هل تحترم البنت اللي تكلمها عبر الهاتف ؟

ممممممممممم
لما الشب بيحكي مع البنت عالتلفون بدافع الحب (المقصود به العشق) و بيصير غزل و حكي مشاعر بينهم على أساس الحب (المقصود به العشق) فالتنين أضرب من بعض ..
و بحتقرن تنيناتن
أما
إذا كان الكلام عادي .. كلام أصدقاء .. لما منطمن على بعض .. لما منتصل بدنا شي .. لما منتصل لننسق أمورنا .. لما منتصل بس لنحكي لأن صرلنا زمان ما حكينا و يكون حديثنا عبارة عم سؤال عن الحال ضمن حدود الأدب العام .. فالأمر عادي ..

هذا رأيي

مشكورة جوري على هذا الطرح الجميل
و أدامك الله لنا ذخراً لهذا الصرح الجميل
تحياتي الجميلة

نحنا عم نحكي انك تكون عم تحكي مع بنت على اساس الحب
بس بالواقع انت بتحتقرها لانها عم تحكيك
وما عندك استعداد ترتبط فيها
ما عم نحكي عن موضوع الصداقة
لانو عنجد في كتير شباب بيقولو متل ما حكت معي بتحكي مع غيري
وما بيرتبط فيها
ووقت بيصير الموضوع موضوع زواج
بيروح بيدور على وحدة عذراء العواطف متل ما قال واحد من الشباب اللي انسالو هالسؤال
مشكور جي تي على مرورك وبيسعدني كتيييييييير انك تكون اول المارين
نورت الموضوع بتمنى يكون الك مرور تاني

إي إذا و فقط إذا عم بحكي مع بنت على أساس حب (و هذا أمر صعب و ما من طبعي) و ما حكت معي رح انزعج لأن ما في تقدير لمشاعري ! ..
و أني احتقرها لأن بتحكي معي !! .. أنها تحكي معي مانو سبب لأحتقرها .. كلماتها اللي بتختارهن هنن اللي بيحددو عملية الاحتقار أم لا ! .. و هذا ينطبق على الجنسين .. فكمان هو متل ما حكا معها حكا مع غيرها ! صح ؟ و متل ما حكاها حكى غيرها ! صح ؟

و بالنسبة لموضوع الزواج ...
منحكي فيها بعدين ... و لكن باختصار ما بدي شريكة حياتي تكون ما بتعرف شي و عايشة بقفص ذهبي و تجي لعندي ما بتعرف شو في بالشارع ! ..
تحياتي

هلق السؤال بس للشباب ولا فينا نشارك؟



بصراحة اغلب الشباب بفضلو يرتبطو ببنت ماحكت معهن
بناء على ماشفت قدامي
مثلا ابن عمي لما راح يخطب هو خريج حقوق ودراسات عليا وماجستير وشو بعرفني لما راح يخطب مارضي يخطب غير وحدة صغيرة لسه قال ماعندها علاقات

الكل ادايق من موقفو وقالو اذا هو هيك فكر غيرو كيف بدو يفكر

ولهيك اكيد هو شايف كتير مشان هيك بدو وحدة لساها بالمدرسة بالمرحلة الثانوية

طيب بس بدي اسال هالنوع من الشباب كيف بتطمن انو اللي رح ترتبط فيها متكون حاكية مع غيرك
ليش انت ممكن تعرف هي كيف كانت؟

والبنت لما بكون بدها تعمل شي بتعملو ومن دون ماحدا يدرا


طبعا انا مع البنت انو تتعرف على الشخص اللي بدو يقاسمها حياتها لانو اذا صار خلاف بيناتون وحصل طلاق ماحدا رح ياكلها غير هي
سواء بنظرة المجتمع
او اذا عندها ولاد رح ادوق المر فيهن

المووضووع عجبني كتيررر
هلق انا ضد أنو الشب يحكي مع البنت على اسااس أنو بحبها وبدو يتزوجها وبالاخيرر بيقولها
لأ ما بي أتززوج وحدي عم احكي معها

تاني شي في بناات كمااان هييك بتحكة مع الشب وعلاقة حب وما بعرف شوو وبالاخير تبقولو احنا مو لابقيين بعض
يعي ما نحط اللوم بس على الشباااااب

