و الله ما بعرف شو القصة!!

هاي شباب
بجد ظاهرة غريبة كتير و عجية شب لسا عمرو 17-18 سنة عم يجي يعطيك سورة قرآن و حديث نبوي و ياخد مصاري عليه و اول ما بيجي بيمدحك و إذا ما عطيتو بيزعل و ببلش حكي مو منيح
و طبعا صاروكتار
و الله أنا بتعرض أحيانا كل يوم ل 3 من هالناس
و الله ما بعرف شو بدي ساوي شي بقول ما رح آخد و لا أعطي لازم هالناس يتوقفو عن هالشي ما لقو غير الدين ياخدو من وراه مصاري
و شي بقول حرام بجوز الزلمي محتاج
برد بقول بعقلي طيب ما لقى غير هالشغلة يشتغلها؟؟
ما بعرف و الله ما بعرف شو حكاية هالناس
أرجو الرد من جميع الأعضاء
و المشاركة لازم نعطي حل واحد لهالناس
أنا بانتظار ردكن
أحلا ناس و أحلا منتدى
أخوكم عالشق الجنة

والله صديقي عاشق الجنة المشكلة انو هدول الناس عم تكتر
بدال مايروحو يدورو على شغل
عم يعملو هيك

مافي حدا ظروفو تمام مية بالمية
بس دايما لازم نحسن حياتنا مو بهي الطريقة

صح الحياة والمعيشة.... بس لازم الواحد يدور على شغل مو يبيع وشو .... سور من القرآن طبعا في يرهم كتير

[/b]السلام عليكم ورحمة الله وبركاتوا
اخي عاشق الجنة شكرا على طرح الموضوع لانقاش هي الحالة ليس فقط بحمص انما بجميع المحافظات
على طول تشوف اولاد يبيعو كتاب صغير اسمو الحصن ان شايف مافي مشكلة بالنسبة لولد الي عم
يبيع دفتر اماالمشكلة عند المتسولين المتواجدين بالشوارع يمكن اذا تمشي بالسوق ماتخلص نفسك
ساعة وفي ناس شباب عم تشحذ مافو ولاعيب بدني بس عاده صايرا معهم
انو هاي مهنتو الي يحترفها
اما اخي عاشق الجنه المشكلة الاعظم حتى الواحد يخجل يتكلم فيها وضعيت الاستراحات في سوريا
عندما تدخل بنت في دوره مياه وتخرج تحصل ولد جالس على الباب يطالبها بالاجره؟
حتى مرة بنت مامعها صرافة اعطتو الف ليرة قام صرف الالف واخذ 10 ليرات شي مخجل بصراحة لنا
بس شو بدك اتساوي هذا الوضع ؟
اخي عاشق الجنة المشكله مالها حل
كلها بدها تترزق الله كلمن على طريقتو تعددت الاسباب والموت واحد
[b]
تقبل مروري المهاجر

بس في فكرة بجوز حضرتكن ما بتعرفوها إنو هدول ناس مستأجرين سواء ان كانو قاصرين أم بالغين
و مو هنن يلي لازم نلاقي حل إلهن هالاستغلاليين هدول يلي ما بقلبهن رحمة شكرا إلكن عالمناقشة
معلش نجمة مو مشكل طلعي عن الموضوع نحن هدفنا نصلح هيك قصة شو من كان وراها أسباب و أو طرق
من جديد شكرا كتير و الله ما عم لاقي حل ؟؟

انا برايي انو هي شحادة تحت اسم الدين

لانواللي بدو قرآن او احديث بيقدر يجيبهن من اخر الدنيا ومش بحاجة حدا يبيعوا ياهن

يب أوكي أنا ما عندي مشكل بس أنا لسا جديد ع موضوع المنتديات و ما بعرف كتير شلون ساعد أرجو من الأخوة الأعضاء يساعدونا و المشرفين و المديرين كمان
و الله مبارح يا جماعة لك ختيارة عمرها شي 70 سنة بنفس الحالة لك و الله عيييييب و حرام شو هاااااد شي بجننننن