باب المصارحة بين الاعضاء

من طرف **ثائر** 5/9/2010, 12:35 pm

تذكير بمساهمة فاتح الموضوع :

السلام عليكم ورحمة الله وبركاته

اصدقائي من زمان عم تراودني فكرة المصارحة بين الاعضاء
وهيي فكرة حصرية خاصة بشباب حمص
يعني لاول مرة في تاريخ المنتديات رح يكون في هيك موضوع

الموضوع عبارة عن رسائل بوجهها الاعضاء لبعضهن
ممكن تكون الرسائل عبارة عن تنبيه لشي غلط عم يصير
او تعبير عن راي بشيء معين
بس ضروري جدا ينذكر اسم العضو اللي عم تتوجه الو الرسالة
والا ما بنستفيد شي من الموضوع وقتها

اتمنى ابداء الراي بفكرة الموضوع
والتفاعل في حالة الاعجاب

تحياتي انا ثائر

من طرف **ثائر** 29/12/2010, 2:21 am

ما خلافنا على الكلمة

بس قصدي انو ردك بكلمتين او برموز ما الو داعي

لو انك عم تعلقي على كلام الاعضاء ما حكينا شي

بس هيك ما ظابطة

ع فكرة في ملاحظة مهمة كتير وهيي انو مش بس انتي عندك هالشغلة

كتير اعضاء بساووا نفس الشي بس انا عم قلك الك لانو انفتح الموضوع وانفتح

من طرف **المهاجر** 29/12/2010, 2:47 am

ثائر كتب:برأيك هادا الاسلوب صح

لو الشغلة بتنزيل المواضيع كنا نزلنا كل يوم 20 موضوع بدون تعديل وخلصت القصة

بعدين تعي لهون النقطة التانية اللي بدي انتقدك فيها

هيي انو لما حدا برد على شي موضوع الك موضوع
بتردي عليه وبتقوليلو انو نورت الموضوع

كمان هي الشغلة انا بلاقيها من وجهة نظري المتواضعة سلبية

السلام عليكم ورحمة الله وبركاتو
اخي ثائر بما انو الموضوع موضوع مصارحة راح اتكلم واكون صريح معك بس من غير زعل اكتر مواضيع المغرورة
المنقولة وغير المنقولة حلوى كتير وعم تلاقي اعجاب وتفا عل من الاعضاء
واكتر المواضيع الي عم تنزل نلاحظ انها للمغرورة ويجب علينا ان نشكرها لانها تقدم لنا مواضيع مفيدة
بغض النظر عن المواضيع الثانية{ اما ردود المغرورة نورت الموضوع فهذة كلمة طيبة مختصرة
ياخي ثائر في ردود على مواضيع انكتبت وياريت في كلمة نورت
واذا مامصدق الكلام شوف موضوع {جوري في الديار }كل الاعضاء رحبم فيها وماكلفت نفسها بكلمت نورتو وهاي الكلمة تكفي ليه ماحدا وجه لها كلمة وحدة

اخي ثائر نور عم تخدم المنتدى بكل الوسائل وتقدم كل شي جديد واكتر الاعضاء غائبة عن المنتدى
والموجودين يكتفون بالمشاهدة
فيجب علينا اخي ثائر ان نشكر نور على الجهود المبذولة لهذا المنتدى منتدى شباب حمص لاخوة والصداقة
وليس لافتزاز الاخرين وتحطيم كل الجسور التي توصل منتدى شباب حمص الى القمة
وشكرا
تقبلو مروري وخالص الاحترام ومن غير زعل

[b][b]

من طرف **ثائر** 29/12/2010, 3:14 am

اكيد من غير زعل

انا معك انو في مواضيع لازم يرد فيها صاحب الموضوع او الشخص المقصود فيه على باقي الاعضاء

بس مش كل المواضيع بدها رد على كل رد

متل ما عم تساوي نور بمواضيعها

وبالنسبة لتشغيل المنتدى بغياب باقي الاعضاء

كمان انا معك وانا كمان بتشكر صديقتنا نور على جهودها

بس كلنا بنعرف انو هي الشغلة (الرد بكلمات قليلة لا داعي لها من وجهة نظري) موجودة عندها سواء كان باقي الاعضاء موجودين او غير موجودين

