الغربة وليل الحزن

من طرف **AHMADSYRIAMAN** 28/10/2010, 12:28 pm

حلمك علَـَيْ ... يا حزن
حلمك علَـَيْ ..... يا ليلْ
لا صبري , ذاك الصبر
ولا حيلي , ذاك الحيلْ
طالت علـَيْ غربتـــــي
وراواني عمري الويلْ
* * *
كلما أكول :الفـــــــــرحْ
باجر, يوافينـــــــــــــي
وينزاح ليل الحــــــزنْ
وتخضٍّر سنينــــــــــي
ويردْ حمام الصبــــــح
ويحط على عيونـــــي
واصرخْ واكولن هلي
يا ديره , ضمّينـــــــي
يصفعني كف الحلـــمْ
والدمعة تجوينــــــــي
* * *
مجروح يا غربتــــي
وين اليداوينـــــــــــي ؟
تايه , أدوّر هلـــــــي
يا هو اليدلّينـــــــــــي ؟
طحت آني وآني الجملْ
كثرت سجاجينـــــــــي
* * *
يا ليل حلمــــك علـَـــــي
حلمك علـَـى اعصابـــي
عضّيت كــــف النـــــدمْ
حـــد إنكسر نابــــــــــي
ما حد درى بعلّـــتــــــي
حتى اقرب أصحـــــابي
كلما أغمض الجـــــفــنْ
أتخيّــــل احبابـــــــــــي
واسمع رنين الحجـــــلْ
يركص على أعتــــابي
واجفل , واكولن : هَليْ
واركض , وأفك بابي
ما الكه غير الحــــــزنْ
بوجوه الأجنـــــــــــابِ
* * *
يا ليل ..... خبّر هلــــيْ
ضعت , وخذاني السيلْ
تاهت علـَي خطوتــــي
وضيّعت نجم سهيـــــل
بس عمري ما اتغيّرت
ذاك آني , حبّة هيـــــل
أضحك , وأطش الفرح
وبروحي , ترفس خيل
مجروح , وانزف شمع
يضوي بصواني الليل
كلما صفعني الوكــــت
كلت : اصفع بكل حيل
بيدي ازرعت غربتي
وبيدي حصدت الويل
* * *
حلمك علَـَيْ ... يا حزن
حلمك علَـَيْ ..... يا ليل
لا صبري , ذاك الصبر
ولا حيلي , ذاك الحيل
طالت علـَيْ غربتـــــي
وراواني عمري الويل

من طرف **mariam** 10/11/2010, 11:58 pm

ما اصعب الغربة وما اقساها
مشكور احمد على الخواطر الرائعة
وان شاء الله يعود كل مغترب الى بلاده لينعم بدفء الاوطان

الغربة وليل الحزن

الغربة وليل الحزن

رد: الغربة وليل الحزن