كيفية تنزيل الصور في المنتدى ها هنا !

من طرف **مستر جي تي** 9/10/2010, 4:51 am

أصدقائي الأعزاء
بعد معاناة كبيرة مع الصور في المنتدى .. !
و بعد الشرح المتكرر لأكثر من عضو عن كيفية تنزيل الصور هنا ..
قررت كتابة الشرح بالتفصيل .. متضمنا معلومات مفصلة عن كل شاردة و واردة مما قد يسبب ضياع الأعضاء في إدراج صورة هنا .. قد اعتبرتها ربما بدائية أنا ! و لكنها غير مفهومة للكثيرين .! .. و أعتذر فالخطأ مني ..
فلنبدأ ..
أولاً :
كل صورة على الانترنت لها رابط ! .. و هذا الرابط يمكننا الحصول عليه عن طريق الضغط بالزر الأيمن بالماوس على الصورة في موقع الانترنت ثم نختار خصائص ..
بيطلع مثل هذه الصورة :

المحدد باللون الأحمر هو رابط الصورة .
حدده كله ثم أكبس Ctrl+C .. بصير الرابط بالذاكرة .
أما بالفيرفوكس . فيكم تكبسو على الصورة زر يمين .. و بتختارو نسخ موقع الصورة .. بصير الرابط بالذاكرة .
يعني هاد الرابط :
http://www.google.com/intl/en_ALL/images/logo2.gif

بالمنتدى .. لما بترسلو موضوع فيه صور .. أهم شي تعرفوه هو رابط الصورة .
عادة ..
أنو نطالع الرابط هيك فقط .. مفيد .. بس ..
في كتير كتير مواقع ما بتسمح لاستخدام الصور هيك مباشرة منها ! .. يعني ما بصير كمان خطي العالم عم تدقع حق الاستضافة هديك الحسبة .. و يجي موقع يحط صورة من عندن و يكلفن استهلاك بيانات و هن غير مستفيدين من عدد الزوار ! .. ما مهم .. المهم هون أنو نحنا ما بدنا نعتمد على استضافات غريبة !
في مواقع مخصصة لرفع الصور !
أهااااااااا
هون حطنا الجمال !

هون الشغل المهم ..
من الأفضل .. حفظ الصورة عنا بالكمبيوتر .. اضغط زر يمين على الصورة .. بتلاقي حفظ الصورة باسم .!
احفظها في مكان معروف .. مثلا في مجلد الصور ! ..
دور موقع رفع الملفات هلأ ! ..
في كتير مواقع . بس اللي أحسن شي هم كالتالي :
1- www.servimg.com هاد التسجيل فيه غير مجاني .. و هو من المواقع اللي بتحمل الصورة من الرابط و بتعمل تحويل للصيغة أو الحجم .. ما بيلزمكم على ما أعتقد . بس وجب التنويه عليه .. لأن للمنتدى ألو حساب فيه . و الصورة بتضل طالما المنتدى موجود .
2- www.0zz0.com هذا الموقع هو الأفضل .. لأنو عربي .. و الصورة بتضل سنة .. بس أنا ما بطيقو ! لأنو مليان دعايات . و قلي شو بكره بقلك الدعايات . و متل ما شايفين شباب حمص خالي من الدعايات . ممكن حط بعدين .. بس بشكل ما مزعج للزباين . قصدي للأعضاء ههههههههه .. رح اشرح عنو أخر شي ..
3- www.imageshack.us الموقع الأفضل عالمياً , و المعتمد رسمياً في المنتدى بالنسبة لتحميل الصور من قبل الأعضاء .. بيقدر يحمل أي شي ملتي ميديا ! يعني صور و فلاشات .. و الأهم أنو مدى الحياة , و لكن بالانكليزي الموقع ! ..
شرح رفع الصور على موقع العملاق :
www.0zz0.com
بعد الدخول إلى الموقع .
أكبس وين مكان .. بيطلع دعاية . سكرها ..
بعدين الزر استعراض .. أو Browse .
اختر الصورة اللي حفظتها .. ثم اختر فتح Open .
أكتب الرقم اللي مكتوب ! .. مكتوب عندي تسعة خمسة سبعة .. أكيد قصدن 32189654 أنا عرفت وحدي ..
ثم على زر رفع الصورة ..
ننتظر ..
و ننتظر ..
و ننتظر ..
بيطلع تم تحميل الصورة بنجاح
و تحتها الصورة
و تحت الصورة في كود للمنتديات
حدو زر اسمو نسخ كود للمنتديات ..
منكبس عليه . و منكبس على السماح بالوصول ..
و منعمل لصق بالموضوع محل بدنا الصورة تطلع
بيطلع هيك :
كيفية تنزيل الصور في المنتدى ها هنا ! 22210

كيفية تنزيل الصور في المنتدى ها هنا ! 22210

و لما بترسل الرد بيطلع هيك :

كيفية تنزيل الصور في المنتدى ها هنا ! 789833139

و أمت و خلصت ..
لمزيد من المعلومات فيكم تخبروني برد مشان أكتبلكم شو المطلوب عمله .
و تحياتي العميقة من أعالي البحار

من طرف **mariam** 9/10/2010, 10:11 pm

و بعد الشرح المتكرر لأكثر من عضو عن كيفية تنزيل الصور هنا ..
امممممممممم
مين بيجيب فى سيرتى
ايه نظام اياكى اعنى فاسمعى يا جارة ده
هههههههههههههههههههه
كيفية تنزيل الصور في المنتدى ها هنا ! 307703

كيفية تنزيل الصور في المنتدى ها هنا ! 307703

عموما الف شكر مديرنا على الشرح الوافى والكافى
وعلى تلبية النداء سريعا
دمت ذخرا للاعضاء الغلابة والمساكين اللى هما احنا يعنى
كيفية تنزيل الصور في المنتدى ها هنا ! 307703

بس اذا ممكن طريقة عمل طبق السلطة اللى فى الصورة لو سمحت
هههههههههههههه
يسلموووووووووووو ايديك يا مستر
كيفية تنزيل الصور في المنتدى ها هنا ! 307703

من طرف **rahma** 10/10/2010, 2:45 am

ههههههههههههه

على فكرة مريومة هاد مو صحن صلطة

هاد صحن تبولة من تحت ايدين عمك علاء
هههههههههههههههه

مشكور علوئة

بس انت بتعرف مشكلتي
هههههههههههههههه