من طرف **rahma** 29/12/2010, 6:07 pm

والله ياثائر مبلش صراحة على الاخر

هههههه

ممم
انا مابدي ارجع علق على موضوع المهاجر يلي انا لهلئ مدايقة منو بشدة

رح احكي على المواضيع المنقولة

كلياتنا مننقل مواضيع وكلياتنا منجيب مواضيع
بس حلاوة الموضوع بتكون لما منعدل عليه بيلي بتناسب مع الاعضاء ومع المنتدى

هون منحط لمستنا فيه بصير احلى وفي تفاعل اكتر

بعدين الرد القصير بصراحة انا مع ثائر وحتى انو وجهلي ملاحظة انو ليش برد على كل واحد لحالو مشان زيد عدد المشاركات؟؟؟؟؟؟؟؟؟

انا بصراحة ادايقت من هي الكلمة لانو هدفي الاساسي هو اني شارك رد واهتم بيلي مر وما انسى حدا

ومن وقتها انفتح موضوع الاقتباس المتعدد وصرت استخدمو لرد على الكل ومازود مشاركات...........

ومشان جوري

انت اخ المهاجر مارجعت شفتها شاركت بولا موضوع ... معناها هي فعليا مارجعت او ماقادرة تتواصل بس هي معنا من وراء الكواليس

حتى لسه ماقدرت تشوف الردود

ومشان يلي عم ينعمل للمنتدى ....

برأيك بس هي عم تشتغل...
وين الباقي
وين مشاركاتنا وتعبنا

صح هي عم تشتغل الله يعطيها العافية
وانا بحترمها وبوجهلها شكر كبير

بيس مو بس هي عم تشتغل لحالها.........

مو الشغل بكون بتنزيل مواضبع وردود بس

مع احترامي ........ باب المصارحة بين الاعضاء - صفحة 3 387265

باب المصارحة بين الاعضاء - صفحة 3 387265

من طرف **جوري** 29/12/2010, 6:12 pm

المهاجر كتب:
ثائر كتب:برأيك هادا الاسلوب صح

لو الشغلة بتنزيل المواضيع كنا نزلنا كل يوم 20 موضوع بدون تعديل وخلصت القصة

بعدين تعي لهون النقطة التانية اللي بدي انتقدك فيها

هيي انو لما حدا برد على شي موضوع الك موضوع
بتردي عليه وبتقوليلو انو نورت الموضوع

كمان هي الشغلة انا بلاقيها من وجهة نظري المتواضعة سلبية

السلام عليكم ورحمة الله وبركاتو
اخي ثائر بما انو الموضوع موضوع مصارحة راح اتكلم واكون صريح معك بس من غير زعل اكتر مواضيع المغرورة
المنقولة وغير المنقولة حلوى كتير وعم تلاقي اعجاب وتفا عل من الاعضاء
واكتر المواضيع الي عم تنزل نلاحظ انها للمغرورة ويجب علينا ان نشكرها لانها تقدم لنا مواضيع مفيدة
بغض النظر عن المواضيع الثانية{ اما ردود المغرورة نورت الموضوع فهذة كلمة طيبة مختصرة
ياخي ثائر في ردود على مواضيع انكتبت وياريت في كلمة نورت
واذا مامصدق الكلام شوف موضوع {جوري في الديار }كل الاعضاء رحبم فيها وماكلفت نفسها بكلمت نورتو وهاي الكلمة تكفي ليه ماحدا وجه لها كلمة وحدة

اخي ثائر نور عم تخدم المنتدى بكل الوسائل وتقدم كل شي جديد واكتر الاعضاء غائبة عن المنتدى
والموجودين يكتفون بالمشاهدة
فيجب علينا اخي ثائر ان نشكر نور على الجهود المبذولة لهذا المنتدى منتدى شباب حمص لاخوة والصداقة
وليس لافتزاز الاخرين وتحطيم كل الجسور التي توصل منتدى شباب حمص الى القمة
وشكرا
تقبلو مروري وخالص الاحترام ومن غير زعل

[b][b]

