نكت مصرية زي العسل

مره مجموعه هجموا علي شخص وفي ايديهم السلاح وسالوه :انت معانا ولا مع الناس التانيين؟؟؟؟؟ فرد الشخص برعب شديد وقالهم على الفور انا معاكوا طبعا .............. فقاوا له : احنا الناس التانين .. طاااااخ
واحد غبى قوى حكموا عليه بالاعدام.. بعد ما علقوه فى المشنقه قعد يشاور ويخبط بأيده ورجليه ففكروه عاوز يقول حاجه مهمه.. ففكوه ونزلوه بسرعه...... فبص لهم وقال: ياجزم كنت هتخنق
واحدغبى فى الجيش القائد اداله اغلى قنبلة فى العالم وقال له ارميها على الاعداء من فوق الجبل اللى بين الجيشين ، قام الراجل طلع على الجبل ، ولاول مرة فكر وقال القنبلة دى غالية قوى طب ما بلدنا اولى بيها ......ورماها على جيشه
واحد جاله جواب ومكتوب في اخره ..... صندوق البريد ص.ب 44 ....... الراجل مفهمش يعني إيه ؟ سأل واحد تاني قال له ....يأخي بيقولك عايز صندل بني مقاس 44
مره حشاشين كانو قاعدين في خيمه...بس مكانش معاهم حاجه يولعو بيها فبعتو واحد منهم يجبلهم ولاعه...طلع ودخل من الناحيه التانيه !!و قال يا جماعه لو سمحتو ممكن ولاعه.... قالوله اقعد..اقعد.. احنا بعتنا واحد يجيب


اثنين مساطيل قاعدين فى قهوة وقدامهم مرايه ... واحد قال للتاني بص الأتنين اللى قاعدين هناك دول ..تعالى نروح لهم........ جم يقوموا ، راح قايله أقعد ... همّا اللى جايين
جماعة بيحششوا فى الطرب وطب عليهم البوليس وقالهم الظابط:قدامى كلكم على البوكس..واحد مرديش قام الظابط شخط فيه وقالوا:قوم يامسطول رد المسطول وقالوا:لأياباشا انا مش معاهم ..اناميت
مساطيل قاعدين بيصيدوا جراد ، عدّت من فوقيهم هليكوبتر .... واحد منهم قال جت أمهم ... استخبوا استخبوا
واحد عنده مزرعة فراخ دخل المزرعة لقى كل فرخة بايضة بيضة واحدة... مسك فرخة من رجليها وقطعها وقال للفراخ اللى مش هتجيب بكرة 5 بيضات هاقعها زى الفرخة دى... تانى يوم لقى كل الفراخ بيضة 5 بيضات ماعدا فرخة بيضة 3 بيضات فقال لها اية دة فقالت لة استر عليا دة انا ديك

التلميذ : بحبك يا أبله و عاوز أجوزك... المدرسه: بس أنا مبحبش الأولاد الصغيرين... التلميذ: وأنا مش مستعجل على الأولاد
قـصيدة شـعر صـعيدى :- وبحبك كيف ماخابرش .????. وعلى فراجك(فراقك) ماجادرش(ماقادرش) .. من كتر الشوج(الشوق) خسيت وآني كنت تخين وبكرش .. والحب يابوي بهدلني .. مرمطني جوي وخرشمني .. وغرامك بيغرمني وماعادش معاي ولا جرش(قرش) .. شومة حبك بطحتني .. وجاموسة الشوج(الشوق) نطحتني .. والهوى جحشته رفستني .. وآني يابوي ماصابرش


واحد صاحب معرض سيارات بيقول لصاحبه : كنت قاعد مع (ماروتى) امبارح وقت (شيروكى) الشمس .. قولتلها يا (مازدا) قولتلك (الفا روميو) (ميتسوبيشى) العيال لوحديهم فى البيت لحسن حد فيهم (يجيب) من الشباك يقع يكسر (سوبارو) أو يموت (شاهين) ودى تبقى (كورسا) كبيرة ... قالتلى (كيا) (بونتو) تشك فيا ؟؟ قولتلها ايوه (هوندا) ده الكلام بس لو عملتى (كيا) تانى هوديكى فى (سيتروين) داهية


واحد كل يوم يعدى على مطعم ويسأل الطباخ عندكوا كيكة الطماطم ؟ فيقوله الراجل لاء فيجى تانى يوم يسأله عندكوا كيكة الطماطم؟ فالراجل يقوله لاء .. ويجى تالت يوم يعمل نفس الحكاية .. فالراجل زهق و قال لما اعمله كيكة طماطم و امرى لله .. جه تانى يوم وقاله عندكوا كيكة الطماطم ؟ فالراجل قاله ايوا يا سيدى .. قاله : يععععععع بتاكلوها ازاى دى ؟؟؟


مرة 3 أطفال راحوا محل لعب واد منهم بيقول للراجل : عمو عمو عايز بلونة .. الراجل جاب السلم وطلع جابله بلونة ونزل وسأل التاني: وانت عايز ايه ? قاله عايز بلونة .. قاله وماقلتش ليه منا كنت فوق !! المهم طلع جابهاله وهو فوق سأل الواد التالت: وانت كمان عايز بلونة ??? قاله لأ.. فنزل الراجل وسأله : امال عايز ايه ? قاله عايز بلونتين


صعيدى راكب طيارة وعايز يروح الحمام فخبط علي كتف المضيفة وهو محرج جدا وسألها هو التاوالات منين ؟ قالتله: نعم ؟ قالها : هو التاوالات منين ؟ قالتله تقصد التواليت ؟ قالها إيوه ... قالتله من الناحية التانية ... فراح خبط عالكتف التاني وسألها : هو التاوالات منين ؟


شاب رقيق مراتة بتولد وقاعدة تصرخ جامد و هو واقف بره عمال يعيط ويبكي ويقول لنفسه أنا السبب أنا السبب


واد مسطول فى امتحان لغة عربية جاله سؤال فى النحو بيقول : ادخل (إن) فى جملة من عندك .. فكتب : ذهبت إلى المحل و اشتريت إن سبعين


اتنين حراميه دخلوا شقة بليل .. صاحب الشقة صحى فجأة فواحد منهم استخبى فى البلكونة والتانى استخبا فى الحمام .. شوية وصاحب البيت دخل البلكونة ومسك الاولانى وقاله انت بتعمل ايه هنا ؟؟؟ فالحرامى قاله استنى بس هفهمك .. أأ..أأأ...أنا من سلاح الطيران فى الجيش وكنت بحارب اليهود بالطياره لكن صاروخ جه فيا فنزلت بالبراشوت في البلك...ونة دى ... الراجل قاله : ايوه أهو انت كده بطل ، مش التاني اللي نايملى في البانيو ويقولى ضفادع بشريه


واحدة رفيعه اووووى ومش بيجلها عرسان خالص من رفعها .. امها جاتلها فكرة انها تجيب جرايد كتير و تلفها حولين البنت من تحت الهدوم كده فـ تبان تخينة شوية .. واحد شافها وعجبته واتجوزها وليلة الدخله كل مايشيل جرنال يلاقى واحد تحته ، يشيله يلاقى جرنال تحته.. سابها وراح اتصل بحماته وقالها : ايه يا حجه ؟ هيا بنتك على الصفحة كام

محشش جابوه للقاضي قاله لو قلتلى 10 حاجات بتعملها من ساعة ماتصحى لغاية ما تنام وتكون تبدا بحرف الالف حسيبك؟ قاله المسطول: اجيبها واحرقهاوافرطها والفها و اولعها واعمرها وامخمخ انسطل اطفيها انام