

اي بما انو شغلتهن ناكتة مش محرزة تدايقي منهن لهالدرجة

ما بيستاهلوا تفكري فيهن حتى

من طرف **مستر جي تي** 13/8/2010, 4:26 pm

أممممممممممم
ما سمعت بهالبرنامج !
بجوز من كتر ما سخيف !

بس في مسلسل تاني اسمو شاميات !
عم يسرقو نكت الحماصنة
و هذا أمر مرفوض !!
أساساً .. شركات الانتاج واضحة ! هناك من يعتمد على تقديم أفضل صورة و هناك من يعتمد على الحصول على أفضل دخل
ضيعة ضايعة حلو كتير .. صح ؟
أبو جانتي ! .. مممممممم .. حلو بس طريقة تصوير غريبة !
الباقي .. بهدلة ! بمن فيهم بقعة ضوء اللي تحول إلى برنامج يزيد الهم بدل ما يضحكنا !!
و تحياتي

من طرف **ثائر** 14/8/2010, 5:27 am

انا معك علاء وبالاخص بطريقة تصوير ابو جانتي
وكمان بالنسبة لبقعة ضوء

من طرف **روميو** 14/8/2010, 6:26 am

أهل حمص أهل الطرافة واللطافة والطيبة والذكاء والنبوغ والأدب والعلم والثقافة.

وحمص هي ام الفقير للي يمكن يعيش فيها
اذا جينا الى الواقع الازم يحاسب القائمون على برنامج الانهم اساؤ الى اهل حمص
دومتم بوووود...........