عزيزي المهاجر رح بلش ردي بالكلمة اللي انت ختمت فيها ردك
من غير زعل
بالنسبة لموضوعي جوري في الديار
فانا اعتذرت من الاعضاء بسبب تاخري عن الرد
وهاد الشي ما بيعني اني ما مهتمة لترحيبهم فيي
ولكن انا عم عاني من مشاكل بالنت وما عم اقدر فوت على المنتدى وهادا سبب تاخري
وما في داعي لكلمة ما كلفت حالها ترد لانو كل واحد فينا عندو ظروف ممكن تكون اكبر منو صح او انا غلطانة ؟
انا بشكر نور على جهودها المبذولة
بس في شغلة اخي المهاجر انت ما بتعرفها
انو رحمة وميمو وجوري وعلاءوبلاك شادو وعمار
هنن اللي سهرو على المنتدى ببداياتو وبذلو جهود كتير كبيرة لحتى يوصل لهون
برغم غيابي عن المنتدى ولكن انا متابعة لكل شي عم يصير
بعتذر اذا ازعجتك
ولكن كان لازم رد للتوضيح
ونورت صديقي

من طرف **memo** 29/12/2010, 7:14 pm

اخي ثائر نور عم تخدم المنتدى بكل الوسائل وتقدم كل شي جديد واكتر الاعضاء غائبة عن المنتدى
والموجودين يكتفون بالمشاهدة
فيجب علينا اخي ثائر ان نشكر نور على الجهود المبذولة لهذا المنتدى منتدى شباب حمص لاخوة والصداقة
وليس لافتزاز الاخرين وتحطيم كل الجسور التي توصل منتدى شباب حمص الى القمة
وشكرا
تقبلو مروري وخالص الاحترام ومن غير زعل

[b][b][/quote]

اول شي بشكرك ثائر على الموضوع
....
أخي المهاجر
وبما ان الموضوع بدون زعل
فأنا حابب أحكي على نقطة
انت عم تحصر نشاط المنتدى وتفاعله بعضو واحد
وهاد الشي أكيد مو صح
أنا ما عم قول انه نور ما عم تشارك بالعكس
بس هل الشي ما بيعني انه ننسى اللي عم يشارك
ليش نسيت رحمة ومريم وثائر ويتيمة الفرحة وجوري وعمار وووووو ......الخ
صح ثائروجوري غابو فترة عن المنتدى بس شوف وقت كانو.. في موضوع ما الهم رد فيه هنن ورحمة ومريم

بكتفي باللي حكيته مشان ما اوقع بقضية تفضيل حدا على حساب حدا

تحــــــmemoـــــــاتي

من طرف **اسمر زين المعاني** 29/12/2010, 8:26 pm

الواحد لازم يحكي الحق----انا اكتر واحد ضد نور
بس نور انسانة بتشتغل كتير وسريعة جدا ومواضيعها كتيرة وحلوة
بس مواضيعها---الها طابع الخفة والضحكة وخفة الدم بايصال المعلومة
وانا اكتر واحد برد ع مواضيع نور بصورة فقط وهادا سببو طبيعة مواضيعها--يعني نور ماعندها مواضيع تقيلة--او بتشغل البال وبتجبر الواحد يرد بمداخلة كبيرة

نور هيك انا بعتبرها طفلة مو اكتر ومواضيعها--جميلة كتيرة وخفيفة ع القلب بدها رد بسيط
اما رحمة واحمد مواضيعهن --كبيرة وبتشغل البال والهم العام وللصالح العام --اجباري الواحد برد عليهن بمداخلة

اما البنمت الوحيدة يلي بتجمع بين الطبعين--يعني خفة دم نور وفكر رحمة واحمد العظيم بعتقد مافي غير تاج بتتميز--بهها الموهبة

وانا بصراحة مقل بمواضيعي هون لكن انا موجود بمنتدى حمص نت تحت اسم اسمر وهونيك بتلاقو مواضيع كتير كبيرةوهادفة جدا وعدد الاعضاء يصل للالاف
مونقص بمنتداكن--لا --بس منتداكن بدو شغل ووجود نور ضروري كتير ووجود رحمة واسلوبها مهم جدا بس هناك قلة --يعني اكتر اتنين عم يشتغلو --هني نور ورحمة

اسف اذا ابديت راي وانا معكن مالي بالقصر الا من مبارح العصر

ولكم فائق احترامي

من طرف **المغرورة حمص** 29/12/2010, 9:35 pm

مرحبا جميعا

انا شايفة الموضوع اخد مجرى تاني

والموضوع بالاساس انو ثائر مزعوج من كلمة نورت او اختصر الردود

بصراحة انا طبعي بحب قول كلمة وحدة بتكفي ما في داعي اكتب جريدة

يعني كلمة واضحة بتدخل على القلب
ولا جريدة ممكن كلمة وحدة مني بدون قصد تنفهم غلط
وانا بحياتي ما زعجت حدا بالمنتدى وما دخلني بحدا
حتى الادارة يلي كانت معي تنازلت عنها

ليش.....

