عبيدة على كرسي الاعتراف

من طرف **obaida** 19/3/2010, 8:07 pm

ليش الموضوع متوقف ؟؟؟
بتمنى من الاشراف يتابعو الموضوع ويخلوه يستمر

من طرف **مستر جي تي** 19/3/2010, 11:48 pm

ممممممممم
بدنا عضو يتبرع يأعد عالكرسي !.
Very Happy

من طرف **obaida** 20/3/2010, 4:57 am

له يا مستر جي تي
ولسا عم تفكر؟!!!؟
أنا شو عم ساوي !!

من طرف **مستر جي تي** 20/3/2010, 4:59 am

هيييييييي

معناها أنت عالكرسي هلأ ..
يللا جهز حالك للأسئلة Very Happy

من طرف **obaida** 20/3/2010, 5:13 am

وأنا جاهز انشالله
ولووو

من طرف **mariam** 21/3/2010, 9:36 am

مرحباobaida
بما انك ضيف كرسى الاعتراف
فاسمح لى ان ابدأ بالاسئلة
اولا مرحبا بك ضيف عزيز على كرسى الاعتراف
نورت الكرسى اتمنى لك اقامة مريحة
ونبدأ الاسئلة
ماهو اسمك الحقيقى؟
كم عمرك؟
محل اقامتك؟
كيف تعرفت على المنتدى
لماذا اخترت اسم عبيدة؟
ما هو رأيك بمستر جى تى مدير المنتدى
(قول الصراحة لا تخاف بدون مجاملة هههههههه
ماهى اكثر صفة تحبها فى شخصيتك
وما هى الصفة التى تكرهها فى شخصيتك
لو اعطيتك ورقة وقلم وقلت لك من هو عبيدة ماذا ستكتب؟
ماهو رأيك فى النت بشكل عام وعالم المنتديات بشكل خاص؟
بس كفاية كدة الان
اتمنى تكون اسئلتى خفيفة والا تتضايق منى
ولى عودة ثانية باذن الله
اتمنى لك كل التوفيق وربنا يعينك

من طرف **obaida** 21/3/2010, 8:42 pm

مريم كتب:مرحباobaida
يا مية هلا
بما انك ضيف كرسى الاعتراف
إلي الشرف
فاسمح لى ان ابدأ بالاسئلة
أكيد ولو تفضلي وخدي راحتك
اولا مرحبا بك ضيف عزيز على كرسى الاعتراف
نورت الكرسى اتمنى لك اقامة مريحة
منور بوجودك وببقية الأعضاء
ونبدأ الاسئلة
الله يستر
ماهو اسمك الحقيقى؟
عبيده
كم عمرك؟
20 سنة من مواليد 16-7-1990
محل اقامتك؟
سوريا - حمص ,, بس أيام الدوام الجامعي ف أنا آخد سكن في جامعة القلمون وبرجع ع حمص أربعا وخميس وجمعة
كيف تعرفت على المنتدى ؟
بالصدفة عن طريق جوجل
لماذا اخترت اسم عبيدة؟
خالي اختار هالاسم وقلن لأهلي
ما هو رأيك بمستر جى تى مدير المنتدى؟
والله مابقدر قول غير انه كتيييير حباب ومؤدب وأهم شي انو بيسمع آراء الأعضاء ومنتدى الألغاز أفضل دليل وبرهان على هالشي وانشالله كون قد الحمل والمسؤولية
(قول الصراحة لا تخاف بدون مجاملة هههههههه
ماهى اكثر صفة تحبها فى شخصيتك ؟
الصراحة
وما هى الصفة التى تكرهها فى شخصيتك ؟
الخجل والتسرع
لو اعطيتك ورقة وقلم وقلت لك من هو عبيدة ماذا ستكتب؟
رح اكتب فيها انو عبيده انسان بسيط عايش.. بحب دراستو وكليته كتير ,, صريح لدرجة انو هالشغلة بتعملي كتير مشاكل ,, كتير بخجل مابعرف ليش ,, ومطيع لأهلي بس المشكلة انو أحيانا بكبر راس والشي يلي بدي أعمله بعمله لو شو مابدو يصير يصير
ماهو رأيك فى النت بشكل عام وعالم المنتديات بشكل خاص؟
انا كتيييير بحب النت ومابقدر اتخلا عنه لأنو كتير بفيدني بدراستي وبالواجبات يلي بقدمها بالجامعة مشان هيك بالبيت عندي خط DSL و مشتري خط سيرف بفتح منو بالجامعة ,, أما بالنسبة للمنتديات ف أنا كنت شارك بمنتديات وعندي ماضي كبير بمنتديات بس توقفت لفترة شي سنة مشان الدراسة بس هلأ انشالله راجع ,, بس بقلكن بصراحة ماعم شارك غير بهالمنتدى وتركت كلشي قديم وحبيت ارجع بلش من الصفر
بس كفاية كدة الان
متل مابتحبي
اتمنى تكون اسئلتى خفيفة والا تتضايق منى
لا ولووو أسئلتك الحمد لله كانت سهلة بس الله يستر من اللي جاي
ولى عودة ثانية باذن الله
ناطرك انشالله ,,بتشرفي وبتنوري
اتمنى لك كل التوفيق وربنا يعينك
مرسي كتير

