أسرار يجب إخفائها عن الزوجة

رغم أن الزواج,كعلاقة يفترض أن تقوم على المكاشفة التامة بين الطرفين,إلا أن الواقع الحياتي لهذه المؤسسة الاجتماعية,

يحكي غير ذلك ,إذ تظل هناك لأحد الطرفين أسراره,التي يودعها غرفة مغلقة,يحظر على الطرف الآخر الدخول إليها,أو الاقتراب منها,وبما أن الرجل هو مدير هذه المؤسسة,وهو الطرف الأقوى فيها,فإنه صاحب غرفة الأسرار,مفتاحها في يده,ولا أحد مسموح له بالدخول حتى الزوجة. وقد لاترقى هذه الأسرار إلى زعزعة أعمدة حياتهما المشتركة,ولا إلى الخيانة بالضرورة ,ولكنها غالباً ما تتعلق بالأمور المادية, أو صداقات غير مرضي عنها أو علاقات في الخفاء مع الأقارب,أو معونات إلى الأهل تقدم تحت الطاولة. هنا نحاول أن ندخل غرفة أسرار الرجال,لكن بحذر. عندما سألت أبو كنان إذا كانت هناك أسرار يخفيها عن زوجته? أجاب وبلا تردد: بالطبع..! والأحرى أن تسألني هل هناك ما تخبر به زوجتك? إنني أعتبر أن تحركاتي وتنقلاتي اليومية,وعلاقاتي مع أهلي وأصدقائي,أموراً خاصة إذا تدخلت فيها المرأة تفسدها لا محالة. مثلاً أخبرت زوجتي عن أمر يخص زوج أختي,وحين نشب بينهما خلاف في مشاجرة عائلية ,لم تتمالك زوجتي أعصابها , وعيرتها بما أخبرتها عن صهري, فوضعني هذا في موقف محرج وفقدت ثقة أهلي..واتهموني بأنني أفضحهم أمام زوجتي فأقسمت ألا أطلعها على شيء يخصني أو يخص عائلتي

عطونا رأيكم يا متزوجين انتو بتخبروا زوجاتكم بأمور تخص الأهل وبتسمحولن بالتدخل بشؤن أهلكم
تحياتي

أنا غير متزوج
و لكن
وجهة نظري كالتالي :
بعض النساء لا يحتملن الحفاظ على أقل الأسرار ..
الواحد إذا زوجته من هذا الموديل فالأفضل ما يخبرها بشي ... أو إذا بدو ينشر شي خبر : بخبرها عنو و بقللها هذا سر ...
هههههههههههه
حتى الآن نسبة النساء اللواتي أنا شفتن أنن غير قادرات يكتمو الأسرار أو أنو ما يخبرو حدا شو عم يعملو مفاجأة النسبة أكتر من 80% .. في استثناءات ....
و بتمنى من كل قلبي تكون زوجتي هي مدفن أسراري .. و يا ريت هيك تطلع .. ساعتها بحكيلها كلشي كلشي ...
تحياتي

شكراً لمرورك أخي مستر جي تي
بالنسبة للموضوع أنا بشوف إنو ما أخد حقو من النقاش
على كلن أنا برأيي إنو الرجل ما لازم يصارح مرتو بالمواضيع والمشاكل الخاصة بأهلو والمساعدات المادية يلي بقدمها للأهل
والسبب هوي إنو الزوجة بتصير تنظر لأهل الزوج نظرة دونية
وتقبلوا تحياتي

موضوع المساعدات المالية أو أي نوع من المساعدات موضوع غير قابل للنقاش أو الإخفاء !!
هدول أهلي و لازم ساعدهم لما بيطلبو ... و بيت حماي كمان أهلي و لازم ساعدهم !
ساعة اللي بتصير تفرقة بين الأهلين ساعتها بكون في خطأ و بتبلش المشاكل
" ليش عم تساعد أهلك و أهلي لما احتاجو ما ساعدتهم ؟ "
لما بدك تخفي الأمر معناها عم تفرق بينهم ... فيك تشرحلي شو السبب ؟
تحياتي

خيو كلامك صح مئة بالمئة بس بحالت انو الشخص يكون مقتدر مادياً بهك حالي فينو يساعد اهلو بالإضافي لأهل الزوجة أما إذا كان وضعو المادي ضعيف فهوي بهالحالة مجبور بأهلو بس
وفي بعض الزوجات الله يهدين بصيروا ينقو على الزلمي إذا عرفوا بالموضوع على اساس إنو اولادوا احق بهالمصاري من أهلو
وتقبل تحياتي وريتا ما تبلا هالإبتسامي

