من الأيميل مباشرة : مدلولات المتة

تذكير بمساهمة فاتح الموضوع :

بدي أجي أشرب كاسة متة عندك
جاي لعندك مشوار.

عازمك عكاسة متة
عازمك لعندي.

هالحديث بدو كاسة متة
ما بينقال عالواقف أو عالتلفون, بدو قعدة.

بتتخيلي كاسة المتة هون؟
المنطقة جميلة جدا.

حزور وين شربت متة؟
تدل على غرابة مكان زرته.

حزور مع مين شربت متة؟
قعدت مع واحد ما رح تتوقعو أبدا.

ياما شربان معو متة
كنت صاحبو لهداك الشب (و بتنقال لما الشب التاني بتعلا مراكزو)

سخنو
أنا جاييك عالطريق.

نقاع
تخلى عن رزانتك و شاركنا أطراف الحديث.

لسا ما قطعت كاستك
اذا ضيفك بدو يروح و ما طول بالقعدة.

بدنا نجدد
قعدتنا مطولة.

جددنا تلت مرات
يعني الزلمة طول عندي.

قطعت كاستو و ما كنت جددلو
دبقني الأخ و حاولت قحطلو.

ما كنت سخن الأبريق
تعمل عمل سابقتها.

مركزا لحالي
يعني حاطط كاسة متة و قاعد لحالي قعدة رواق.

حزور شو نسينا؟
ما جبنا الأبريق (لما منكون بسيران)

طيبة هلق كاسة المتة
بعد أي شي بيعملو الطرطوسي و بالأخص بعد أكلة دسمة, أو لما تشتي الدني.

بدا كاسة متة
الشغلة بدا تركيز.

ما بيشرب متة
مقت.

قاعد و حاطط كاسة متة قدامو
طايلة قعدتو (بتنقال اذا ناطر حدا)

قاعد مأشرب متة
مو ماعمل شي (اذا انسألت شو متعمل)

ما شربتنا متة
ما كانت ضيافتك منيحة (بتنقال عسيبيل المزحة)

ما شربنا متة
ما كانت ضيافتو منيحة (بتنقال بجدية)

شبك؟! بدنا نشرب متة
لا تقلي رايح.

يلا بشرب كاستين
ما رح خجلك, بس عنجد أنا مستعجل.

منشرب متة بالأول ولا مناكل و منشرب متة؟
تنظيم وقت السيران.

انقالت بقعدة متة
ضعيفة المصداقية.

اكره القطط جدا
جدا
جدا

هعهعهعهعهعهعهعهعهعهعهعهع


بس انا بحبون

قطط----- شو دخل القطط بالمتة

اخ منك يانور

ما بعرف بس الظاهر بيشربو متة

الله يسلم هالايدين يا علاء

مصطلحاتك كلها صحيحة ومستخدمة من قبلي