ممكن تشوفوا لي الاكسبلورر آخر إصدار ؟؟

أهليييييييييييييييين مرة ثانية و إلى نفس المشكلة منذ قبل الفرمتة

التصفح التقيل ناتج عن كذا شغلة معاً :

1- بطء الخط أساساً .. و لكن هذا رح يسبب أخطاء قبل البطء .
2- نوع المتصفح .. بعض المتصفحات بتخزن الصفحة بالكامل بالرام بشكل مباشر و هذا بسبب بطء شديد في الأجهزة القديمة و هذا موجود في جميع المتصفحات الحديثة وعلى راس القائمة الانترنت اكسبلورر 8 و الفايرفوكس 4 أو 5 .
3- المفاجىء لكتير عالم و الفكرة الغلط أنو كرت الشاشة ما بأثر على أداء الجهاز في حال كان بس للانترنت . الحقيقة أنو لازم يكون كرت الشاشة وسط فما فوق لحتى يقدر يمشي مع أكثر من صفحة في آن واحد بدون ما يخنق و يصير بطيء الأداء و تعريف كرت الشاشة ألو دور لأن أغلب الكروت لما بتكون بدون تعريفها النظامي اللي هو غير تعريف الويندوز الأساسي بتصير بطيئة مع عمليات التصفح بالنسبة للصفحات اللي فيها صور و حركات كتير .
4- سرعة المعالج بتأثر على عملية التصفح لكن فقط من ناحية عملية السكرول يعني لما مننزل في الصفحة لتحت أو لفوق فممكن إذا المعالج ضعيف رح تلاحظي بطء أو تعليق في حالة عمل سكرول للصفحة و خصوصي في المواقع المليانة صور و حركات
5- مضاد الفيروسات ممكن يعمل بطء لأنه بيشغل المعالج بشكل أساسي .


يعني كلن سوا بيعملو بطء و الحل أنك تخففي أكبر قدر ممكن من الأسباب ..
و الحلول كالتالي كل حل لرقمه فوق :
1- الحصول على خط انترنت سريع .. أكتر من 256 كيلوبت بالثانية بالنسبة للمنزل
2- الفايرفوكس أو الجوجل كروم من أسرع المتصفحات أداء و لكن الفيرفوكس بيعتمد على مواصفات الكمبيوتر أما الجوجل فأقل أعتماد . و بضل الجوجل كروم الأسرع تماماً بالنسبة للأجهزة البطيئة أما الأجهزة السرييييعة فالفيرفوكس أسرع و الأجهزة الخارقة فالانترنت اكسبلورر 9 يعني المتصفح الأمثل .
3- في حال ما فيكي تبدلي كرت الشاشة فلازم يكون معرف من تعريفات الشركة الأساسية و ليس من تعريف النظام لحالو .
4- مالها حل غير تحسين مواصفات الكمبيوتر
5- استخدام مضاد فيروسات خفيف و آمن و المستحسن للأجهزة البطيئة هو الأفيرا و المتوسطة و السريعة هو الكومودو بالنسبة للمضادات المجانية .

و بالنسبة لألك و حسب ما ذاكر مواصفات كمبيوترك برأيي تنسي تماماً الانترنت اكسبلورر و تشتغلي على الفيرفوكس أو الجوجل كروم .. لأن الانترنت أكسبلورر 7 أو 8 أو 9 رح يكون بطييييييييييييييييييييييييييء جداً عندك و رح يزيد الطين بلة في حال تنزيل اضافات ..

و بالنسبة لمضاد الفيروسات خليكي عالأفيرا رغم العيب الكبير اللي فيه اللي هو أنو إذا شغلتي ملف مفيرس أو فيروس بحد ذاتو بإيدك ما رح يوقف بوجهه .. و الحل تفحصي أي شي قبل ما تفتحي الملف .


مع التحية