ثالثت شي ما بتوقع أنو واحد أخد رقم وحدي بالشااارع وبدو يحكي معاها على اساس أنو بدو يحبها او يتزوجها لأنو راااح يقووول أكيييد عطت رقمها لغيري متل ما عطتني إياااااه

رابع شي أنا من الأشخااص الي بيكره يحكي مع البنت وانو بحبها وما بعرف شو وبوعدها بالزوواج
حتى انو بحتقر الشب الي هيييك الي عرفان أنو ما راح يتزوجها وبيقولها راح اتزوجك


ومشكووورة جوووري على هالمووضوووع الرائع
وشكرا إلك

هلا هلا جي تي نور الموضوع بمرورك التاني
انا كتير بحترم وجهة نظرك اللي بتعبر عن شب بيحنرم حالو قبل ما يحترم الناس
وانا معك انو طريقة الكلام هي اللي مكن تخليك تحتقر هالانسان او لاء
بس والله في ناس انا بعتبرهم مرضى نفسيين
بتكون البنت ما حاكية مع غيرو ويمكن بكون نشف دمو لحكاها وبيرجع وقت الارتباط بدير ظهرو وبيغير مسارو
وما بيرتبط فيها
مشكور صديقي
بس شو مشان الزواج ؟
ايمتى بدك تناقشو ؟

طبعا الموضوع مو حصرا للشباب
وانبسطت كتير بمشاركتك
شايفي يا ام الرور كيف شبابنا بفكرو ؟
وانا مع فكرتك انو البنت وقت بدها تعمل شي بتعملو وما بتسال على حدى بعدين شو الي بيضمن للشب انو هالبنت مو حاكية مع غيرو ؟
يعني الشب اللي بدو يفكر بهالطريقة رح يتعب
لانو ما في ضمانات لشي
نورتي حبيبتي

اخيراوليس اخرا صياد الحلوين
يا عيني عليك يا صياد هاد الحكي اللي بينسمع
بس انا ما عم قول انو دائما الحق على الشباب والبنت ملاك
بس بتوقع انو اذا بنت لاقت شب جدي معها وبدو يرتبط فيها رسميا ما رح تتسلى وتقضي وقت لانو هي الخسراني الوحيدة بهيك حالة
اما موضوع اخد الرقم من الشارع
فكمان انا ضدو ويمكن قلت انو البنت اذا حدى بيسمعا كلمة ما بتعجبا تتصرف بطريقتها هههههه
وكمان بحترم رايك واخلاقك العالية وكلنا لازم نحتقر هيك شخص
لانو متل ما ذكرت سابقا ما بيخاف على سمعتو ولا على سمعة اخواتو
مشكور على مرورك الراائع

بسم الله الرحمن الرحيم

انا صوتت اني ارفض نعم

يمكن تقولو انو انا عقليتي قديمة
بس البنت يلي بترافقا
اكيد ومن الممكن 99.99% انو ترافق غيرك
وانا مجرد ما تركت البنت
مستحيل عاد اتطلع فيا
ان شالله تكون ملكة جماااااااال
انا هيك نظرتي
ما بعرف

مشكووووورة جودي على طرحك للموضوع

الامير الجنوبي في حينا وعم يضربنا بحجارو ههههههههههه بداية نورت صديقي
بس لهلق ما عرفت الموضوع لشو جائع ؟
اولا انا بخالفك بالراي بموضوع انو العلاقات على النت او على التلفون بتنتهي بالزواج لانو معظم الشباب بيفكرو بطريقة اللي بتحكي معي بتحكي مع غيري هلق اكيد ما في بنت الا ما حاكية مع شب والعكس صحيح حتى لو ما على اساس حب وانما على اساس صداقة وهاد شي ما منختلف عليه ابدا فلهيك الشب اللي بدو يفكر بهالطريقة رح يتعب حالو كتييييييير
ومشان انا ورحمة نحنا اكيد ما منايد او البنت تعمل اللي بدها اياه بدون اي رادع ولكن ردا على هيك انواع من التفكير انو اذا الشب راح خطب وحدة ما بيعرفها شو بيضمنو انو ما كانت تحكي مع حدى غيرو
وبالنسبة انو لازم انت وشريكتك تكونو صفحات مفتوحة وتحكيلك كل شي عن الماضي والحاضر انا برايي انو الرجل الشرقي لا يرضى بدور الا ادوار البطولة يعني اذا كان هو رقم 2 بحياة البنت وعرف هالشي رح يضل خيال الشخص الاخر بحياتو وحياتها طبعا اناما عم قول انو البنت تخبي ولكن في اشياء ممكن تتغير بعلاقتهم وممكن لاء هاد بيرجع لطبيعة الشب
ومشانك انت الا ما تلاقي وحدة تقبل تنزل على ضرة دور منيح بتلاقي
ههههههههههه
مشكور صديقي لمرورك
والله نور الموضوع الجائع
ههههههههه