لاني حابة اني حس حالي عم فوت على المنتدى بدون نقاشات وجع قلب
لاني حابة حس حالي بين اصدقاء عنجد وبدون مشاكل

عنجد بلا زعل

راح قول ل ثائر كلمة
انو من اول ما دخل على المنتدى بيكتب بالمواضع
شي30 رد كلو بعيد عن الموضوع الاساسي وبساوي الموضوع بس المسايرة
وما عاد الواحد بصير بيطلع على الموضوع انو شو هاد.......... ليش كل هل ردود

يعني مع احترامي

لك اخي ثائر انت عم تنتقدني
يمكن انا احيانا يعجبني موضوع
ما حب عدل عليه لانو حلو جدا

صديقي ثائر انا زعجتك يمكن بكلامي
ما تأخذني
بس كلامك عني ما عجبني

وانا ما حابة ناقش الموضوع لاني ما بحب ادخل بجو فيه مشاحنات

................

اصدقائي بشكر جميع من اساس المنتدى لانو عددهم كبير ما راح اذكرهم بشكرهم جميعا

وانا لست من المؤسسين انا عضو فعال

بصراحة لو بصرلي نت ليل نهار ما بقول لا

هههههههههههههههههههه

بس دخولي نت قليل جدا يعني انا ساعة باليوم او ساعتين معكم فقط وانا بحبكم جميعا

وبتمنى اذا في موضوع ما عجب حدا بتمنى انو ينحذف والله ما راح ازعل

بالعكس عادي جدا باب المصارحة بين الاعضاء - صفحة 3 389709

باب المصارحة بين الاعضاء - صفحة 3 389709

تحياتي اصدقائي الحلوين

من طرف **المهاجر** 30/12/2010, 12:44 am

rahma كتب:والله ياثائر مبلش صراحة على الاخر

هههههه

ممم
انا مابدي ارجع علق على موضوع المهاجر يلي انا لهلئ مدايقة منو بشدة

رح احكي على المواضيع المنقولة

كلياتنا مننقل مواضيع وكلياتنا منجيب مواضيع
بس حلاوة الموضوع بتكون لما منعدل عليه بيلي بتناسب مع الاعضاء ومع المنتدى

هون منحط لمستنا فيه بصير احلى وفي تفاعل اكتر

ومشان جوري

انت اخ المهاجر مارجعت شفتها شاركت بولا موضوع ... معناها هي فعليا مارجعت او ماقادرة تتواصل بس هي معنا من وراء الكواليس

حتى لسه ماقدرت تشوف الردود

ومشان يلي عم ينعمل للمنتدى ....

برأيك بس هي عم تشتغل...
وين الباقي
وين مشاركاتنا وتعبنا

صح هي عم تشتغل الله يعطيها العافية
وانا بحترمها وبوجهلها شكر كبير

بيس مو بس هي عم تشتغل لحالها.........

مع احترامي ........

اختي رحمة اول شي انا قدمت اعتذار على موضوع المهاجر متل ماتفضلتي مع انو اسئتي الفهم لم اكن اقصد
اجرحك بالكلام وانتي تعرفي الاحترام من المهاجر الك
2انتي تقولي راح اتكلم عن المواضيع المنقولة تقولي انو لازم نحط لمستنا فية بيصير احلى
اختي رحمة
بعض المواضيع تحمل عنوان لطيف وجميل الا ان الموضوع طويل فيكتفي الناقل بالعنوان على اعتبار ان الكتاب يعرف من عنوانة
ومن عرفنا عنوان الموضوع نعرف معنى الكلام حتى لو يكو ن باي لغة وانا ماحب علق على الموضوع زيادة
فهمكم يكفي