الله يسلمك
بس بالله ما حلوين سناني ؟
بيجنوو ما شاء الله عليهم
هههههههه
أما أنو الوضع المادي الضعيف ....
من ناحيتي :
إذا وضعي المادي ضعيف معناها ما رح أقدر ساعد لا أهلي ولا أهل زوجتي ..
بس في شغلة هلأ انتبهت عليها
المساعدة شو المقصود فيها ؟
مثلا حالة طارئة ؟ ولا راتب شهري مدفوع لصالح مصاريف أهلي ؟
الراتب الشهري أنا بعطيه لأهلها أو لأهلي ما في فرق .. طالما أخوتها الشباب ما عندن القدرة أو رفضوا لسبب ما فأنا رح قوم بواجبي ... حيث أنو هدول بيت حماي و أهل زوجتي و أكيد رح يكون موقفها مني أحسن من أنو لما برفض أنا كمان ! .. و عالأغلب أطلع بسواد الوش مع بيت حماي .. بس ما بهمني ..
و إذا حالتي المادية ضعيفة و أهلي و أهلها اعتازو مساعدة دائمة فرح حاول وزع بين الاثنين ..
أما إذا أهلي بحاجة مساعدتي و أهلها لا ... فأكيد رح ساعد أهلي فقط و أنا معروف أني ما بقبل نقاش بأمر أنا عم اشتغلو و مقتنع فيه تحت طائلة الحرب الضروس و المقاطعة .. لذلك شو ما حكت زوجتي ما رح يكون في تأثير علي ..
و إذا كنت عم أعطي أهلي مصاري و هنن ما بحاجة فهيك بكون ظلمت أولادي ...
على كل عندي عقل و بقدر فكر مين بحاجة أكثر
==
اما الحالات الطارئة ... فهذه بغنى عن النقاش ..
==

برجع بقول هاد رأيي .. و إن شاء الله ما اتغير بعد الزواج !

تحياتي

بهنيك على أخلاقك النبيلة ونيالن بيت حماك بس أنا بخالفك بالرأي يعني إذا الرجال أوضاعو المادية ضعيفة أنا برأيي إنو يساعد أهلو بس .\
إذا كان عند بيت حماه وضع خاص يعني بيطلب إنو يساعدن مافي مانع وما بظن إنو في بيت أحمى بيرضوا ياخدوا معاش من صهرن تحت أي
ظرف من الظروف
وخصوصاً إذا عندن ولاد شباب

نسيت جاوبك على سؤالك
اقصد بالمساعدة راتب شهري من قبل الزوج لأهله
وياريت حدا من الأعضاء يشاركنا بالحوار
تحياتي

تماماً
و أنا هيك حكيت لكن ضفت أنو :
إذا أهلي ما بحاجة مساعدة .. و وضعي المادي ضعيف ... فعيلتي أولى و أهم ... و عيلتي هي أولادي و مرتي ... ما بس أولادي لحالهن ..
أتمنى تكون وجهة نظري اتوضحت

مرحببببببببببببببا
كيفكن
ابو رعد شو قصتك لسه بتقول ما اخذ حقو ما اخذ حقو طول بالك
مو لنفوت اول على النت هههههههههههه

هلقث خلينا بالمناقشة
انا مع جوري بكلامها
مو لازم ابدا اندقق على قصة وحدة صارت
حتى الرجل مالازم يعرف شي عن اهل الزوجة اذا هيك
لانو كمان هو ممكن يحمل على اهل الزوجة شغلات ومارح يقدر ينسى موقف سمعو


يعني اذا بدو يصير في تخباي عن بعض ماعاد اسمها مؤسسة
ولما عم تعطو لحالكن حق ادارتها
وحق امتلاك غرفة الاسرار
ماعاد اسمها مؤسسة او شركة
صار اسمها ....
دكان الرجل مالكها والمراة صنايعية عندو

ومشان شغلة المصاري اكيد الولد لازم يساعد اهلو
اما اهل الزوجة فمامن حقها تطلب مساعدتو الهن
بس لازم يساعدهن بشكل معنوي يعني يوقف جنبهن يحسسهن انو هو صار متل ابنهم
بس اذا الزوجة عم تشتغل
فلازم تساعد اهلها ولو بشي بسيط
ههههههههههه
لانو كمان هنن اهلها وتعبو عليها
وشكرا ابو رعد لنا رجعة اكيد

شكراً على مشاركتك
بس يا ريت نلتزم بالحوار بدون تجريح
كلامك صحيح ولكن في عالم الأحلام أما الواقع فالكلام مختلف

تحياتي الكبيرة للشباب
حبيت أتدخل
شفت في حساسية
بدي وجه تنبيه للأخ لين
أخ لين : التجريح بالأعضاء ممنوع مهما كان السبب .. و هذه مو اول مرة بتجرح بعضو ..
ولا أريد للموضوع أن ينتقل إلى قسم الشكاوي
لذلك رجاء مني ألا تستخدم أي صيغة فيها أي نوع من تقليل قيمة أي عضو .. حيث ان ليس كل الأعضاء تقبل التجريح .. و أنت واحد ممن لا يقبل التجريح أبداً ... صح؟
أرجو أن تتقبل الأمر بتفهم
تحياتي

احم احم
بتسمحولي رد
براي انو الزواج ليس امراة ورجل وأهلي وأهلك
لما اخترتك انت دون الآ خرين لم أخترك لاني اريد زوجا وبيتا واطفال فقط
وانما اريد روحا تعانق روحي ويدا تشد أزري وأشد أزرها خلال رحلة الزمن
رحلة عمري وعمرك سوية
وانا غيورة ولكن لست أنانية ولا حمقاء
اريد ان اعرف كل شيء يخصك حتى تفاصيل عملك والاحداث اليومية العادية
لا لشيء وانما لاحس انني معك بكل شيء روحا وجسدا
لذلك الصراحة في التعبير والحديث اليومي بين الزوجين هو الاساس في استمرار علاقة ناجحة
وشكرا
آسفة ع الاطالة