من طرف **مستر جي تي** 23/3/2010, 7:31 am

دوري أنا

جاهز ؟

الأسئلة :
شو أكتر أكلة بتحبها ؟
بتعرف تطبخ ؟
شو هو مشروبك المفضل ؟
عدد أصدقائك سواء شباب أو بنات ؟
شو رأيك بالمنتدى بشكل عام ؟
شو رأيك بشكل التواصل بين الأعضاء ؟ يعني طريقة تعاملنا مع بعض ؟
بتحس أن في عصابات أو مجموعات في المنتدى ولا حسيت أن الكل عيلة وحدة و أنت فرد مننا ؟
هلأ موبايلي خلص رصيد تقريباً .. برجع بس عبي مرة ثانية Very Happy

تحياتي

من طرف **mariam** 25/3/2010, 3:44 am

شكرا عبيدة على اجاباتك على اسئلتى
بس انت رحت فين؟؟؟؟؟؟؟؟؟
لسه فى اسئلة كتيييييييييييير
عبيدة على كرسي الاعتراف 496385

انت هربت من الاسئلة ولا ايه
طيب من هو مثلك الاعلى
لاى المطربين تسمع
ما هى نوعية الكتب التى تقرأها
ماهى هواياتك
هل يغلب عليك الطابع الرومانسى الخيالى
ام الطابع العملى الواقعى
بس كفاية كدة الان
تحياتى لك

من طرف **mariam** 31/8/2010, 3:51 am

اخيرا وجدت كرسى الاعتراف

من طرف **ثائر** 31/8/2010, 4:45 am

شو رايك مريم بنكفي هون

ولا بنعملوا عالضيق هونيك

من طرف **mariam** 31/8/2010, 4:49 am

اسأل رحومة والمستر وكل الاعضاء ثائر
بس انا بعتقد هنا افضل
عشان يكون منفصل
ويكون موضوع قائم بذاته
اتمنى كل عضو يقول رأيه عشان نشوف الموضوع هيمشى ولا هيتوقف ثانية

من طرف **rahma** 31/8/2010, 4:53 am

رأينا بشو؟؟؟؟؟؟؟؟

من طرف **mariam** 31/8/2010, 4:58 am

رحومة ثائر
عايز يجدد موضوع كرسى الاعتراف
وحابب يسأل يكمل الموضوع هنا
ولا يعمله موضوع مصغر فى صفحة اذاعة حمص
انتى ايه رأيك

من طرف **rahma** 31/8/2010, 5:07 am

لا برأي خليه هون
باعتبارو مفتوح

من طرف **mariam** 31/8/2010, 5:12 am

خلاص خلينا نشوف مين عنده الشجاعة يبدأ
وكل واحد يجهز الاسئلة

من طرف **LINDA** 31/8/2010, 3:38 pm

هذا النوع من المواضيع يتطلب وجود تفاعل معتبر بين الاعضاء حتي ينجح
ما اعرفه هو ان صاحب الموضوع هو من يتطوع اولا وفي اخر مشاركته يختار العضو الموالي و هكذا تمشي اللعبة
بما ان ثائر هو من يريد اعادة بعث اللعبة معناه لازم يتفضل
عندي ملا حظة المفروض تحدد عدد الاسئلة وكل عضو يسال مرة وحدة .....لاحظت ان الاسئلة بزاااااااااااااف