3-شي انا ماذكرت اسماء الموسسين للموقع وانا اعتذر منهم جميعاٌ
رحمة وعلا وجوري وشادي وميمو ومريم
بس بنفس الوقت كنا نتكلم عن موضوع يخص نور وكان النقاش حول موضوع نور ولم يكن يخص الموسسين
ولو كنا داخلين بموضوع تاريخ المنتدى كنت ذكرتهم من القديم الى الجديد وحقكم علينا
ماكنت اتصور يصل الامر لعند الزعل
والله لو كان الموضوع يتكلم عن رحمة واي عضو تاني لكنت اتكلمت نفس الكلام
4 منشان جوري اختي رحمة انتي تقولي هي مشغولة بس مراقبة من خلف الكواليس
اختي رحمة هي بعد مانزلت الموضوع بعدها بيومين افتحت نت وشافت الردود كلها
صح مالنا حق نتكلم بالموضوع بس الواحد يعتب على اخو المسلم ولو مانحبكم
مانعاتبكم بالحكي من اساسو وصدقيني جوري انا ماعرفها ولا هي تعرفني بس نزلت موضوع
وانا رديت على الموضوع وهي ماردت وانا بصراحة زعلت من كل قلبي
فكرتها متكبرا ماكنت اعرف انها مشغولة ويمكن انا احرجتها بالرد اما اعتذر منها
نحن اخوه واصدقاء تجمعنا الكلمه الطيبة

تقبلو مروري وخالص الاحترام
المهاجر[b]

من طرف **صياد الحلوين** 30/12/2010, 5:27 am

الشباب قاايمة قايمتهن هوووووووووووون
الفكرة حلووووة ثااااااااااائر
وإن شاااء الله يكون هالموضوع باب للحوار وفهم مقصد الأحرين مو فهم العكس

من طرف **نجمة حمص** 30/12/2010, 7:22 am

السلام عليكم

اكسبوا الصلاة عالنبي اول شي ياجماعة
اللهم صلي وسلم على سيدنا محمد وعلى اله وصحبه وسلم
كانت ساعة بيضا ياثائر وقت فتحت باب المصارحة
او متل ماسماها لين الله يذكرو بالخير مصارعة
يعني بجد بكل الحكي يللي قريتو مالقيت في شي مستاهل كل هالنقاش
يعني كان النقاش بين ثائر ونور والمهاجر عن موضوع وتحول لشي تاني وليش ماانذكر اسماء
ليكوني انا ماحدى ذكرني ولاشكرني ومازعلت باب المصارحة بين الاعضاء - صفحة 3 389709

يعني ناقصو المنتدى زعل اي مامنلحق منشوف الجو راق الا وبتطلعلنا شغلة جديدة
المشكلة بهالموضوع هو الخوف من خلق الحساسية بين الاعضاء من دون مانشعر
بالنهاية مافي انسان بيتقبل النقد علانية ( من وعظ أخاه سرا فقد زانه ومن وعظه علانية فقد شانه )
وحبيت اهديكم هالموضوع انشالله نستفيد سوى منه

http://www.shabab-homs.com/t3267-page#46973

من طرف **جوري** 30/12/2010, 5:38 pm

اخي المهاجر صح انا فتت على النت بعديومين من تنزيل الموضوع
ولكن ماكنت عم اقدر ضيف اي رد
والدليل اني ما رديت ولا على موضوع وما تجاوزت فترة تواجدي بالمنتدى اكتر من ربع ساعة
بسبب عطل بكمبيوتري
وانت ما احرجتني بكلامك ابدا
انت ما بتعرفني ولانك ما بتعرفني عم تحكي هيك
وما زعلت منك ابداوما في داعي للاعتذار
وانا يمكن اكتر شخص بيقبل النقد يا اخت نجمة واكيد هوما بينقص مني ابدا
بالعكس انا بستفيد من كل كلمة موجهة الي خصوصا اذا كنت بعرف انو لمصلحتي
وانشاء الله ما في حساسية يعني الاخوة ببيت واحد ممكن يزعلو من بعض
بس بالاخير هنن اخوة ونحنا هيك انشاء الله
وانا بشكر ابو الثوار قائد الفرقة في غيابي
باب المصارحة بين الاعضاء - صفحة 3 856435

باب المصارحة بين الاعضاء - صفحة 3 856435

على هل الموضوع لانو برايي انو مهم احسن ما يبقى كل واحد عم يفكر بالتاني بطريقة يمكن تكون غلط
متل ما فكر المهاجر اني متكبرة وانا ابعد ما يكون عن هاي الصفة
وهلأ اكيد اخي المهاجر فهم الموضوع وعذرني على تاخري بالرد
بدي ضيف شغلة اني لهلأ ما عم اقدر فوت على النت من البيت
ووقت عم فوت على المنتدى عم روح على مركز نت
اسفة على الاطالة