هلا بلاك شادو
انا بشكرك كتير على مرورك وعلى صراحتك
وبحترم رايك كتيييييييييييير
بس انا مو معك
ما ضروري اذا البنت حكت معك تحكي مع غيرك
ويمكن البنت اذا بتحكي مع شب وبيتركها بتتعلم انو ما بقى تحكي مع غيرو
ما بعرف الموضوع عنجد شائك
بس عنجد بشكرك على صراحتك وبرجع بقلك اني بحترم رايك كتيييييير
نورت اخي

هههههههههههه
يبعتلك الهنا يا امير
هههههههههه
بعرف انك ما عم تهاجم ولكن بدي هز الورد يعني انت ما بتعرف قصة هز الورد اللي هو من اختصاصي واختصاص صياد الحلوين
وانا تعمدت اقتحام ساحة الرجل الشرقي لانو انت رجل شرقي وكان بدي اسمع وجهة نظر الرجل الشرقي بالموضوع
وعجبني رايو كتير
ههههههههه
اما بالنسبة للعرض على الطبيب النفسي فانا كمان معك وبالسرعة القصوى
واخيرا وليس اخرا
شكلك مامن على الضرة ؟؟
ههههه
نورت صديقي العزيز

الغريب كتب:أصدقائي بعتذر لأني لن أتوسع في هذا الموضوع
لأنه وبكل صراحة الأمر يبدأ بالرضا وبعدها تكون عاقبة الأمور
فالدين موجود والعقل موجود فعليكم بالتدبير
ولا أعتقد أن الموضوع يجب أن يتشعب لأنه سيدخلنا في متاهات كثيرة
فحياتنا 99% فيها خطأ
الله يلطف فينا ب 1% التي بقيت
مششششكورة جوري
اعذريني لأن الموضوع أخطر مما تتصورين
تقبلي مروري

حبيت أتدخل
بدي أرجع أكد على كم كلمة قلتها ...
التنين لما بيحكو مع بعض بصيغة العشق و الغرام فالأمر محرم و لا يحتاج إلى نقاش ..
و لكن نحن هنا ليس للتحليل و التحريم .. بل للنقاش فقط
و أحترم رأيك تماماً
و بعترف أنو في شغلات كتير غلط في حياتنا و لكن مو 99% .. كتير هيك
ههههههههههههههه
و بالنسبة للخطورة ما بعتقد الموضوع هنا لنعملو خطير ... بيكفي أنو كل واحد يدلي برأيو و كل واحد يتصرف متل ما بحب
رب العالمين عطانا حرية التصرف و عطانا العقل .. كل واحد بيعرف شغلو
ههههههههه
أعذروني عالتدخل .. و لكن لمنع تكبير القصة
و أرجو ما حدا يكبرها
تحياتي

الغريب كتب:أصدقائي بعتذر لأني لن أتوسع في هذا الموضوع
لأنه وبكل صراحة الأمر يبدأ بالرضا وبعدها تكون عاقبة الأمور
فالدين موجود والعقل موجود فعليكم بالتدبير
ولا أعتقد أن الموضوع يجب أن يتشعب لأنه سيدخلنا في متاهات كثيرة
فحياتنا 99% فيها خطأ
الله يلطف فينا ب 1% التي بقيت
مششششكورة جوري
اعذريني لأن الموضوع أخطر مما تتصورين
تقبلي مروري

