هذا هو اللي قدرته ...وقدرك ربي عليه ؟؟

من طرف **جوري** 6/12/2009, 7:42 am

ليـــــــــه ..!!!

هذا هو اللي تبيه .. ؟؟
اني ارحل من حياتك
واشعل عيوني بــ ليه..!!
بس خلاص ..!!

هذا هو اللي قدرته ..؟
وقدرك ربي عليه ..
بذمتك هذا كلام ..؟
اني ارجع من جديد
ارجع افرش كل تعب
عمري وانام ..

زين لحظه..!!
لااسالوني الناس وينك ..؟
وان درو ضحكة عيونك
عن عيوني سافرت
ردت لعينك ..

بذمتك قول ..
وش اقول ..؟
قول قول قول قول
الله يخرب بيت بيتك
توني يادوبي بديت
بعت عمري واشتريتك
خطوه خطوه واشتريت
توني باطراف البدايه
مدري وشلون
انتهيت ..؟

ياخي حس ..!!
والله عيب اللي تبيه ..
اني ارحل من حياتك ..
واشعل عيوني بــ ليه ..

لاجبينك شمس واحساسك مطر ..
لاعيونك شوق وشعورك دفا ..
جبت لك بـ ايدي ..
ابتسامات العمر ..
ليه تكسرها على اطراف الشفا ..؟؟
شوف ..!!
بعثرني احتياجي بالنظر..
شوف ..!!
وجهي امتلا منك بــ افا ..

ماتجي منك ..
ولكن يابشر ..
منت اول من طعني بالجفا
ابرا منك كل جروحي بالسهر
ولاافكر من ورى قلبك شفا
ول ياقلبك ..!!
مايجيب الا القهر ..
ول ياعمرك ..!!
ماعرف طعم الوفا ..

والا انا ..!!
مثل النهر ابقى نهر..
من تحوسه ترجع تشوفه صفا ..!!
فيني والله احساس لامنه ظهر..
يشعل ضلوعك اذا قلبك طفا ..

هذا هو اللي تبيه ..؟!!
وهذا هو اللي قدرته ..
وقدرك ربي عليه ..

بذمتك هذا كلام ..؟؟!!
اني ارجع من جديد..
ارجع افرش كل تعب ..
عمري وانام ..

وين اروح ..؟؟؟
شلون اجيب لقلبي المجروح .... روح
هذا هو اللي تبيه ..!!
.*.*.*.

للشاعر المبدع سالم السيار

من طرف **مستر جي تي** 6/12/2009, 5:01 pm

مثل النهر ابقى نهر..
من تحوسه ترجع تشوفه صفا ..!!

مشكووووووووووووووووووووووووووووووووورة
جوري

من طرف **صديق الزمان** 7/12/2009, 2:08 am

رائعه جوري تلوتي قصيده تستحق ان يكون النهر طائعا لها اتمنى في المستقبل انتي من تكتبي الكلمات لإن من يستطيع أن يت>وق الكلمات قد يصنعها
بس لماذا قصيدة صديق الزمان انحذفت أليست بالمستوى المطلوب لمنتداكم.....

من طرف **المالك الحزين** 7/12/2009, 2:30 am

جميل جدا

مششششششكورة

يعطيكي العافية جوري

من طرف **جوري** 7/12/2009, 4:11 am

هلا جي تي نورت صديقي
انشاء الله عجبتك القصيدة

من طرف **جوري** 7/12/2009, 4:14 am

نورت صديقي صديق الزمان
صديقي قصيدتك لم تحذف وانما تم نقلها الى قسم الابداع الشخصي
لانني أدري انها من ابداعك الشخصي وبقلمك
اما بالنسبة لي فلا اتوقع ان اكتب الشعر
أحبذ الخواطر والنثر اكثر حيث اني لا استطيع التقيد بقافية
ولكن سأحاول

من طرف **جوري** 7/12/2009, 4:17 am

هلا عمارو
نورت صديقي

من طرف **rahma** 7/12/2009, 5:08 am

والا انا ..!!
مثل النهر ابقى نهر..
من تحوسه ترجع تشوفه صفا ..!!
فيني والله احساس لامنه ظهر..
يشعل ضلوعك اذا قلبك طفا ..

نهر

اه من النهر
لقد مل النهر مني