من طرف **The Bright Star** 30/12/2010, 10:07 pm

ما بعرف كأنو ما حبيت هالفكرة كتير لأن رح تساوي مشاكل كتير كتير

من طرف **ثائر** 31/12/2010, 5:15 am

السلام عليكم

اول شي واهم شي
بدي قول لصديقتنا نور

انا معك مش ضدك
وانا حكيت هيك من محبتي الك وللمنتدى

والحمد لله انو قدرنا بحوارنا ومصارحتنا نبين لبعض شغلات ما كنا بنعرفها من قبل

برجع بأكد انو انا مش ضد حدا
بالعكس انا مع الكل

واكيد اكيد اكيد ما بزعل من حدا
ممكن بعتب عليه ف بفوت لهون وببحكي العتاب اللي بقلبي وهو اذا بهمو الامر برد علي

ملاحظة صغيرة
انا من اكتر الناس اللي بتحب الصراحة وفتحت هالموضوع على هالاساس
ومشان فضفض اللي بقلبي وما احبس شي

مشان هيك اي عضو ضد هيك فكرة او بيتدايق من توجيه النقد يخبرني وانا بوعدو انو ما انقده بشي

ولكم جزيل الشكر
صديقكم ثائر

ومتل ما قالت نجمة صلوا عالنبي وكتروا من الصلاة عليه

من طرف **المالك الحزين** 1/1/2011, 12:29 am

السلام عليكم ورحمة الله وبركاته
يعطيكم ألف عافية أصدقائي
وشكرا ثائر ع الموضوع وأفكارك دائما ثائرة
أصدقائي مع إحترامي لكل الأراء ولا انقص من قيمة رد أحد من الأعضاءأنتم اخوة وأصدقاء
لا أجد في هذه الطريقة أيا نتيجة من النقاش بهذه الطريقة لأن النقاش بهذه الطريقة يصلح للبحث في شخصية العضو وإظهار إمكانياته ومدى تقبله للإنتقاد وتقبل الرأي الاخر
بعيدا عن تطوير المنتدى ووووو
أما من ناحية المنتدى وتطويره فالبداية تكون من القاعدة الأساسية وترتكز على الأعضاء الذين بذلو الجهود الجبارة لكي نصل بمنتدانا الى هذا الشكل الحالي بمضمونه وشكله
رحمه وجوري ومستر جي تي وميمو وبلاك شادو ويتيمة الفرحة
فكانت ثمرة جهودهم أن وصلنا إلى الوضع الحالي مع مجموعة رائعة من الأعضاء الذين كان لهم الفضل الكبير في إنعاش المنتدى بعد ان غاب عنه من غاب نتيجة ظروف معينة
أصدقائي دعو موضوع المنتدى وتطويره لموضوعه الذي وضعه المستر
http://www.shabab-homs.com/t2970-topic

ولنعود في هذا الموضوع إلى عنوانه باب المصارحة بين الأعضاء
عذرا للإطالة

من طرف **نجمة حمص** 1/1/2011, 3:45 am

الاخ المالك الحزين موضوع المصارحة مالو علاقة بتطوير المنتدى يللي انت قصدته هدول موضوعين منفصلين
يعني شو دخل موضوع مستر جي تي بموضوع ثائر بالمصارحة بين الاعضاء ؟؟؟؟
وبعدين اخي بذكرك لبعض الاسماء عم تبخس حق اعضاء قدموا الكثير ومازالو يقدمون
وين اسماء متل مريم التي تملئ المنتدى حيوية بردودها ومشاركاتها
وين اسم ليندا التي تغني المواضيع بردودها يعني انا موحابة كنت اذكر لحتى مااوقع بنفس المطب
علما انو موضوع ذكر الاسماء اجى بس لان المهاجر دافع عن المغرورة وطلعنا عن الموضوع الاساسي
لهيك بتمنى من صاحب الموضوع أن يدير الحديث بحيث نستفيد بالنهاية من المصارحة
وبالنهاية نحن عيلة وحدة ومافي فرق بيناتنا
برأيي في أعضاء يمكن يكونوا مروا على المنتدى ماعندهم كم كبير من المشاركات
لكنهم تركوا أثر عميق في أنفسنا وأغنوا المنتدى وكانوا ربما خسارة لنا
بتمنى نحاول نخلي هالعيلة تكبر باننا نكون ايد وحدة وقلب واحد

