باب الحارة الجزء 14

من طرف **فراشة حمص** 30/8/2010, 9:34 pm

معتز بيشتري أفانتي اتوماتيك بالتقسيط و بيشفط بالحارة

أبو غالب صار يبيع بطاقات شحن للموبايلات سيريتل و MTN و ينادي:

الصبح اشتروكي وعالسهرة خلصوكي.

عصام بكمل دكتوراه طب وبيشتغل بمستشفى الضبع وبعد الدوام بيفتح كوافير نسواني

أبو النار بروح بيعمل شوية عمليات تجميل حتى يشيل تشطيبات أبوشهاب من على وجهه وبيفتح ورشة طورنجي وحدادة

أبو حاتم بيفتح بدل القهوة إنترنت كافيه و بيفتح جنبها صالة بلياردو.

وكل نسوان الحارة بيكبوا الببور الأخرس وبيجيبوا فرن وتار

والثوار بجيبلون ابو شهاب اسلحة نووية من كوريا الشمالية.

أبو بشير بيقلب المخبز تبعه آلي وبيفتح جنبه مطعم معجنات شامية
وشاورما.

فريال بتتعرف على واحد من حارة الماوي عالأنترنت(عالتشات) وبيحبوا بعض والعرس بالجزء القادم

أبو شهاب بينكمش عم يهرب شاشات سامسونج وبينحط بسجن عدرا 15 سنة وبيعمل تاتو على كتفو وبيكتب الشام شامك ولو الزمن ضامك

أبو حسن بيشتري 50 موتور سنفور مشان يعطيون لشباب الحارة لتحرير أبو شهاب

وكلو كرمال الشام وأهل الشام.

يتبع في الجزء الخامس عشر

من طرف **mariam** 31/8/2010, 12:06 am

ههههههههههههههههههه
ربنا يعطينا ويعطيكم طول العمر
ونشوف الجزء ال14 و15 وال20 كمان
ههههههههههههههههه
يسلموووووووووو فراشتنا الحلوة على الموضوع الحلو مثلك
باب الحارة الجزء 14 173-

من طرف **rahma** 2/9/2010, 4:31 am

هههههههههههههه

مشكورة فراشتنا

هههههههههههههههههه

من طرف **ثائر** 2/9/2010, 5:59 am

والله ما بعيدة يصير في شي عشرين جزء

ويمكن ما يلاقو شي يحكو عنو
بصيرو يحكو عن المستقبل

من طرف **روميو** 5/9/2010, 3:09 am

ههههههههههههههههههههههههههههههههههه
معتك معيت شباب باب الحاره شفتلي ابو عصام شوبدو يسوي Very Happy

من طرف **عبودي** 5/9/2010, 6:45 am

قضو الجزء الخامس عزايم وولايم وكسر صفر
ومشاكل نسوان
احتارو شلون بدهم يمطمطو بهالمسلسل
بكرة بتلاقي كل الاحداث بالحلقة الاخيرة

من طرف **ثائر** 5/9/2010, 12:25 pm

هي اذا كان في احداث اصلا

من طرف **فراشة حمص** 7/9/2010, 6:00 am

مشكورين اصدقائي نورتو
بصراحة يعني الأجزاء الخمسة بينعملو بخمس حلقات
بس انا برأيي هاد المسلسل لازم يحطو على سبيستون
خطي منشان الولاد الصغار بحبو كتيير Very Happy