اولا بشكرك على مرورك
صديقي عمار هون قسم النقاش يعني انا كتير بحب اسمع رايك بالموضوع
واذا حاسو خطير فيا ريت توضح لي وين وجه الخطورة بالموضوع
يمكن انا غفلت عن شي ممكن تذكرني فيه وتفيدني وتفيد الاعضاء فيه
بتمنى انو تعطينا رايك
مع احترامنا لرايك واحتفاظنا باراءنا واحترامك الها اكيد
جي تي اكيد الموضوع ما رح يكبر
يعني ما في شي يستدعي انو يكبر
وانا بحترم اراء جميع اللي مرو على الموضوع
ما ضروري اذا اختلفنا بالاراء نتزاعل
شو تيتي عمار ؟؟
ههههههههه

هههههههههههههههههههههههههههههههه
بالعكس علاء مداخلة رائعة
صديقي لك ما قصدت حرام أو حلال بقصد انو الحل موجود في الدين
أنا عبد مسكين فقير لا بحلل ولا بحرم
هههههههههههههههههههههههه
في نقطة إني بالغت بالنسبة شوي وهاد حقك تعترض عليه
شايف أنا ديموقراطي
ههههههههههههههههههههههه

وكلامك صديقي بمحلو كل واحد مسؤول عن تصرفاته
وأنا بحترم رأيك صديقي والموضوع للنقاش أكيد


وانت بتأمر سيادة المدير كل شي ولا زعلك


مصلحة مشان تخليني مشرف
ههههههههههههههههههههههههههههههههه

مشكورة كتير جوري ع الاستبيان
و مشكورين الاعضاء ع المشاركة و توضيح وجهات النظر
بالنسبة إلي انا جاوبت لا
وانا فكرتي من الموضوع بسيطة : انو العكس من السؤال مستحيل ....
يعني انا مو مستعد للارتباط من فتاة ما بعرفا

اهلا وسهلا بصديقنا الجديد
واحلى مان
بحترم رايك وبشكرك على مرورك على موضوعي
وبتمنى نشوف مشاركاتك دائما معنا
نورت اخي

بما دخلت الموضوع فلا بد ان أبدي رأيي لكي لا تذهب الأفكار بعيدا
السؤال كان هل تحترم البنت اللي تكلمها عبر الهاتف ؟
الجواب أكيد بحترمها ومهما كانت صفتها سأحترمها ولكن ضمن الحدود

ليسؤال الثاني هل ترفض الإرتباط بفتاة كنت على علاقة معها ؟

الجواب من وجهت نظري هو كالتالي:
مايحدد هذا الجواب هونوع العلاقة وسبب اختيار هذه الفتاة بالذات
فإذا كانت ضمن نطاق الأدب والحشمة والأخلاق فهذه العلاقة لا تنقص من احترامي لهذه الفتاة ولا مانع من الإرتباط بها
منطقيا أنا حين اخترت هذه الفتاة لأسباب جعلتني أتقرب منها واتكلم معها
الحشمة الأخلاق الحسنة ولم أجدها تتكلم أو تقف مع شخص آخر
فأكون أنا أول من تكلم معها طبعا خارج نطاق العمل أو الدراسة ولأني أفكر بالإرتباط بها فلن تفكر
بأن تكون على انشاء علاقة مع اي شخص آخر
كل هذا مبني على الثقة والصدق بغض النظر عن الحب ومشاعره
وبالنتيجة هذا إختياري وأنا مسؤول عن نتائجه
هذه هي وجهة نظري والموضوع طويل جدا ولكن هذا مختصر الكلام
ولكن هناك جزئيات مهمة يجب التحدث فيها لكن في مداخلة أخرى


مشششششششكورة تيتي جوري

يا ربي عمار
لا تقلي تيتي هههههههههه

وبشكرك على مرورك وابداء رايك اللي كتير بحترمو
نورت

انا بالماضي كان تفكيري متل تفكير النماذج اللي عرضتها جوري بس بالوقت الحالي
تغيرت افكاري او بالاحرى تطور التفكير عندي وانفتح وصرت مؤمن انو لازم كون بعرف كل شي عن البنت اللي لازم ارتبط فيها
وبالتالي لازم كون حاكي معها او مجتمع فيها بغض النظر عن الطريقة ( الشرعية طبعا) والا اذا كنت رافض لفكرة الارتباط ببنت مش حاكي معها من قبل كيف بدي اعرف اذا هالبنت مناسبة الي او لاء
وما بعتقد انو لسه في حدا بيشتري السمك بالمي