من طرف **mariam** 1/1/2011, 4:01 am

والله يا جماعة انا دخلت الان عشان هذا الموضوع بالذات
يعنى الموضوع كله كان خلاف على كلمة نورت فى موضوعات نور
فجأة انقلب الموضوع لخلاف على مين صاحب الفضل فى المنتدى
وبرغم ان اسمى موجود بس انا شايفة انه مفيش عدل فى الكلام ده
اى عضو كتب كلمة فى المنتدى فهو مميز وله بصمة
لذلك لا داعى ابدا لذكر الاسماء
عشان لا نظلم احد
المنتدى ماشاء الله عليه مثمر بجهود كل اعضائه
وقت بيغيب احد لظروف معينة الباقى بيسد مكانه
يعنى المنتدى لا يقف على واحد بعينه
واذا كان هنرجع الفضل للمؤسسين فقط مع احترامى طبعا لهم جميعا
فهذا ظلم لباقى الاعضاء
لذلك اتمنى الا يذكر احد اسماء والا يدين بالفضل لاحد دون الاخر
حتى لا يحدث ضغينة بين الاعضاء وبعض
الجميع هنا اصدقاء ومتعاونين مع بعض لتطور المنتدى واستمراره
اتمنى تكون وصلت فكرتى
فلا فرق هنا بين مدير او عضو عادى
الكل يحمل لقب صديق
والكل يشارك من اجل الصداقة فلا احد سيستفيد شىء اخر من وراء وجوده فى المنتدى
تحياتى للجميع

من طرف **ثائر** 2/1/2011, 8:18 am

المصارحة ما بدا حدا يديرها

لحالها بتعرف كيف تتوجه

نحنا ما عم نحكي عن تطوير المنتدى ولا عن صفات اي عضو بشكل خاص

القصة وما فيها انو انا بحب يكونوا كل الاعضاء وبحكم اني بعتبرهن اصدقائي من افضل الاصدقاء مشان هيك بوجهلن رسائل معاتبة مشان يتجاوزوا الاشياء اللي بعتقد انها خطأ مع العلم انو ما الي حق تقدير الصح من الخطأ
بس الحمد لله اصدقائي كريمين عم يسمحولي وانا اخد راحتي لاني طمعان بكرمهن

من طرف **ثائر** 8/1/2011, 6:58 am

الى نجمة حمص

للاسف يا صديقتي

نفس القصة اللي كنت عم اطرحها مع نور عم تتكرر معك انتي

من طرف **ثائر** 8/1/2011, 7:51 pm

متل ما لازم ننبه بعض لاخطائنا

كمان لازم نلفت الانتباه للاشياء الايجابية

ومن هالمكان انا بحيي صديقتنا جزيرة الحزن على وعيها الكبير

المتمثل بثقافة النقد الذاتي

من طرف **نجمة حمص** 9/1/2011, 5:02 am

ثائر كتب:الى نجمة حمص

للاسف يا صديقتي

نفس القصة اللي كنت عم اطرحها مع نور عم تتكرر معك انتي

ثائر نزلنا موضوع هالقد قدو مشان طريقة النقد بس كأنك مااستفدت من الموضوع
انت وجهت اكتر من ملاحظة لنور انو هي بتعمل نسخ ولصق للمواضيع وبترد بكل المواضيع بكلمة نورت الموضوع وبتنزل كتير مواضيع
وأنا مافهمت شو هي القصة نفسها يللي مع نور وعم تتكرر معي
من بعد اذنك يكون نقدك واضح ومباشر ومن دون مقارنات بين الاعضاء لان كل عضو الو شخصيته وأسلوبه بالكتابة مع احترامي لجميع الاعضاء

من طرف **ثائر** 9/1/2011, 5:15 am

طيب طيب حقك علي

بس ما بعرف ليش حاسس انك رح تكسري الكيبورد

المهم

انا اختصرت الملاحظة على كم كلمة
بس بانتظار دخولك
وحتى اتاكد انو الموضوع بهمك

والا ما بستفيد شي من الملاحظة اذا ما شفتيها

وبالنسبة للقصة

فهي بس كلمة نورت/ي

بدون اي تعليق على مساهمات الاعضاء

وللتذكير فقط
الانسان يخطئ ويصيب
وانا انسان

من طرف **نجمة حمص** 9/1/2011, 6:00 am

ثائر كتب:طيب طيب حقك علي

بس ما بعرف ليش حاسس انك رح تكسري الكيبورد

المهم

انا اختصرت الملاحظة على كم كلمة
بس بانتظار دخولك
وحتى اتاكد انو الموضوع بهمك

والا ما بستفيد شي من الملاحظة اذا ما شفتيها

وبالنسبة للقصة

فهي بس كلمة نورت/ي

بدون اي تعليق على مساهمات الاعضاء

وللتذكير فقط
الانسان يخطئ ويصيب
وانا انسان

هههههههههههه
هي ضحكة ثائر مشان ماتفكرني راح اكسر الكيبورد
باب المصارحة بين الاعضاء - صفحة 3 389709

ومشان ملاحظتك كمان مافهمت اذا قصدك انا بردعلى الاعضاء بكلمة نورت
باب المصارحة بين الاعضاء - صفحة 3 978303

اذا انت هيك شايف مابعرف
بس انا بطرح دائما مواضيع نقاشية وسهرات صبايا بيشهد ومواضيعي كلها بتشهد
ومعظم مواضيعي من كتابتي وليست منقولة الا في ماندر
ومع انو مابيجيني كتير ردود ومع ذلك هالشي مابخليني غير اسلوبي
وعلما انو اذا نزلت احد مواضيعي بغير منتدى بيجي ردود كتير وبصير نقاش
وبالمنتدى بحاول أعطي كل موضوع حقه بالرد وبعطي رأيي دائما
فيك ترجع لاخر عشر ردود الي وتنسخها اذا بدك
مشان يكون في مصداقية بنقدك الي باب المصارحة بين الاعضاء - صفحة 3 389709

تحياتي

من طرف **ثائر** 9/1/2011, 6:16 am

يا الله شبك نجمتنا

خلص ماشي

ولا يهمك ولا كأنو صار شي

وانا بحييكي على مواضيعك التفاعلية واولها سهرات صبايا

بس كل ابن ادم خطاء

ولا يخلو الامر من اخطاء في بعض الاحيان

يعني بالمشرمحي كلنا بنخطئ

وبنعتب على بعض

حتى نتجاوز هالاخطاء

وصدقيني انا رح كون مبسوط كتير لو حدا وجهلي ملاحظة على شي خطأ بدر مني

لانو العتاب دليل المحبة

من طرف **نجمة حمص** 9/1/2011, 6:30 am

أنا معك ثائر
وجاوبتك على نقدك الي بواقعية متل مالازم يكون نقدك بواقعية
وبالعكس انا متقبلة النقد في حال كان في شي لازم غيرو
وجاهزة تحطلي اي رد الي مو مناسب لاي موضوع لحتى روح وعدلوا هلئ
باب المصارحة بين الاعضاء - صفحة 3 389709

باب المصارحة بين الاعضاء

باب المصارحة بين الاعضاء

رد: باب المصارحة بين الاعضاء

رد: باب المصارحة بين الاعضاء

رد: باب المصارحة بين الاعضاء

رد: باب المصارحة بين الاعضاء

رد: باب المصارحة بين الاعضاء

رد: باب المصارحة بين الاعضاء

رد: باب المصارحة بين الاعضاء

رد: باب المصارحة بين الاعضاء

رد: باب المصارحة بين الاعضاء

رد: باب المصارحة بين الاعضاء

رد: باب المصارحة بين الاعضاء

رد: باب المصارحة بين الاعضاء

رد: باب المصارحة بين الاعضاء

رد: باب المصارحة بين الاعضاء

رد: باب المصارحة بين الاعضاء

رد: باب المصارحة بين الاعضاء

رد: باب المصارحة بين الاعضاء

رد: باب المصارحة بين الاعضاء

رد: باب المصارحة بين الاعضاء

رد: باب المصارحة بين الاعضاء

رد: باب المصارحة بين الاعضاء

رد: باب المصارحة بين الاعضاء

حكة

رد: باب المصارحة بين الاعضاء

رد: باب المصارحة بين الاعضاء